El Rosal
El Rosal
| |||||
Mapa a' bhaile | |||||
Sealladh air a' bhaile | |||||
[[Faidhle: |300px]] | |||||
Suidheachadh | |||||
Dùthaich | |||||
Roinn | |||||
Sgìre | Sabana Occidente | ||||
Àirde | 2685m | ||||
Co-chomharran | 04° 51' 16' Tuath 74° 15' 39' Iar | ||||
Feartan fiosaigeach | |||||
Farsaingeachd | 86 km² | ||||
Àireamh-shluaigh | 13,502 (2005) | ||||
Dlùths | 157/km² | ||||
Duilleag oifigeil | Riaghaltas El Rosal |
' S e baile beag ann an Cundinamarca,[1] Coloimbia,[2] a th' ann an El Rosal. Tha e suidhichte shuas anns na beanntan àirde na h-Andes aig astar dhe 20km bho Bhogotá. Tha teodhachd mheadhanach dhe 13˚ aige. Chaidh am baile a stèidheachadh ann an 1887.
Freumhan an Ainm
[deasaich | deasaich an tùs]'S e ainm Spàinntis a tha a' ciallachadh Achadh na Ròisean neo Lus na Ròisean a th' ann an El Rosal.[3] Tha an t-iar-leasachan -al a' ciallachadh àite làn chraobh neo doire-choille,[4] m.e: Yopal ann an Casanare neo Chaparral ann an Tolima.
Sluagh a' bhaile
[deasaich | deasaich an tùs]Ged a tha 13,502 nan tàmh anns a' bhaile, chan eil ach 4,301 dhuibh a' fuireach anns na sgìrean dùthchasail am broinn crìochan a' bhaile.[5] Tha fearann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin.[6] Air adhbharan trioblaidean poileataigeach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail.
Taobh chinnidh, ' s e daoine geala a th' ann a' mhòr-chuid dhe na daoine ann an El Rosal (is mòran dhuibh mestizos), chan eil Tùsanaich ann, ach tha 37.8% dhe daoine le freumhan ann an Afraga. ' S urrainn dhan 93% dhe na daoine ann an El Rosal leughadh agus sgrìobhadh. A tuilleadh air sin, tha fòn aig an taigh aig 21.1% dhe na dachannan.[7]
Fèisean
[deasaich | deasaich an tùs]Thathar a’ cumail am iomadach seòrsa dhe fhèis ann an El Rosal. Chithear fèilltean caitligeach, leis gur e dùthaich le mòr-chuid Chaitligeach a th’ ann fhathast,[8] fèisean na stàite agus tachartasan ionadail a sheallas cho làidir ‘s tha beairteas cultarail na dùthcha.
- Fèis an Neo-eisimeileachd: 20mh An t-Iuchar.
Daoine ainmeil
[deasaich | deasaich an tùs]- Chaochail José María Obando an seo ann an 1861.
Iomraidhean
[deasaich | deasaich an tùs]- ↑ Mapa na Roinnean
- ↑ Dùthchannan aig SMO
- ↑ Real Academia de la Lengua
- ↑ Spanish about.com
- ↑ Figearan Oifis a' Chunntas-sluaigh
- ↑ Cololmbia Virtual
- ↑ Bileag fhiosrachaidh DANE
- ↑ Country Studies: Colombia