Arsenio Fernández de Mesa
Arsenio Fernández de Mesa Díaz del Río, nado o 20 de xullo de 1955 en Ferrol, é un político galego do Partido Popular.
Traxectoria
[editar | editar a fonte]Iniciouse en política en grupos falanxistas de Ferrol tras a morte de Franco, grupos que se adicaban a ameazar sindicalistas e demócratas. O 14 de maio de 1977 acudiu a Cedeira vestido de falanxista á inauguración polo exministro franquista Gonzalo Fernández de la Mora dun monumento a Franco.[1]
En 1979 entrou a traballar como axudante de xardinaría no porto de Ferrol, coa categoría de funcionario do Estado (Grupo D). Foi delegado comercial e inspector de pinturas para barcos no Departamento Marítimo da empresa International Marine Coatings con delegación no porto de Ferrol. Comeza a súa carreira política como concelleiro de Ferrol (1983-1991), foi tenente de alcalde de Ferrol (1987-1989). Nas Eleccións Xerais de 1989 foi elixido deputado no Congreso dos Deputados pola provincia da Coruña (1989-2000). Foi Delegado do goberno en Galicia (2000-2008) e durante a catástrofe do Prestige (2002) a súa actuación foi moi criticada pola oposición, Nunca Máis e ecoloxistas. Nas Eleccións Xerais de 2008 volveu ser reelixido deputado pola provincia da Coruña, e tamén nas de 2011.
En decembro dese mesmo ano foi designado director xeral da Garda Civil por Mariano Rajoy, en substitución de Francisco Velázquez, que ata daquela compartía a responsabilidade sobre a Policía e a Garda Civil. Cesou como director da Garda civil o 18 de novembro de 2016 e en xaneiro de 2017 foi nomeado conselleiro de Red Eléctrica de España.[2]
Predecesor: Juan Miguel Diz Guedes |
Delegado do goberno en Galicia 2000 - 2004 |
Sucesor: Manuel Ameijeira Vales |
Predecesor: Francisco Velázquez |
Director Xeral da Garda Civil 2011 - 2016 |
Sucesor: José Manuel Holgado |
Vida persoal
[editar | editar a fonte]Está casado e ten tres fillos.
Notas
[editar | editar a fonte]- ↑ "Fernández de Mesa: de patrullar con falangistas a consejero de Red Eléctrica pasando por la Guardia Civil", artigo de Aníbal C. Malvar en Público, 1 de abril de 2015 (en castelán).
- ↑ "Red Eléctrica coloca a otro político del PP: nombra consejero a Arsenio Fernández de Mesa". artigo en elDiario.es, 31 de xaneiro de 2017 (en castelán).
Véxase tamén
[editar | editar a fonte]Wikimedia Commons ten máis contidos multimedia na categoría: Arsenio Fernández de Mesa |
Bibliografía
[editar | editar a fonte]- Dicionario biográfico de Galicia 2. Ir Indo Edicións. 2010-2011. p. 58.
Outros artigos
[editar | editar a fonte]Ligazóns externas
[editar | editar a fonte]- Concelleiros de Ferrol
- Concelleiros de Galicia durante a democracia
- Deputados do Congreso dos Deputados polo PP
- Deputados no Congreso dos Deputados pola provincia da Coruña
- Delegados do goberno en Galicia
- Nados en Ferrol
- Nados en 1955
- Directores xerais da FAO
- Directores xerais da Garda Civil
- Deputados no Congreso dos Deputados (IX Lexislatura)
- Deputados no Congreso dos Deputados (VIII Lexislatura)
- Deputados no Congreso dos Deputados (IV Lexislatura)
- Deputados no Congreso dos Deputados (V Lexislatura)
- Deputados no Congreso dos Deputados (VI Lexislatura)
- Deputados no Congreso dos Deputados (VII Lexislatura)