Na Galipedia, a Wikipedia en galego.
O cervo acuático[2] (Hydropotes inermis) é unha especie de cervo pequeno con máis semellanzas cos cervos almiscreiros que coa familia dos cérvidos. Orixinario da China e Corea, existen dúas subespecies: a chinesa (Hydropotes inermis inermis) e a coreana (Hydropotes inermis argyropus). Malia certas peculiaridades anatómicas, que inclúen un par de cairos prominentes, e a súa carencia de hastas, é clasificado como un cervo. Os seus trazos anatómicos únicos levaron a que fose clasificado no seu propio xénero (Hydropotes) así como na súa propia subfamilia (Hydropotinae).[3] Porén, estudos de secuencias de ADN mitocondrial e de citocromo b sitúano preto do grupo Capreolus, dentro da sección do Vello Mundo da subfamilia Capreolinae.[4][5] Os seus prominentes cairos, semellantes aos dos cervos almiscreitos, provocaron que ámbalas dúas subespecies sexan chamadas coloquialmente "vampire deer" (cervo vampiro) en áreas anglófonas ás que foron importados. A especie está clasificada como vulnerable pola IUCN. Foi descrita por vez primeira no mundo occidental por Robert Swinhoe en 1870.
- ↑ Harris, R.B. (2008). "Hydropotes inermis". Lista Vermella de especies ameazadas. (en inglés). Unión Internacional para a Conservación da Natureza.
Database entry includes a brief justification of why this species is of vulnerable.
- ↑ Definición de Cervo acuático no Dicionario de Galego de Ir Indo e a Xunta de Galicia.
- ↑ Grubb, P. (2005). "Order Artiodactyla". En Wilson, D. E.; Reeder, D. M. Mammal Species of the World (3ª ed.). Johns Hopkins University Press. p. 671. ISBN 978-0-8018-8221-0. OCLC 62265494.
- ↑ Douzery, E.; Randi, E. (novembro de 1997). "The mitochondrial control region of Cervidae: evolutionary patterns and phylogenetic content". Molecular Biology and Evolution 14 (11): 1154–1166. ISSN 0737-4038. PMID 9364773. doi:10.1093/oxfordjournals.molbev.a025725.
- ↑ Randi, E.; Mucci, N.; Pierpaoli, M.; Douzery, E. (1998). "New phylogenetic perspectives on the Cervidae (Artiodactyla) are provided by the mitochondrial cytochrome b gene". Proceedings of the Royal Society B: Biological Sciences 265 (1398): 793–801. PMC 1689037. PMID 9628037. doi:10.1098/rspb.1998.0362.