希特勒
外观
希特勒(Adolf Hitler,音标:[adɔlf hɪtlɐ],1889年4月20号—1945年4月30号)係从1933年一径到佢死许日嗰德国总理。等佢做总理同到首领嗰时间,佢拕人非官方人嗰话係德国嗰“独裁者”。希特勒由1921年开始都係国家社会主义德国工人党(Nationalsozialistische Deutsche Arbeiterpartei,即纳粹党)嗰领袖。
希特勒到德国第一次世界大战之后嗰危机嗰场中得势。佢用宣传同到有力嗰演讲,佢关注中产同到草根阶层嗰经济利益,同得有一定嗰民族主义、反犹太主义同到反共产主义嗰味道。等创立喽一只重新架构过嗰经济,一只重新武装过嗰军队,同到一只极权统治嗰政权之后,希特勒仰上采纳一种向外扩散嗰压迫性外交政策,为到扩张德国嗰生存空间。等德国占领奥地利同到捷克一滴土地,同到就入侵波兰之后,就触发喽第二次世界大战。箇滴子地方大部分都接到拕人并进大德意志帝国(Großdeutschland Reich)嗰范围里头。
话係纳粹德国同到轴心国到巅峰时期占领喽欧洲大部分国家嗰地,末了佢俚哈係拕联军打败喽。仗打完发现,纳粹德国拢共杀吥喽一千一百多万人,箇包括屠杀六百万犹太人。
到战争嗰末期,因为柏林拕苏联红军占领,希特勒就同佢老婆到地下室里头自杀喽。