Büyükçekmece Basketbol
ONVO Büyükçekmece | |
Información xeral | |
---|---|
Liga | BSL |
Fundación | 2011 |
Cores | Azul, branco |
Presidente | |
Adestrador | |
Localización | |
Cidade | |
Pavillón | Gazanfer Bilge Spor Salonu |
Capacidade | 2 500 |
instagram.com/buyukcekmecebsk |
O Büyükçekmece Basketbol, coñecido por motivos de patrocinio como ONVO Büyükçekmece é un club profesional de baloncesto turco con sede no distrito de Büyükçekmece en Istanbul. Actualmente xoga na Basketbol Süper Ligi (BSL), a máxima categoría do baloncesto turco. Fundado en 2011, o equipo xoga os seus partidos como local no Gazanfer Bilge Spor Salonu, recinto con capacidade para 2 500 espectadores.
Historia
[editar | editar a fonte]O club foi fundado en 2011 baixo o nome de Tüyap Büyükçekmece. O equipo comezou a xogar na TB3L na temporada 2011−12. Na campaña 2012−13, o equipo gañou a TB3L e ascendeu á TB2L. Na súa primeira tempada na TB2L, o equipo finalizou en 9ª posición, permanecendo así un ano máis na liga. Na tempada 2014-15, o equipo rematou en 4ª posición da temporada regular e venceu ao Akhisar Belediyespor nos cuartos de final dos playoffs de ascenso. A continuación, o equipo venceu nas semifinais ao Denizli Basket Spor Kulübü, chegando o Tüyap Büyükçekmece á final da TB2L. Na final, o equipo perdeu contra o Yeşilgiresun Belediyespor Kulübü, pero aínda así ascenderon á Basketbol Süper Ligi, máxima categoría do baloncesto do país.
Desde ese ascenso o club permaneceu sempre na elite turca, sendo os seus mellores resultados os obtidos en 2015−16 e 2022−23 co décimo lugar na táboa clasificatoria. Tamén xogaron dúas temporadas competicións europeas, concretamente nas edicións de 2017 e 2018 da FIBA Europe Cup.
Patrocinadores
[editar | editar a fonte]Por motivos de patrocinio o club tivo diversos nomes ao longo da súa historia:
- Tüyap Büyükçekmece (2011−2015)
- Demir İnşaat Büyükçekmece (2015−2018)
- Arel Üniversitesi Büyükçekmece (2018−2021)
- Büyükçekmece Basketbol (2021−2022)
- ONVO Büyükçekmece (2022−presente)
Temporadas
[editar | editar a fonte]Ano | Nivel | División | Pos. | V–D | Competicións europeas | ||
---|---|---|---|---|---|---|---|
2011–12 | 3 | TB3L | |||||
2012–13 | 3 | TB3L | 1º | ||||
2013–14 | 2 | TB2L | 9º | 16−18 | |||
2014–15 | 2 | TB2L | 4º | 23−11 | |||
2015–16 | 1 | BSL | 10º | 14−16 | |||
2016–17 | 1 | BSL | 13º | 9−21 | 4 FIBA Europe Cup | OF | 10–4 |
2017–18 | 1 | BSL | 12º | 10−20 | 4 FIBA Europe Cup | R2 | 10–6 |
2018–19 | 1 | BSL | 12º | 8−20 | |||
2019–20 | 1 | BSL | 15º | 3−20 | |||
2020–21 | 1 | BSL | 13º | 10−20 | |||
2021–22 | 1 | BSL | 12º | 10−20 | |||
2022–23 | 1 | BSL | 10º | 13−17 |