Anna Atkins
Biografía | |
---|---|
Nacemento | 16 de marzo de 1799 Tonbridge (pt) |
Morte | 9 de xuño de 1871 Halstead Place (en) |
Datos persoais | |
Residencia | Halstead Place (en) |
País de nacionalidade | Reino Unido de Gran Bretaña e Irlanda Reino Unido |
Actividade | |
Campo de traballo | Botánica |
Ocupación | fotógrafa , escritora , botánica , ilustradora , coleccionista de plantas |
Membro de | |
Xénero artístico | Arte figurativa |
Lingua | Lingua inglesa |
Familia | |
Cónxuxe | John Pelly Atkins |
Pai | John George Children (en) |
Anna Atkins, nada en Tonbridge, no Condado de Kent (Inglaterra), o 16 de marzo de 1799 e finada o 9 de xuño de 1871, foi unha bióloga e botánica inglesa.
Está considerada a primeira muller fotógrafa da historia. Tamén é a primeira persoa en publicar un libro ilustrado con fotografías, un libro escrito á man e publicado en 1843 baixo o título de "Fotografías de las Algas Británicas: Impresiones Cianotipos", do que se editou só un reducido número de exemplares.
Biografía
[editar | editar a fonte]A nai morreu durante o parto, polo que tivo que ser criada polo seu pai, John George Children, químico, minerólogo e zoólogo. Déuselle o nome do pai a un mineral, a childrenita, e a unha serpe australiana, a pitón de Children (Antaresia childreni).
En 1842, John Herschel, amigo da familia, inventou o proceso fotográfico coñecido como cianotipia, co obxectivo de resolver a dificultade de realizar debuxos precisos de especies vexetais con destino a traballos científicos. Con este método créase unha imaxe en branco sobre un fondo azul. Esta técnica foi a utilizada por Atkins en 1843 na autoedición dunha primeira entrega de fotogramas de cianotipos de algas, nun libro do que só se editaron unhas doce copias, unha delas conservada no National Media Museum de Bradford, Inglaterra. Posteriormente publicou máis entregas da serie British Algae, así como outros libros, como Cianotipias de las Plantas con Flores y Helechos Británicos y Extranjeros (1854).
O seu traballo foi o primeiro intento de plasmar imaxes da forma máis obxectiva posible, achegando un valor non só científico senón tamén artístico.
Morreu con 72 anos de idade, o 9 de xuño de 1871, de parálise e reumatismo.
Véxase tamén
[editar | editar a fonte]Ligazóns externas
[editar | editar a fonte]- "Anna Atkins, la primera mujer fotógrafa, es recordada por Google" (consultado o 11.02.2017) (en castelán)
- Muy Historia: "Anna Atkins, la primera fotógrafa de la Historia" Arquivado 01 de novembro de 2016 en Wayback Machine. (consultado o 11.02.2017) (en castelán)