Catedral de Amiens
Catedral de Amiens | |
---|---|
Fachada da Catedral | |
Datos xerais | |
País | |
Rexión | |
Tipo | Catedral |
Advocación | Notre-Dame d'Amiens |
Localización | Amiens |
Coordenadas | 49°53′40″N 2°18′08″L / 49.89457, 2.3021Coordenadas: 49°53′40″N 2°18′08″L / 49.89457, 2.3021 |
Catalogación | Patrimonio da Humanidade (1981) |
Culto | |
Culto | Igrexa Católica |
Diocese | Reims |
Arquitectura | |
Construción | 1220-1288 |
Estilo | Románico, gótico |
Medidas | 145 x 70 m |
Páxina web | amiens.catholique.fr |
[ editar datos en Wikidata ] |
A catedral de Amiens (en francés: Cathédrale Notre Dame d'Amiens), é unha igrexa catedralicia de culto católico baixo a advocación da Nai de Deus que está na cidade de Amiens, no departamento de Somme. É a meirande de Francia polo seu volume interior, duns 200 000 m³. Xunto coas catedrais de Chartres, Reims e Bourges, está considerada o arquetipo do estilo gótico clásico do século XIII. Inclúe tamén elementos das fases seguintes da arte gótica; en concreto, do gótico radiante –principalmente na cabeceira– e do gótico flamíxero –en particular o gran rosetón na fachada occidental, a torre norte e o cadeirado do coro. A súa lonxitude total é de 145 metros e a súa altura é de 42,30 metros, cifra que se achega ó máximo que pode soportar este tipo de arquitectura.[Cómpre referencia]
A súa reconstrución comezou en 1220, xa que existía unha edificación anterior de arquitectura románica destruída por un incendio. Foi deseñada cunha planta de cruz latina e, máis tarde, entre 1366 e 1401, foron construídas as torres da fachada.
Ten o cruceiro centralizado e a nave central está ornamentada cun rosetón sobre un friso de esculturas ao longo da parte oeste. A fachada occidental, con tres pórticos monumentais, ten unhas arquivoltas profundas, rematadas con gabletes. Esta fachada amosa un gran programa de iconografía escultórica que comprende boa parte dos episodios do Antigo e do Novo Testamento; é coñecida como a «Biblia de Amiens».
Catedral de Amiens | |
---|---|
A torre sur completada no ano 1366. | |
Patrimonio da Humanidade - UNESCO | |
País | |
Localización | 49°53′40″N 2°18′08″L / 49.89444, -2.30222 |
Tipo | Cultural |
Criterios | I, II |
Inscrición | 1981 (5ª sesión) |
Rexión da UNESCO | Europa e América do Norte |
Identificador | 162 |
No ano 1862 foi declarada monumento histórico de Francia[1] e dende 1981 forma parte do Patrimonio da Humanidade da UNESCO.[2]
Notas
[editar | editar a fonte]- ↑ Ministère de la Culture sur la base Mérimée (ed.). "Monuments historiques: Cathédrale Notre-Dame" (en francés). Consultado o 9 de febreiro de 2011.
- ↑ "Patrimoni da Humanidade pola UNESCO: Cathédrale d'Amiens" (en francés). Consultado o 9 de febreiro de 2011.
Véxase tamén
[editar | editar a fonte]Wikimedia Commons ten máis contidos multimedia na categoría: Catedral de Amiens |