Geoffrey Henry
Biografía | |
---|---|
Nacemento | 16 de novembro de 1940 Illa Aitutaki, Illas Cook |
Morte | 9 de maio de 2012 Illas Cook |
Causa da morte | cancro |
Deputado do Parlamento das Illas Cook | |
| |
Datos persoais | |
País de nacionalidade | Nova Zelandia |
Educación | Universidade Vitoria de Wellington |
Actividade | |
Ocupación | político , avogado |
Partido político | Partido das Illas Cook |
Premios |
Geoffrey Arama Henry, nado en 1940 en Aitutaki, é un político das Illas Cook que foi líder do Partido das Illas Cook (1979-2006) e dúas veces primeiro ministro (1983 e 1989-1999).
Traxectoria
[editar | editar a fonte]Henry estudou dereito na Universidade Vitoria de Wellington en Nova Zelandia, comezou a súa carreira política en 1965 como deputado independente, militante do PIC desde 1972, foi ministro de educación en 1973 e máis tarde de finanzas, converteuse no seu líder en 1978 logo que o seu primo Albert Henry se virá obrigado a dimitir. A primeira etapa de Geoffrey Henry como primeiro ministro foi curta, entre o 13 de abril e o 16 de novembro de 1983, a morte dun dos membros do seu partido e a oposición de Tupui Ariki Henry, fillo de Albert Royle que se opuña ao seu liderado, obrígano a dimitir, desde aquela foi o líder da oposición no Parlamento das Illas Cook. O seu segundo mandato como primeiro ministro comezou o 1 de febreiro de 1989 e rematou o 29 de xullo de 1999 cando dimitiu para evitar que os opostos ao seu liderado deixasen o partido[1] Joe Williams substituíuno como primeiro ministro, mais Henry permaneceu como o líder do partido.
En novembro de 2004, Henry converteuse no viceprimeiro ministro e ministro de finanzas nun goberno de coalición dirixido por Robert Woonton.[2] Henry continuou neste posto ata 2006, cando se retirou da política,[3] con Henry Puna como o novo líder do partido.
Desdeo o 16 de abril de 2009 é presidente do Comité Olímpico Nacional e Deportivo das Illas Cook[4], e desde 1992 é cabaleiro do Imperio Británico.
Notas
[editar | editar a fonte]- ↑ "Cook Island PM resigns". The New Zealand Herald. 1999-07-30. Consultado o 9/12/2010.
- ↑ "Sir Geoffrey sworn in as deputy prime minister" Arquivado 01 de outubro de 2010 en Wayback Machine., Cook Islands Government Press Release, 2004-11-16.
- ↑ "Sir Geoffrey Henry retires from Cook Islands politics", Radio New Zealand International, 2006-08-03.
- ↑ "Sir Geoffrey new CISNOC head" Arquivado 15 de maio de 2009 en Wayback Machine., Cook Islands News 2009-04-22.