Kate Charlton-Robb
(2020) | |
Biografía | |
---|---|
Nacemento | século XX Victoria |
Datos persoais | |
País de nacionalidade | Australia |
Educación | Universidade de Monash |
Actividade | |
Ocupación | xenetista molecular , marine mammalogist (en) |
Empregador | Universidade de Monash Museums Victoria (en) |
Kate Charlton-Robb, nada na península de Mornington, Victoria (Australia), é unha bióloga, xenetista molecular e zoóloga australiana, especializada no estudo dos cetáceos.
Traxectoria
[editar | editar a fonte]Kate Charlton-Robb naceu nunha vila da península de Mornington, Victoria, Australia e, desde pequena, sentiu unha grande atracción polas augas do mar, que creceu despois de comezar a mergullarse, interesándose por saber máis sobre as especies que viven nese ambiente, as súas interaccións con outros animais e os efectos do cambio ambiental.
Graduouse en bioloxía mariña na Universidade de Monash, e comezou a súa carreira estudando os mamíferos mariños, e un momento decisivo, nas súas palabras, foi unha conferencia á que asistiu sobre a conservación e a xenética de poboacións de especies crípticas, sorprendéndose de cuanto se podería descubrir acerca dos animais estudado o seu ADN, comezando así o seu camiño na xenética dos golfiños que foi o foco dos seus estudos de doutoramento, que fixo na súa universidade, baixo a dirección de Steve McKechnie e Andrea Taylor, presentando a tese titulada Species status and population structure of bottlenose dolphin in southern Australian waters, assessed using genetic markers and morphology.
O seu campo de investigación é e o estudo do estado e a estrutura das poboacións das especies de arroaces en augas do sur de Australia, avaliada mediante a morfoloxía e marcadores xenéticos.
Charlton-Robb sinalou a posibilidade dunha nova especie de arroaz, daquela coñecido como "Tursiops sp residente na baía de Port Phillip e os lagos Gippsland", baseada no estudo do ADN mitocondrial.
Máis adiante, nun traballo en colaboración, investigou máis profundamente utilizando múltiples rexións de xenes de diferentes especies.
Máis recentemente, Charlton-Robb et al. vincularon a morfoloxía cranial e datos xenéticos para completar a caracterización da nova especie.[1][2]
Dado o rango probabelmente restrinxido desta nova especie, para Charlton-Robb é un asunto de alta prioridade a protección e conservación destes animais.
Na actualidade (2013), Charlton-Robb leva máis de 14 anos investigando os golfiños do sur de Australia, estudando a estrutura e o estado das súas poboacións utilizando metodoloxías morfolóxicas e de múltiples xenes, cara a un maior coñecemento e avaliación da taxonomía dos delfínidos, a distribución das súas especies e a xenética das poboacións.
Kate Charlton-Robb é a fundadora, directora e principal investigadora da Australian Marine Mammal Conservation Foundation.
Transcendencia do descubrimento
[editar | editar a fonte]Durante moito tempo os científicos pensaron que o xénero Tursiops era monoespecífico, coa única especie Tursiops truncatus, aínda que moitos pensaban que podería haber máis dunha.
Desde que en 1998 Rice recoñeceu como válida a especie Tursiops aduncus (que fora descrita por Ehrenberg en 1833) houbo un crecente consenso de que o xénero estaba formado por estas dúas especies.[3]
Pero os traballos de Kate Charlton-Robben en xenética molecular dos arroaces permitiron un mellor coñecemento deste problema, anteriormente insuperábel, e a terceira especie, Tursiops australis foi descrita por ela en 2011.
É a terceira vez que se recoñece unha nova especie de golfiño desde finais do século XIX.[4]
Algunhas publicacións
[editar | editar a fonte]- Dunn, W., Goldsworthy, A., Glencross, D. e Charlton, K. (2001): "Interactions between bottlenose dolphins and tour vessels in Port Phillip Bay, Victoria". Department of Sustainability and Environment. Melbourne. Australia.
- Charlton, K., Taylor, A. C., McKechnie, S. W. (2006): "A note on divergent mtDNA lineages of bottlenose dolphins from coastal waters of southern Australia". J. Cetacean Res. Manage. 8 (2): 173-179.
- Moller, L., Bilgmann, K. Charlton-Robb, K. e Beheregaray, L. (2008): "Multi-gene evidence for a new bottlenose dolphin species in southern Australia". Molecular Phylogenetics and Evolution 49: 674-681.
- Kylie Owen, Kate Charlton-Robb e Ross Thompson (2011): "Resolving the trophic relations of cryptic species: an example using stable isotope analysis of dolphin teeth". Australian Centre for Biodiversity and School of Biological Sciences, Monash University, Victoria, Australia. Resumo.
- Papakonstantinou,Theo, Kate Charlton-Robb, Richard D. Reina e Gerry Rayner (2013): "Providing research-focused work-integrated learning for high achieving science undergraduates". Asia-Pacific Journal of Cooperative Education 14 (2): 59-73. Resumo
Notas
[editar | editar a fonte]- ↑ Kate Charlton-Robb, Lisa-Ann Gershwin, Ross Thompson, Jeremy Austin, Kylie Owen e Stephen McKechnie (2011): "A New Dolphin Species, the Burrunan Dolphin Tursiops australis sp. nov., Endemic to Southern Australian Coastal Waters" Ver en liña PLoS ONE 6 (9): e24047.
- ↑ Researcher discovers new dolphin species in Victoria. Universidade de Monash, 15-09-2011. (en inglés)
- ↑ Tursiops Gervais, 1855 Arquivado 15 de marzo de 2016 en Wayback Machine. en SIIT(en inglés).
- ↑ New dolphin species discovered in Victoria. ABC News, 15-09-2011. (en inglés)
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- Kate Charlton-Robb en Monash University. Faculty of Science. (en inglés)
- Researcher discovers new dolphin species in Victoria en Monash University. (en inglés)
- Web da Australian Marine Conservation Society (en inglés)
- Kate Charlton-Robb en Scientists. (en inglés)