Arrincador suave
Un arrincador suave é un dispositivo electrónico utilizado para axudar a protexer o motor eléctrico. Non todos os motores están equipados de inicio con arrincadores suaves, pero convertéronse en algo común, especialmente con motores delicados que poden ser doadamente danados pola afluencia repentina de enerxía. Os arrincadores suaves compóñense dunha serie de rectificadores que traballan xuntos para administrar a voltaxe. Os equipos de arranque electrónico denomínanse arrancadores suaves ou progresivos.
Características
[editar | editar a fonte]Empréganse en aplicacións onde o par de arranque non é elevado (aplicacións con fluídos, bombas, ventiladores etc). Alimentan o motor cunha tensión variable desde un valor baixo ata o valor nominal do motor, de modo que se evitan saltos de tensión. En xeral, permiten regular o tempo de subida, e a tensión inicial.
Producen perturbacións na rede eléctrica (harmónicos), polo que, nalgúns casos, deben acompañarse de filtros electrónicos. Permiten tamén, o freado suave do motor. Adoitan limitar a intensidade de arranque a valores non superiores a tres veces a intensidade nominal do motor. Poden ir acompañados ou non dun contactor, aínda que é recomendable que o leven. Adoitan integrar unha protección contra sobrecargas.
Dano no motor
[editar | editar a fonte]Os refachos de enerxía que arrancan un motor poden ser prexudiciais. O motor acéndese inmediatamente, o que é eficiente e aforra tempo, pero as elevadas afluencias de corrente poden danar as aplicacións electrónicas no motor e o inicio repentino dos dispositivos mecánicos do motor poden crear desgaste. A velocidade variable dos controladores úsase para iniciar e deter o tren de potencia ao comezar a operación do motor para evitar o desgaste mecánico, pero os arrincadores suaves son unha opción para os motores que non teñen os controladores.
Rectificadores controlados de silicona
[editar | editar a fonte]A maioría dos arrincadores suaves están feitos de interruptores de estado sólido coñecidos como rectificadores controlados de silicona, ou SCRs. Teñen un traballo simple: regular a voltaxe de maneira que o motor recibe primeiro unha ondada de baixa tensión, que vai ascendendo ata que o motor empeza a xirar, aforrando no desgaste e a miúdo colaborando a que os compoñentes electrónicos duren máis tempo. Os interruptores acéndense en sucesión rápida para deixar pasar máis e máis voltaxe.
Deseños da fase
[editar | editar a fonte]Os arrincadores suaves varían para as diferentes fases. Unha unidade dunha soa fase controla a torsión de arranque pero non afecta realmente á cantidade de corrente, o que fai difícil axudar aos motores con ciclo frecuente. Os arrincadores de dúas fases ofrecen máis protección pero tipicamente utilízanse cun interruptor térmico para axudar a protexer o motor. Os arrincadores trifásicos controlan as tres fases do motor común e ofrecen unha protección moito máis completa.
Opcións de circuíto
[editar | editar a fonte]Os arrincadores suaves poden ser de circuíto aberto ou pechado. As unidades de circuíto aberto non teñen retroalimentación, de modo que controlan a voltaxe só de acordo ao valor de voltaxe predeterminada. Se o motor non coincide co axuste, o arrincador suave pode non funcionar correctamente. As versións de circuíto pechado ofrecen un circuíto de retroalimentación que permite ao motor de arranque determinar como se debe protexer o motor.
Función
[editar | editar a fonte]O arrincador suave, ten en común co variador de frecuencia ser un dispositivo electrónico baseado en tiristores. Pode dicirse, que en canto a funcionalidade e prezo ocupa o espazo que existe entre os arrincadores estrela -triángulo e os variadores de frecuencia. Cos arrincadores suaves pódese controlar a tensión do motor de forma que esta aumente gradualmente durante o arranque. Naturalmente, isto limita tamén a intensidade de arranque resultando nunha posta en marcha suave e reducindo ao mínimo os esforzos mecánicos e eléctricos. Con este dispositivo pódese obter tamén unha parada suave.
O problema dos arranques bruscos e violentos acompañou os motores eléctricos ao longo de toda a súa historia. Aínda que se intentaron diversas solucións ao longo dos anos, existen moi poucas solucións que poidan resolver este problema.
Véxase tamén
[editar | editar a fonte]Ligazóns externas
[editar | editar a fonte]- Arrancadores SuavesArquivado 15 de marzo de 2011 en Wayback Machine. eneri-source.wikispaces.com (en castelán).
- ¿Cómo funciona un arrancador suave? ehowenespanol.com (en castelán).