Club de Futbol Peralada
Peralada | |||
---|---|---|---|
Nome | Club de Futbol Peralada | ||
Alcume(s) | Els xampanyers | ||
Fundación | 1915 | ||
Estadio | Municipal de Peralada, Peralada, Xirona, España | ||
Capacidade | 1.500 | ||
Presidente | |||
Adestrador | |||
Liga | Segunda División B | ||
2017–18 | 9º | ||
Na rede | |||
https://www.cfperalada.cat/ | |||
| |||
O Club de Futbol Peralada é un club de fútbol catalán do concello de Peralada, na provincia de Xirona. Foi fundado en 1915 e actualmente xoga na Segunda División B Española. De 2017 a 2019 foi o filial do Girona Futbol Club.
Historia
[editar | editar a fonte]Foi fundado en 1915 por un grupo de xoves da vila e comezou a disputar partidos amigables contra equipos de localidades veciñas. En 1936 creouse oficialmente como Club Deportiu Peralada e xogaba os seus partidos no campo de Miquel Pujol. Durante a guerra civil española parou a actividade do club ata 1950, cando se inscribiu na Federación. Un ano máis tarde inaugurouse o Campo de Cal Músic.
En 1981 o concello comprou uns terreos na estrada de Garriguella para construír unha nova zona deportiva municipal. Ata a actualidade, é o campo onde o CF Peralada xoga os seus partidos como local. Nese mesmo ano o equipo conseguiu o ascenso a Segunda Rexional.
Na tempada 1988-89, a familia Suqué-Mateu, propietaria do castelo de Peralada, comezou a patrocinar o club. Esta nova situación permitiu acabar as obras do novo estadio, inaugurado en 1992. En 1995, o club conseguiu, por primeira vez, o ascenso a Primeira Rexional e no ano seguinte subiu a Rexional Preferente. Na tempada 1997-98 o equipo ascendeu a Primera Catalana.
En 2002 conseguiu o ascenso a Terceira División, categoría na que se mantivo durante cinco tempadas consecutivas. En 2004, despois de eliminar a Sabadell e Terrassa, chegou ás semifinais da Copa Catalunya, nas que foi eliminado polo FC Barcelona.
No foi ata a tempada 2013-14 cando conseguiu volver a Terceira División. No verán de 2016 firmou un acordo de fililación co Girona FC para cinco tempadas.
Na tempada 2016-17 acabou en segunda posición e xogou o play-off de ascenso a Segunda B. Tras superar as dúas primeiras fases, na terceira e definitiva foi eliminado polo Rápido de Bouzas, que ascendeu de categoría. Non obstante, o equipo ascendeu a Segunda B despois de comprar a praza do CF Gavà, que foi descendido administrativamente, por 133.000 euros.
Datos do club
[editar | editar a fonte]Historial por tempadas
[editar | editar a fonte]
|
|
|
|
Palmarés
[editar | editar a fonte]- Subcampión da Terceira División (1): 2016-17
Véxase tamén
[editar | editar a fonte]Ligazóns externas
[editar | editar a fonte]- Sitio web oficial Arquivado 24 de xuño de 2018 en Wayback Machine.