Con saias e a rachar
Con saias e a rachar | |
---|---|
Póster do filme. | |
Ficha técnica | |
Título orixinal | Some Like It Hot |
Director | Billy Wilder |
Produtor | Billy Wilder |
Guión | Billy Wilder, I.A.L. Diamond (adaptación), Robert Thoeren, Michael Logan (libreto orixinal) |
Intérpretes | Marilyn Monroe Tony Curtis Jack Lemmon George Raft Pat O'Brien Joe E. Brown Nehemiah Persoff |
Música | Adolph Deutsch |
Fotografía | Charles Lang |
Distribuidora | United Artists |
Estrea | 1959 |
Duración | 120 minutos |
Orixe | Estados Unidos |
Xénero | Comedia |
Na rede | |
Con saias e a rachar (en inglés: Some Like It Hot) é unha comedia de 1959 de Billy Wilder protagonizada por Marilyn Monroe, Tony Curtis, Jack Lemmon, George Raft, Pat O'Brien, Joe E. Brown e Nehemiah Persoff. A película foi adaptada por Billy Wilder e I.A.L. Diamond partindo dunha historia de Robert Thoeren e Michael Logan. Logan escribira a historia (sen gánsteres) para unha película alemá, Fanfaren der Liebe (dirixida por Kurt Hoffmann en 1951), así que a película de Wilder é considerada por algúns como un remake. Foi lanzada o 29 de marzo de 1959, distribuída por United Artists (comprada en 1981 por MGM) e custou pouco máis de 2'8 millóns de dólares.
Sinopse
[editar | editar a fonte]Dous músicos, Joe e Jerry, presencian o Masacre de San Valentín en Chicago en 1929, feito pola Mafia. Son perseguidos polos gánsteres, que queren desfacerse destas incómodas testemuñas e ao non ter diñeiro e para fuxir de Chicago, disfrázanse de mulleres e ingresan nunha banda de mozas, pasando a chamarse Josephine e Daphne. A banda diríxese a Florida. Joe e Jerry namóranse da cantante e intérprete de ukelele, Sugar, e compiten por chamar a súa atención, á vez que loitan por que non se descubra que son homes. En Florida, o millonario Osgood namórase de Daphne/Jerry, mentres Joe adopta unha dobre personalidade masculina/feminina e vístese imitando a Cary Grant, finxe ser millonario para conquistar a Sugar. A Mafia chega a Miami finalmente e descobre ás testemuñas.
Personaxes
[editar | editar a fonte]- Marilyn Monroe como Sugar "Kane" Kowalczyk
- Tony Curtis como Joe/"Josephine"/"Shell Oil Junior"
- Jack Lemmon como Jerry (Gerald)/"Daphne"
- George Raft como "Spats" Colombo
- Pat O'Brien como Axente Mulligan
- Joe E. Brown como Osgood Fielding III
- Nehemiah Persoff como "Little Bonaparte"
- Joan Shawlee como Sweet Sue
- Dave Barry como Mister Bienstock
- Billy Gray como Sig Poliakoff
- Barbara Drew como Nellie Weinmeyer
- George E. Stone como "Toothpick" Charlie
- Mike Mazurki como esbirro de Spats
- Harry Wilson como esbirro de Spats
- Edward G. Robinson Jr. como Johnny Paradise
- Beverly Wills como Dolores
Premios
[editar | editar a fonte]Gañou un Oscar por Mellor vestiario en branco e negro (Orry-Kelly) e foi nomeada para Mellor actor (Jack Lemmon), Mellor dirección de arte-set branco e negro, Mellor fotografía en branco e negro, Mellor director e mellor guión.
A película foi aclamada mundialmente como unha das mellores comedias xamais feitas (n.º 1 na Lista das grandes comedias da American Filme Institute e 14.º na Lista das 100 mellores películas americanas). A película foi considerada de "significado cultural" pola Biblioteca do Congreso de Washington e seleccionada para a súa preservación na National Filme Registry.
Véxase tamén
[editar | editar a fonte]Wikimedia Commons ten máis contidos multimedia na categoría: Con saias e a rachar |
Ligazóns externas
[editar | editar a fonte]- Con saias e a rachar na IMDb (en inglés).
- Ficha en AllMovie (en inglés)
- Ficha en RottenTomatoes (en inglés)
- Filmes de 1959
- Filmes en lingua inglesa
- Filmes dos Estados Unidos de América
- Filmes dirixidos por Billy Wilder
- Filmes de United Artists
- Filmes ambientados en 1929
- Filmes ambientados en Miami
- Filmes sobre temática LGBT dos Estados Unidos de América
- Globo de Ouro á mellor película - Comedia ou musical
- Filmes preservados no National Film Registry
- Filmes de 1959 con versión en galego