Aula Magna
Aula Magna[1] é xeralmente o maior e máis representativo Salón de Actos dunha Universidade.
Termo
[editar | editar a fonte]Aula provén do latín aula, e á súa vez do grego dórico/ático αὐλή (aulé)[2][3] referido a patios onde se celebraban cerimonias, e máis tarde clases lectivas[4]; Magna provén do latín magnus, magna (grande) á súa vez da raíz indoeuropea *meg- que derivou tamén no grego mega e o latín magister e magisterium.[5]
En varios idiomas emprégase a locución tamén latina Auditorium maximum, por exemplo en polaco[6], romanés[7] ou alemán. O Auditorium maximum na Schlossplatz en Berlín era a sala multiúsos do edificio do Consello de Estado da RDA[8]. En Alemaña tamén é común a forma contraída Audimax.[9] Con 1.749 prazas, a maior sala de conferencias de Alemaña é o Audimax da Universidade do Ruhr de Bochum.
Descrición
[editar | editar a fonte]A Aula Magna adoita ofrecer espazo para varios centos de persoas, ás veces incluso máis de 1.000 visitantes. A zona de descanso adoita estar disposta de forma ascendente e arqueada, o que debería garantir unha boa visión e unha acústica incluso desde os asentos máis afastados, semellante aos anfiteatros gregos; de feito nalgunhas universidades existe unha aula chamada anfiteatro para un ensino que require determinadas características (por exemplo hai anfiteatros de Anatomía, Veterinaria ou Xeoloxía). Nalgunhas universidades coinciden a Aula Magna e o anfiteatro.
Na Aula Magna teñen lugar grandes conferencias, festivais ou outros grandes eventos da universidade respectiva, a non ser que se dispoña dun auditorio separado. Por exemplo, as reunións plenarias dos empregados ou estudantes da universidade adoitan celebrarse na Aula Magna debido á esixencia de espazo. Ademais, hai - dependendo da universidade ou situación de edificación – a posibilidade de uso por terceiros.[10]
Algúns destes auditorios teñen un valor excepcional. A Aula Magna da Universidade Central de Venezuela foi declarada Patrimonio da Humanidade no ano 2000, polas súas peculiaridades arquitectónicas, artísticas e acústicas.
-
Aula Magna da Universidade de Economía e Empresa de Viena
-
Aula Magna / Audimax da Universidade de Hamburgo
Notas
[editar | editar a fonte]- ↑ "Dicionario ; aula magna". Real Academia Galega. Consultado o 2022-06-04.
- ↑ "Etimología: origen de la palabra aula". Cursos Recomendados (en castelán). 2014-11-26. Arquivado dende o orixinal o 03 de marzo de 2021. Consultado o 2022-06-04.
- ↑ "Etimologia : aula;". www.etimo.it. Consultado o 2022-06-05.
- ↑ "AULA". Etimologías de Chile - Diccionario que explica el origen de las palabras (en castelán). Consultado o 2022-06-05.
- ↑ "MAGNO". Etimologías de Chile - Diccionario que explica el origen de las palabras (en castelán). Consultado o 2022-06-05.
- ↑ "Auditorium Maximum ; Erasmus photo UJ". erasmusu.com. Consultado o 2022-06-05.
- ↑ "Auditorium Maximum ; Cluj-Napoca, Romania ; Рepresentacions". Operabase (en romanés). Consultado o 2022-06-05.
- ↑ "Auditorium Maximum ; Schlossplatz 1". schlossplatz1.berlin (en inglés). Consultado o 2022-06-05.
- ↑ "Audimax - Wörterbuch Deutsch-Englisch - WordReference.com". www.wordreference.com (en alemán). Consultado o 2022-04-30.
- ↑ "Aula Magna ; Universidade de Santiago de Compostela". www.usc.es. Consultado o 2022-06-05.
Véxase tamén
[editar | editar a fonte]Wikimedia Commons ten máis contidos multimedia na categoría: Aula Magna |
- Salón de actos
- Universidade
Ligazóns externas
[editar | editar a fonte]- Aula Magna da Universidad Central de Venezuela
- Aula Magna da Universidad de La Habana
- Aula Magna da Universidad Autónoma de Santo Domingo