Vivienne Clash
Vivienne Clash | ||
persoanlike bysûnderheden | ||
oare artyste- nammen |
Vivienne Delon, Fanny Horst, Vivien Morillo, Vivienne Morillo, Vivienne Nadas, Vivian Tora, Vivien Tora | |
echte namme | ûnbekend | |
nasjonaliteit | ||
berne | 2 febrewaris 1976 | |
berteplak | Boedapest (Hongarije) | |
etnisiteit | ||
wurkpaad | ||
wurksum as | neakenmodel, pornoaktrise | |
jierren aktyf | 1995 – 2002 | |
offisjele webside | ||
gjint |
Vivienne Clash, echte namme ûnbekend (Boedapest, 2 febrewaris 1976), is in rêstend Hongaarsk neakenmodel en pornografysk aktrise, dy't ek wol gebrûk makke hat fan 'e artystenammen Vivienne Delon, Fanny Horst, Vivien Morillo, Vivienne Morillo, Vivienne Nadas, Vivian Tora en Vivien Tora. Hja sette yn 1995 útein mei in wurkpaad yn sawol de Jeropeeske as de Amerikaanske pornoyndustry en spile yn frijwat films. Yn 2002 beëinige Clash har karriêre as pornoaktrise.
Libben en karriêre
[bewurkje seksje | boarne bewurkje]Clash waard yn 1976 berne yn 'e Hongaarske haadstêd Boedapest. Hja waard yn 1995 ûntdutsen troch de Frânske regisseur Pierre Woodman, doe't dy yn East-Jeropa audysjes hold op 'e siik nei nij talint. Datselde jiers noch, doe't se njoggentjin jier wie, makke Clash har debút yn in pornografyske film. Neffens de Internet Adult Film Database (IAFD) spile se de folgjende jierren yn totaal yn 56 pornofilms, wêrby't se sawol yn 'e Jeropeeske as de Amerikaanske pornoyndustry wurksum wie.
Yn Jeropa wie Clash benammen aktyf foar it Sweedske Private-label, mar wurke se ek wol foar de Dútske studio Videorama en de Italjaanske Mario Salieri Entertainment Group. Oare kant de Atlantyske Oseaan wie se yn 't spier foar sokke foaroansteande labels as Anabolic Video, Sin City, New Sensations, Evil Angel, Wicked Pictures en Devil's Film.
Under har karriêre yn 'e pornoyndustry wurke Clash gear mei manlik tsjinspilers as Tom Byron, Christoph Clark, Mark Davis, Alain Deloin, Jon Dough, Frank Gun, Nick Lang, Richard Langin, Jean-Yves Lecastel, Roberto Malone, Zenza Raggi, Alberto Rey, Rocco Siffredi, Joey Silvera, Philippe Soine en Jake Steed. Yn 2002 loek se har nei in wurkpaad fan sân jier út 'e pornoyndustry werom.
Lichemsskaaimerken
[bewurkje seksje | boarne bewurkje]Vivienne Clash is blank, mei brune eagen en rodzich brún hier. Gegevens oer har lingte, gewicht en kupmaat binne net foarhâns, mar hja hat natuerlike grutte boarsten. Behalven troch har earlellen hat se gjin piercings, en likemin hat se tatoeaazjes.
Keppelings om utens
[bewurkje seksje | boarne bewurkje]- (in) Biografy en filmografy fan Vivienne Clash yn 'e Internet Movie Database (IMDb)
- (in) Biografyske gegevens en filmografy fan Vivienne Clash yn 'e Internet Adult Film Database (IAFD)
- (in) Biografyske gegevens fan Vivienne Clash op FreeOnes
Boarnen, noaten en/as referinsjes: |