Iñaki Urdangarin
Este artigo (ou sección) está desactualizado(a). A información fornecida mudou ou é insuficiente. |
(2010) | |||||||||||||||||||||||||||||||||||
Biografía | |||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Nacemento | (es) Iñaki Urdangarin Liebaert 15 de xaneiro de 1968 Zumarraga, España | ||||||||||||||||||||||||||||||||||
Datos persoais | |||||||||||||||||||||||||||||||||||
Residencia | Vitoria (2022–) | ||||||||||||||||||||||||||||||||||
País de nacionalidade | España | ||||||||||||||||||||||||||||||||||
Educación | Esade ESADE Business School (en) Col·legi Casp - Sagrat Cor de Jesús (en) | ||||||||||||||||||||||||||||||||||
Actividade | |||||||||||||||||||||||||||||||||||
Ocupación | balonmanista , recluso (pt) | ||||||||||||||||||||||||||||||||||
Período de actividade | 1986 | ||||||||||||||||||||||||||||||||||
Lingua | Lingua castelá | ||||||||||||||||||||||||||||||||||
Deporte | balonmán | ||||||||||||||||||||||||||||||||||
Posición de xogo | Lateral | ||||||||||||||||||||||||||||||||||
| |||||||||||||||||||||||||||||||||||
Participou en | |||||||||||||||||||||||||||||||||||
2000 | Xogos Olímpicos de 2000 | ||||||||||||||||||||||||||||||||||
1996 | Xogos Olímpicos de 1996 |
||||||||||||||||||||||||||||||||||
Outro | |||||||||||||||||||||||||||||||||||
Título | Duque (1997–2015) | ||||||||||||||||||||||||||||||||||
Cónxuxe | Cristina de Borbón e Grecia (1997–2023), divorcio | ||||||||||||||||||||||||||||||||||
Fillos | Juan Urdangarin e de Borbón, Miguel Urdangarin e de Borbón, Pablo Urdangarin e de Borbón, Irene Urdangarin e de Borbón | ||||||||||||||||||||||||||||||||||
Pais | Juan María Urdangarin Berriochoa | ||||||||||||||||||||||||||||||||||
Condenado por | Prevaricación fraude Falsificación Tráfico de influencias embezzlement of public funds (en) fraude fiscal (pt) | ||||||||||||||||||||||||||||||||||
Premios | |||||||||||||||||||||||||||||||||||
Iñaki Urdangarin[1] Liebaert, nado en Zumarraga (Guipúscoa) o 15 de xaneiro de 1968, é un ex xogador de balonmán español e esposo da Infanta de España Cristina de Borbón. Ten tratamento de excelentísimo señor. Entre 1997 e 2015 foi Duque consorte de Palma, por mor da súa voda coa Infanta. Debido ao escándalo do Caso Nóos, no que estaba involucrado, o Rei Filipe VI revogoulle a concesión do título ducal á súa irmá, polo que o propio Iñaki Urdangarin tivo que deixar de empregalo. O 18 de xuño de 2018 entrou no cárcere de Brieva (Ávila) para cumprir unha condena de cinco anos e 10 meses.[2]
Traxectoria
[editar | editar a fonte]Como xogador
[editar | editar a fonte]Despois de pasar polo BM Guadalajara, xogou profesionalmente na sección de balonmán do Futbol Club Barcelona durante 14 tempadas, entre 1986 e 2000. Co FC Barcelona gañou 6 Copas, 2 Recopas e 4 Supercopas de Europa, ademais de 10 Ligas ASOBAL, 7 Copas do Rei, 9 Supercopas de España, 3 Copas ASOBAL e 11 ligas catalás.
Foi internacional pola Selección de balonmán de España en tres Xogos Olímpicos, contribuíndo á consecución de dúas medallas de bronce nos Xogos Olímpicos de Atlanta 1996 e Sidney 2000, ademais dunha medalla de bronce nun Europeo. No ano 2000 retirouse da competición.
Consorte
[editar | editar a fonte]O 4 de outubro de 1997, casou coa infanta Cristina de Borbón na Catedral de Santa Eulalia de Barcelona, ocasión pola cal o rei concedeu á súa filla o título de Duquesa de Palma de Mallorca. Tiveron catro fillos que ocupan os postos do oitavo ao undécimo no orde de sucesión ao rei Xoán Carlos I:
- Juan Valentín de Todos los Santos, Grande de España, nado o 29 de setembro de 1999.
- Pablo Nicolás de Todos los Santos, Grande de España, nado o 6 de decembro de 2000.
- Miguel de Todos los Santos, Grande de España, nado o 30 de abril de 2002.
- Irene de Todos los Santos, Grande de España, nada o 5 de xuño de 2005.
Acusado de corrupción
[editar | editar a fonte]En novembro de 2011, Urdangarin e os seus socios foron investigados no caso Babel, derivado da investigación do caso Palma Arena.[3] O 10 de novembro apareceu nos medios de comunicación a noticia dunha probable imputación por un suposto desvío de diñeiro público desde o Instituto Nóos que presidía.
Mediante un comunicado, La Zarzuela apartou a Iñaki Urdangarin dos seus actos oficiais o 12 de decembro de 2011, porque o seu comportamento non era «exemplar» para a Casa do Rei.[4]
O 29 de decembro de 2011 foi imputado polo xuíz José Castro, e citouse para comparecer o día 6 de febreiro de 2012, podéndose atrasar esta data se así é de interese para a súa representación. Dous días despois da imputación, o xuíz Castro aceptou atrasar a declaración de Urdangarin como imputado ao día 25 de febreiro. A declaración do imputado durou máis de 22 horas, durante o día 25 e a madrugada do 27 de febreiro;[5] declarou que non coñecía a existencia de empresas para desviar diñeiro público, culpou a Diego Torres e asegurou que o papel da infanta Cristina na trama empresarial era soamente testemuñal e que o rei pediulle que se desvinculase das súas actividades profesionais.[6]
Palmarés como xogador
[editar | editar a fonte]- Títulos internacionais:
- 6 Copas de Europa: 1990-1991, 1995-1996, 1996-1997, 1997-1998, 1998-1999 e 1999-2000.
- 2 Recopa de Europa de balonmán: 1993-1994, 1994-1995.
- 4 Supercopa de Europa de balonmán: 1995-1996, 1996-1997, 1997-1998, 1998-1999.
- Títulos nacionais:
Foi 154 veces internacional coa Selección española, coa que participou en 9 grandes eventos internacionais:
- Xogos Olímpicos de Barcelona 1992: quinto.
- Xogos Olímpicos de Atlanta 1996: terceiro e medalla de bronce
- Xogos Olímpicos de Sidney 2000: terceiro e medalla de bronce
- Mundial Júnior de España 1989: segundo e medalla de prata.
- Mundial de Suecia 1993: quinto.
- Mundial do Xapón 1997: sétimo.
- Mundial de Exipto 1999: cuarto.
- Europeo de Portugal 1994: quinto.
- Europeo de Croacia 2000: terceiro e medalla de bronce
Títulos nobiliarios
[editar | editar a fonte]- Excelentísimo señor don Iñaki Urdangarin, duque consorte de Palma de Mallorca (desde o 4 de outubro de 1997 ata o 11 de xuño de 2015).
Distincións
[editar | editar a fonte]Notas
[editar | editar a fonte]- ↑ Blog Con propósito de enmienda, sobre a forma correcta de escribir este apelido, que só pode ser escrito con acento na lingua castelá. Na lingua éuscara non hai acento. (en castelán)
- ↑ "Iñaki Urdangarin ya está en la cárcel: entra en la prisión de Brieva, en Ávila", artigo en 20 Minutos, 18 de xuño de 2018 (en castelán).
- ↑ "Urdangarin será imputado antes de dous meses e a súa esposa non será implicada". 07/12/2011.
- ↑ "Zarzuela aparta a Urdangarin dos seus actos oficiais porque o seu comportamento "non lle parece exemplar"". RTVE. 12.12.2011.
- ↑ "Urdangarin desvincúlase da trama de Nóos tras máis de 22 horas de declaración". Europa Press. 27.2.2012.
- ↑ "Declaración de Iñaki Urdangarin". RTVE.es. 27.2.2012.
- ↑ Casa de Su Majestad el Rey
Véxase tamén
[editar | editar a fonte]Ligazóns externas
[editar | editar a fonte]- Familia real española
- Xogadores de balonmán olímpicos de España
- Ex-duques de España
- Nados en 1968
- Nados en Zumarraga
- Medallistas olímpicos en balonmán
- Medallistas nos Xogos Olímpicos de 1996
- Medallistas nos Xogos Olímpicos de 2000
- Medallistas olímpicos de bronce por España
- Grandes cruces da Real Orde do Mérito Deportivo
- Xogadores de balonmán nos Xogos Olímpicos de 1992
- Xogadores de balonmán nos Xogos Olímpicos de 1996
- Xogadores de balonmán nos Xogos Olímpicos de 2000
- Criminais de España