Feliciano Ama
Biografía | |
---|---|
Nacemento | 1881 Izalco, O Salvador (pt) |
Morte | 28 de xaneiro de 1932 Izalco, O Salvador (pt) |
Causa da morte | homicidio |
Datos persoais | |
País de nacionalidade | O Salvador |
Actividade | |
Ocupación | labrego , político |
Lingua | Lingua castelá |
José Feliciano de Jesús Ama Trampa, nado en Izalco en 1881 e finado ibídem o 28 de xaneiro de 1932,[1] foi un líder campesiño e indíxena pipil que participou no levantamento labrego de 1932 no Salvador.
Traxectoria
[editar | editar a fonte]A Ama quitáronlle as súas terras unha familia acomodada cafeteira, os Regalados, durante o cal foi golpedo e colgado polos polgares. Isto produciuse no contexto das reformas liberais que privaron á poboación indíxena do acceso ás súas propias terras comunais, que foron apropiadas polos propietarios privados.[2]
Ama era xornaleiro en Izalco. Casou con Josefa Shupan, que procedía dunha influente familia pipil en Izalco. En 1917, pasou a ser membro da confraría católica Cofradía del Corpus Christi. O seu sogro, Patricio Shupan, era alcalde da confraría, quen morreu en 1917 tras participar nunha cea co presidente Carlos Meléndez. Despois da morte de Shupan, Ama converteuse en xefe da confraría, que estaba formada exclusivamente por pipís.
Na madrugada do 22 de xaneiro de 1932, Ama levou aos campesiños pipís de Izalco ao levantamento contra os terratenentes. Con varios centos de seguidores marchou á capital do Departamento de Sonsonate. Alí, o alcalde foi asasinado por sublevados de Juayúa, mais os propietarios acusaron a Ama, que fuxiu aos montes de Izalco. Alí foi atopado por soldados da gornición de Izalco ao mando do comandante Cabrera, foi capturado e aforcado no centro de Izalco.
Notas
[editar | editar a fonte]- ↑ "JOSÉ FELICIANO AMA ES UN MÁRTIR POPULAR". 2007-04-27. Arquivado dende o orixinal o 2007-04-27. Consultado o 2019-05-03.
- ↑ Paige, Jeffrey (1997). Coffee and Power: Revolution and the Rise of Democracy in Central America. Cambridge: Harvard University Press. pp. 108.