José Ramón Villamarín Pallín
Biografía | |
---|---|
Nacemento | 13 de xaneiro de 1881 Cirio, España |
Morte | 1 de novembro de 1967 Mondoñedo, España |
1936 – 1936 ← Germán Rego González – Jorge González-Redondo Serrano → | |
1920 – 1921 ← José María Álvarez Mon – José María Álvarez Mon → | |
Datos persoais | |
País de nacionalidade | España |
Actividade | |
Ocupación | perito agrícola , político , xornalista |
Lingua | Lingua galega |
José Ramón Villamarín Pallín, nado en Cirio (Pol) o 13 de xaneiro de 1881 e finado en Mondoñedo o 1 de novembro de 1967,[1] foi un perito agrícola, xornalista e político galego.
Traxectoria
[editar | editar a fonte]Perito agrícola instalado en Mondoñedo. Foi un dos líderes da Federación Mindoniense de Sociedades Agrarias Católicas xunto con José González Redondo e Antonio Maseda Bouso. Logo da destitución do alcalde José María Álvarez-Mon, foi nomeado alcalde de Mondoñedo por Real Orde a finais de outubro de 1920. En 1921 fundou o semanario Justicia. A principios de 1923 foi nomeado concelleiro e elixido primeiro tenente de alcalde.[2] Na República foi elixido concelleiro en 1931 pola Derecha Liberal Republicana. Foi presidente do Comité republicano progresista de Mondoñedo.[3] Suspendido como concelleiro, foi reposto no cargo en xuño de 1934.[4] Logo do triundo da Fronte Popular nas eleccións de febreiro de 1936, foi reposto como concelleiro e elixido alcalde de Mondoñedo o 4 de marzo.[5] Logo do golpe de Estado do 18 de xullo de 1936 foi detido en agosto e trasladado ao Cárcere de Lugo. Xulgado na Coruña por auxilio á rebelión con José Sánchez Gacio, Eloy Castro Dorrego, Guillermo Otero Villalba, Alfredo Martínez Martínez, Graciano Leivas Freire, Germán Fanego Salaverri, Patricio Vijande Villar, Constantino Sánchez Gacio e Emilio González Valoria o 10 de abril de 1938, foi condenado a 6 anos e 1 día de prisión.
Vida persoal
[editar | editar a fonte]Casou en Mondoñedo con Alicia Taladrid Pérez en 1912.[6] Foi padriño e pai adoptivo de Alicia Tella-Villamarín Ferreiro.[7]
Notas
[editar | editar a fonte]Véxase tamén
[editar | editar a fonte]Bibliografía
[editar | editar a fonte]- Pedreira, Ricardo (2006). Consejo de Guerra por Rebelión Militar. Mindonienses condenados en 1937. Mondoñedo: Asociación Amigos da Cidade de Mondoñedo.
Ligazóns externas
[editar | editar a fonte]- A República no Concello de Mondoñedo
- «O xuízo foi inxusto, non se mantiña en pé a acusación»
- Ficha en Represión franquista en Lugo
- José Ramón Villamarín Pallín na base de datos do proxecto Nomes e voces.
Predecesor: José María Álvarez-Mon |
Alcalde de Mondoñedo 1920 - 1921 |
Sucesor: José María Álvarez-Mon |
Predecesor: Germán Rego González |
Alcalde de Mondoñedo 1936 |
Sucesor: Jorge González-Redondo Serrano |