Anastasia Romanovna
Biografía | |
---|---|
Nacemento | 1530 |
Morte | 7 de agosto de 1560 Kolomenskoye, Rusia (pt) |
Lugar de sepultura | Ascension Convent (en) |
Datos persoais | |
País de nacionalidade | Tsarato ruso |
Relixión | Igrexa ortodoxa |
Actividade | |
Ocupación | consorte |
Lingua | Antigo eslavo oriental |
Outro | |
Título | Emperatriz consorte |
Familia | House of Romanov before 1613 (en) |
Cónxuxe | Iván IV de Rusia (1547 (Gregoriano), 1547 (Gregoriano)–1560 (Gregoriano)) |
Fillos | Demétrio Ivanoviche da Rússia (pt) |
Pais | Roman Yurievich Zakharyin (en) |
Irmáns | Nikita Romanovich (en) |
Anastasia Romanovna Zakharina (en ruso: Анастаси́я Рома́новна Заха́рьина) nada en 1530 e finada o 7 de agosto de 1560, foi a primeira esposa do tsar Iván IV de Rusia, o Terrible.
Traxectoria
[editar | editar a fonte]Filla do boiardo Román Zakharin, o cal lle deu nome á dinastía dos Romanov, foi escollida como esposa de Iván mediante unha selección efectuada no Kremlin de Moscova entre todas as mozas nobres en idade de casar. O matrimonio celebrouse o 3 de febreiro de 1547 na Catedral da Anunciación. Tiveron seis fillos: Ana, María, Demetrio, Iván, Eudoxia e Teodoro I.
Os historiadores sosteñen que Anastasia tiña unha discreta influencia para mitigar o carácter impulsivo e violento do seu marido. No verán de 1560 enfermou de forma imprevista e morreu. Por mor disto Iván sufriu de serios problemas nerviosos, debidos tamén pola sospeita de que Anastasia foi envelenada polos boiardos. Ao non conseguir probas do crime, ordenou que un gran número deles fosen torturados e asasinados.
Sucesivos exames realizados nos restos da defunta tsarina por parte de arqueólogos e expertos forenses rusos, confirmaron a presenza de residuos velenosos ao interior do seu osamento, dando crédito ás sospeitas do seu marido.[1].
O irmán de Anastasia, Nikita Romanovich Zakharin-Iuriev, foi o pai de Fiodor Romanov, o primeiro en tomar o apelido Romanov. Fiodor Romanov foi primo en primeiro grao do último tsar da dinastía Rurik, Teodoro I. Esta relación coa extinta dinastía facilitou a elección para o trono do fillo de Fiodor, Miguel I de Rusia, despois do Período Tumultuoso.
Descendentes
[editar | editar a fonte]- Tsarevna Ana Ivanovna de Rusia (10 de agosto de 1548 - 20 de xullo de 1550)
- Tsarevna Maria Ivanovna de Rusia (17 de marzo de 1551 - ?).
- Tsarévich Demetrio Ivanovich (outubro de 1552 - 26 de xuño de 1553)
- Tsarévich Iván Ivanovich de Rusia (28 de marzo de 1554 - 19 de novembro de 1582); herdeiro de Iván IV, asasinado polo seu pai.
- Tsarevna Eudoxia Ivanovna de Rusia (26 de febreiro de 1556 - xuño de 1558)
- Tsar Teodoro I de Rusia (31 de maio de 1557 - 6 de xaneiro de 1598); Sucesor de Iván IV.
Notas
[editar | editar a fonte]- ↑ "provas do envenenamento de Anastasia". Arquivado dende o orixinal o 22 de marzo de 2007. Consultado o 25 de decembro de 2015.
Véxase tamén
[editar | editar a fonte]A Galipedia ten un portal sobre: Rusia |
Commons ten máis contidos multimedia sobre: Anastasia Romanovna |