Amblin'
Amblin' | |
---|---|
Ficha técnica | |
Título orixinal | Amblin' |
Director | Steven Spielberg |
Produtor | Denis C. Hoffman |
Guión | Steven Spielberg |
Intérpretes | Richard Levin Pamela McMyler |
Música | Michael Lloyd |
Fotografía | Allen Daviau |
Montaxe | Steven Spielberg (sen acreditar) |
Distribuidora | Sigma III Corp. |
Estrea | 18 de decembro de 1968 |
Duración | 26 minutos |
Orixe | |
Xénero | Romance |
Orzamento | 15 000 dólares |
Na rede | |
Amblin' é unha curtametraxe estadounidense de 1968 escrita e dirixida por Steven Spielberg. Foi a primeira produción completada por Spielberg completamente rodada en 35 mm. O filme ten como tema o amor durante a era hippy, a finais da década de 1960, e conta a historia dun home e unha muller novos que se coñecen no deserto. O filme converteuse no nome da empresa de produción de Spielberg, Amblin Entertainment.
Sinopse
[editar | editar a fonte]A historia está protagonizada por un rapaz (Richard Levin) e unha rapaza (Pamela McMyler), moi novos que fan auto-stop polo deserto cara a California, sen que ningún dos dous pronuncie unha soa palabra. É unha historia de amor durante a era hippy de finais dos anos 60 (momento no que se filmou a curta). O filme emprega o silencio como recurso, mais está acompañado dunha guitarra acústica como banda sonora dende o comezo até o remate. A rapaza cre que o home é un hippy e por iso insinúalle probar drogas e ter sexo. Logo da escena que alude ás relacións sexuais, ámbolos dous chegan a unha praia paradisíaca, onde a personaxe de Levin fai surf, intre no que a rapaza aproveita para revisar o estoxo da guitarra. Desilusiónase ó atopar diversos obxectos que non relacionan de ningunha maneira o seu acompañante co hippy que ela cría que era, polo que acaba abandonándoo.
Véxase tamén
[editar | editar a fonte]Bibliografía
[editar | editar a fonte]- Freer, Ian: The Complete Spielberg, Virgin Books, 2001.