Annie Easley
Biografía | |
---|---|
Nacemento | 23 de abril de 1933 Birmingham, Estados Unidos de América |
Morte | 25 de xuño de 2011 Cleveland, Estados Unidos de América |
Datos persoais | |
País de nacionalidade | Estados Unidos de América |
Educación | Cleveland State University (en) Xavier University of Louisiana (en) |
Actividade | |
Campo de traballo | Enxeñaría informática |
Ocupación | matemática , informática teórica , enxeñeira |
Empregador | NASA (canção) (pt) NASA |
Lingua | Lingua inglesa |
Annie J. Easley, nada o 23 de abril de 1933 e finada o 25 de xuño de 2011, foi unha informática teórica, matemática e científica espacial afroamericana.[1] Traballou para o Centro de Investigación Lewis (agora Glenn Research Center) da Administración Nacional de Aeronáutica e do Espazo (NASA) e o seu predecesor, o Comité Asesor Nacional de Aeronáutica (NACA).[2] Foi unha líder do equipo que desenvolveu o software para a etapa do foguete Centauro e unha das primeiras persoas afroamericanas en traballar como científica de computación na NASA.[3][4][5][6]
Traxectoria
[editar | editar a fonte]Easley era filla de Bud McCrory e Willie Sims.[1] Nos días previos ao Movemento polos Dereitos Civís, as oportunidades educativas e profesionais para os nenos afroamericanos eran moi limitadas. Os nenos afroamericanos foron educados por separado dos nenos brancos e as súas escolas eran con frecuencia de peor calidade que as escolas brancas. Easley tivo a sorte de que a súa nai lle dixo que podería chegar a ser o que quixese pero que tería que traballar para conseguilo. Animouna a obter unha boa educación e desde o quinto grao até a escola secundaria, asistiu á Escola Secundaria Holy Family, e foi a mellor estudante da súa clase de gradación.[7][8][9]
Despois da escola secundaria foi a Nova Orleans, Luisiana, á Universidade Xavier, por entón unha universidade católica afroamericana, onde se especializou en farmacia durante aproximadamente dous anos.[10][11]
En 1954, regresou a Birmingham por un curto período de tempo. Como resultado das leis Jim Crow que estableceron e mantiveron a desigualdade racial, aos afroamericanos esixíuselles pasar unha proba de alfabetización e pagar un imposto de votación para poder votar. Easley lembraba que o examinador mirou a súa solicitude e só dixo: "Fuches á Universidade Xavier. Dous dólares". Posteriormente, ela axudou a outros afroamericanos a prepararse para a proba.[12][13]
En 1963, a segregación racial dos comerciantes do centro de Birmingham terminou como resultado da campaña de Birmingham, e en 1964, a Vixésima Cuarta Emenda derrogou o imposto de votación nas eleccións federais. Pero non foi até 1965 que a Lei de dereito de voto eliminou a proba de alfabetización.
Pouco despois, casou e mudouse a Cleveland coa intención de continuar os seus estudos. Desafortunadamente, a universidade local terminara o seu programa de farmacia pouco tempo antes e non existía ningunha alternativa cerca.[14][15]
Carreira na NACA e na NASA
[editar | editar a fonte]En 1955, leu un artigo dun xornal local sobre unha historia de xemelgas que traballaban para o Comité Asesor Nacional de Aeronáutica (NACA) como "computadoras" e ao día seguinte solicitou un traballo. En dúas semanas foi contratada, unha das catro afroamericanas de aproximadamente 2.500 empregados. Comezou a súa carreira como matemática e enxeñeira informática no Laboratorio Lewis de Voo a Propulsión de NACA (que se converteu no Centro de Investigación Lewis da NASA, 1958-1999, e posteriormente no Centro de Investigación John H. Glenn) en Cleveland, Ohio.[16] Continuou a súa educación mentres traballaba para a axencia e, en 1977, obtivo unha Licenciatura en Ciencias en Matemáticas da Universidade Estatal de Cleveland. Como parte da súa educación, Easley preparouse a través de cursos de especialización ofrecidos pola NASA.[17]
A súa carreira ao longo de 34 anos incluíu o desenvolvemento e implementación de código de computador que analizou tecnoloxías de enerxía alternativas, deu soporte ao foguete superior de alta enerxía Centauro, determinou proxectos solares, eólicos e enerxéticos, identificou sistemas de conversión de enerxía e sistemas alternativos para resolver problemas de enerxía.[18] As súas achegas sobre a enerxía incluíron estudos para determinar o uso das baterías de almacenamento, como as que se usan nos vehículos utilitarios eléctricos. As súas aplicacións informáticas utilizáronse para identificar sistemas de conversión de enerxía que ofrecen melloras sobre as tecnoloxías dispoñibles comercialmente. Retirouse en 1989 (algunhas fontes din que en 1991).[19]
O traballo de Easley co proxecto Centauro serviu como fundamento tecnolóxico para o lanzamento de transbordadores espaciais e o lanzamento de satélites de comunicacións, militares e meteorolóxicos.[20] O seu traballo contribuíu ao voo de 1997 a Saturno da sonda Cassini, cuxo lanzador tiña o Centauro como a súa etapa superior.[16]
Easley foi entrevistada en Cleveland, o 21 de agosto de 2001 por Sandra Johnson.[21] A entrevista gárdase no Programa de Historia Oral do Centro Nacional Espacial de administración espacial e aeronáutica. A transcrición da entrevista de 55 páxinas inclúe material sobre a historia do Movemento polos Dereitos Civís, o Centro de Investigación Glenn, o Centro Espacial Johnson, o voo espacial e a contribución das mulleres ao voo espacial.[22][23]
Publicacións
[editar | editar a fonte]- Performance and Operational Economics Estimates for a Coal Gasification Combined-Cycle Cogeneration Powerplant. Nainiger, Joseph J.; Burns, Raymond K.; Easley, Annie J. NASA, Lewis Research Center, Cleveland, Ohio, USA NASA Tech Memo 82729 Mar 1982 31
- Bleed Cycle Propellant Pumping in a Gas-Core Nuclear Rocket Engine System. Kascak, A. F. ; Easley, A. J. National Aeronautics and Space Administration. Lewis Research Center, Cleveland, Ohio. Report Non.: NASA-TM-X-2517; E-6639, marzo de 1972.
- Effect of Turbulent Mixing on Average Fuel Temperatures in a Gas-Core Nuclear Rocket Engine. Easley, A. J. ; Kascak, A. F.; National Aeronautics and Space Administration. Lewis Research Center, Cleveland, Ohio. Report Non.: NASA-TN-D-4882 Nov 1968
Citas
[editar | editar a fonte]- "Cando as persoas teñen nesgos e prexuízos, si, son consciente. Non enterro a cabeza como a avestruz. Pero a miña formulación é que, se non podo traballar contigo, traballarei a pesar de ti. Non vou a desanimarme tanto como para irme. Esa pode ser a solución para outras persoas, pero non é a miña".[21]
- "Nunca se é demasiado vello, e se queres algo, como dicía a miña nai, podes facer calquera cousa que queiras, pero tes que traballalo".
- "Gustaríame lembrar aquí, neste momento, que lle digo á xente que non importa cal sexa a súa idade ou o que decidise facer cando tivese dezaoito ou dezaseis anos, non importa se cambia de opinión máis adiante e cambia os seus intereses, porque necesitamos ser flexibles".
Recoñecementos
[editar | editar a fonte]En febreiro de 2021 nomearon un dos cráteres da Lúa no seu nome, así son 32 mulleres as que dan nome a un cráter na Lúa.[24][25]
Notas
[editar | editar a fonte]- ↑ 1,0 1,1 "Annie Jean Easley Obituary". ClevelandOhio. 28 de xuño de 2011.
- ↑ "Annie Easley, la matemática que abrió paso a mujeres y afroamericanos en la carrera espacial-Vidas científicas" (en castelán). 28 de decembro de 2017. Consultado o 27 de febreiro de 2019.
- ↑ "¿Sabes Quién fue Annie Easley? Descúbrelo aquí" (en castelán). 6 de decembro de 2018. Consultado o 27 de febreiro de 2019.
- ↑ "SMART Gals (Science, Math, Art): Annie Easley" (en inglés). 2 de febreiro de 2018. Arquivado dende o orixinal o 28 de febreiro de 2019. Consultado o 27 de febreiro de 2019.
- ↑ "Multimedia Gallery - Annie Easley on the cover of a NASA publication. NSF - National Science Foundation". Consultado o 27 de febreiro de 2019.
- ↑ "Meet Annie Easley, the barrier-breaking mathematician who helped us explore the solar system" (en inglés). 25 de decembro de 2018. Consultado o 11 de xuño de 2019.
- ↑ "Annie Easley, trabajó para la NASA y ayudó a los desfavorecidos, una mujer admirable - Curistoria - Curiosidades de la historia #Curistoria". Consultado o 27 de febreiro de 2019.
- ↑ Nuevatribuna. "Annie Easley, la matemática que abrió paso a afroamericanos y mujeres en la carrera espacial" (en castelán). Consultado o 11 de xuño de 2019.
- ↑ Becker, Kate (20 de xaneiro de 2017). "When computers were human: The black women behind NASA’s success". newscientist.com. p. www.newscientist.com. Consultado o 11 de xuño de 2019.
- ↑ "Meet Annie Easley, the barrier-breaking mathematician who helped us explore the solar system".
- ↑ "Women in STEM making waves way ahead of their time." (en inglés). 13 de agosto de 2018. Consultado o 11 de xuño de 2019.
- ↑ AnOther (20 de xuño de 2018). "The Trailblazing Human Computer Who Represented a New Age of Working Women" (en inglés). Consultado o 11 de xuño de 2019.
- ↑ Bouboutou, Rose-Marie (8 de marzo de 2019). "Journée internationale de la femme : cinq pionnières de la tech et de l'innovation" (en inglés). Consultado o 11 de xuño de 2019.
- ↑ "Annie Easley, la matemática que abrió paso a mujeres y afroamericanos en la carrera espacial" (en castelán). Consultado o 11 de xuño de 2019.
- ↑ BFMTV. "La Nasa rend hommage à ses mathématiciens, ingénieurs et astronautes afro-américains" (en francés). Consultado o 11 de xuño de 2019.
- ↑ 16,0 16,1 Thomas, Kindra (16 de marzo de 2017). "Annie Easley, Computer Scientist and Mathematician" (en inglés). Consultado o 19 de marzo de 2017.
- ↑ "SMART Gals (Science, Math, Art): Annie Easley" (en inglés). 2 de febreiro de 2018. Arquivado dende o orixinal o 28 de febreiro de 2019. Consultado o 11 de xuño de 2019.
- ↑ Easley, Annie J.: American Computer Scientist" in World of Computer Science. Brigham Narin, Ed. (Detroit, MI: Gales Group), 2002. p. 210.
- ↑ "Multimedia Gallery - Annie Easley on the cover of a NASA publication. | NSF - National Science Foundation". Consultado o 11 de xuño de 2019.
- ↑ Lorenzo, Nieves; Iglesias, Encina Calvo (2020-04-18). "Ellas nos llevaron a la Luna" (en castelán) 0 (4): 61–68. ISSN 2530-7924. doi:10.4995/citecma.2020.12764. Consultado o 2021-03-30.
- ↑ 21,0 21,1 Johnson, Sandra (21 de agosto de 2001). "ANNIE J. EASLEY INTERVIEWED BY SANDRA JOHNSON" (PDF). Consultado o 16 de febreiro de 2018.
- ↑ "Story of NASA's black female mathematicians gets made into a movie" (en inglés). Consultado o 11 de xuño de 2019.
- ↑ "15 Girl Names Inspired By Badass Women In STEM" (en inglés). 16 de abril de 2019. Consultado o 11 de xuño de 2019.
- ↑ "Planetary Names: Crater, craters: Easley on Moon". planetarynames.wr.usgs.gov. Consultado o 2021-05-08.
- ↑ "Las ilustres mujeres que cuentan con un cráter en su honor en la Luna". BBC News Mundo (en castelán). Consultado o 2021-05-09.
Véxase tamén
[editar | editar a fonte]Bibliografía
[editar | editar a fonte]- Black Contributors to Science and Energy Technology. U.S. Department of Energy (Washington, D.C.: Office of Public Affairs), 1979, p. 19. DOE/OPA-0035 (79).
- The ACM-Mills Conference on Pioneering Women in Computing. Mills College, Oakland, California. 7 de maio de 2000.
- In Black and White: A Guide to Magazine Articles, Newspaper Articles and Books Concerning More than 15,000 Black Individuals and Groups. Terceira edición, Mary Mace Spradling, ed. (Detroit, MI: Gale Research Co.), 1980. p. 289..
- "Easley, Annie J.: American Computer Scientist" en World of Computer Science (2002). Brigham Narin, Ed. (Detroit, MI: Gales Group). p. 210.
- Warren, Wini (1999). Warren, Wini (1999). Black women scientists in the United States. Bloomington, Ind. [u.a.]: Indiana University Press. ISBN 9780253336033.
- Ignotofsky, Rachel (2017). Mujeres de ciencia : 50 intrépidas pioneras que cambiaron el mundo (1ªed.). Madrid. ISBN 978-84-16830-80-0
- Lorenzo, Nieves; Iglesias, Encina Calvo (2020-04-18). "Ellas nos llevaron a la Luna". Ciencia, Técnica y Mainstreaming Social (en castelán) 0 (4): 61–68. ISSN 2530-7924.
- Elas, levarónnos ao espazo. 2022 ISBN: 978-84-8158-952-8
Outros artigos
[editar | editar a fonte]Ligazóns externas
[editar | editar a fonte]- Exposición "As mulleres que nos levaron á Lúa"
- Tha faces of Science
- Centro de Investigación Glenn da NASA Arquivado 20 de xuño de 2020 en Wayback Machine.
- Annie Easley, la matemática que abrió paso a mujeres y afroamericanos en la carrera espacial no blog Mujeres con Ciencia