Mats Hummels
Mats Hummels | |||
---|---|---|---|
| |||
Información persoal | |||
Nome | Mats Julian Hummels | ||
Nacemento | 16 de decembro de 1988 (35 anos) | ||
Lugar de nacemento | Bergisch Gladbach | ||
Altura | 1,92 m | ||
Posición | Defensa central | ||
Información de club | |||
Club actual | Borussia Dortmund | ||
Número | 15 | ||
Carreira xuvenil | |||
1995–2006 | Bayern München | ||
Carreira sénior | |||
Anos | Equipos | Aprs | (Gls) |
2006–2007 | Bayern München II | 42 | (5) |
2007–2009 | Bayern München | 1 | (0) |
2008–2009 | → B. Dortmund (cesión) | 25 | (1) |
2009–2016 | Borussia Dortmund | 225 | (19) |
2016–2019 | Bayern München | 74 | (3) |
2019– | Borussia Dortmund | 12 | (0) |
Selección nacional | |||
2007 | Alemaña Sub-20 | 1 | (0) |
2007–2010 | Alemaña Sub-21 | 21 | (5) |
2010– | Alemaña | 70 | (5) |
Na rede | |||
http://www.mats-hummels.net/ | |||
| |||
Partidos e goles só en liga doméstica. Club: actualizado a 2 de setembro de 2019. Selección: actualizado a 19 de decembro de 2018.[ editar datos en Wikidata ] | |||
Mats Julian Hummels (pronuc. alemá: [ˈmats ˈhʊməls]), nado en Bergisch Gladbach, Renania do Norte-Westfalia, o 16 de decembro de 1988, é un futbolista internacional alemán que xoga como defensa central para o Borussia Dortmund da 1. Bundesliga alemá.
Traxectoria
[editar | editar a fonte]Hummels naceu en Bergisch Gladbach no estado alemán de Renania do Norte-Westfalia. O seu pai, Hermann Hummels foi tamén futbolista e responsable da canteira do Bayern de Múnic até que foi substituído en marzo de 2012 polo exfutbolista Stephan Beckenbauer, fillo de Franz Beckenbauer.[1] O seu irmán máis novo, Jonas Hummels é tamén futbolista. Desde os seis anos, Hummels xogou nas categorías inferiores do Bayern, onde comezou xogando de dianteiro até que o seu pai moveuno a posición defensa sendo un adolescente. O 19 de decembro de 2006, asinou o seu primeiro contrato profesional co club até o 2010. Debutou co primeiro equipo o 19 de maio de 2007, no último partido da tempada 2006-07, fronte ao Mainz 05, con vitoria por 5-2 a favor dos bávaros.
Sen oportunidades en Múnic, uniuse en xaneiro de 2008 ao Borussia Dortmund en calidade de cedido. Na súa primeira tempada completa, estabeleceuse rapidamente como titular, conformando o centro da defensa habitual xunto ao serbio Neven Subotić, tamén nacido en decembro de 1988; porén, perdeuse os últimos meses de competición debido a unha lesión que o afastou dos terreos de xogo. En febreiro de 2009, asinou de maneira definitiva co club de Dortmund,[2] que pagou ao Bayern unha cantidade próximo aos catro millóns de euros.[3]
A campaña 2010-11 foi incluso mellor que a anterior para Hummels. Xa consolidado como unha peza clave na defensa, axudou ao Dortmund a lograr a mellor marca defensiva na Bundesliga e á consecución do título de Liga. A actuacións de Hummels permitiulle gañarse os eloxios da prensa e adestradores en xeral, sendo considerado un dos mellores defensas na Bundesliga e en Europa. O Borussia Dortmund conseguiu o bicampeonato a seguinte tempada. Mesmo, Hummels anotou un dos goles cos que o club de Dortmund venceu 5-2 fronte ao seu exequipo, o Bayern de Múnic, na final da Copa de Alemaña 2012. O 3 de xuño de 2012, Hummels estendeu o seu contrato co Borussia Dortmund até o verán de 2017.[4]
Títulos
[editar | editar a fonte]Club
[editar | editar a fonte]- Bayern München
- Bundesliga (2): 2010–11, 2011–12
- DFB-Pokal: 2011–12
- DFL-Supercup: 2013
Selección
[editar | editar a fonte]- Alemaña
- Eurocopa da UEFA Sub-21: 2009
Individual
[editar | editar a fonte]- Equipo do Ano de European Sports Media (2): 2010–11, 2011–12
- Xogador do Partido Copa do Mundo 2014: contra Francia (cuartos de final)
Véxase tamén
[editar | editar a fonte]Ligazóns externas
[editar | editar a fonte]- Mats Hummels Twitter Oficial
- Mats Hummels Facebook Oficial
- Perfil en Transfermarkt (en inglés)
- Perfil no sitio web oficial da FIFA Arquivado 16 de xullo de 2014 en Wayback Machine. (en inglés)
Notas
[editar | editar a fonte]- ↑ Koylu, Enis (30 de marzo de 2012). goal.com, ed. "Bayern Munich sack Mats Hummels' father" (en inglés). Consultado o 5 de xullo de 2014.
- ↑ FC Bayern, ed. (6 de febreiro de 2009). "Former FCB youth makes loan move permanent" (en inglés). Archived from the original on 06 de xaneiro de 2013. Consultado o 5 de xullo de 2014.
- ↑ FIFA, ed. (16 de setembro de 2012). "Hummels, símbolo del nuevo Borussia" (en castelán). Arquivado dende o orixinal o 14 de xullo de 2014. Consultado o 5 de xullo de 2014.
- ↑ goal.com, ed. (3 de xuño de 2012). "Mats Hummels firma un nuevo acuerdo con el Borussia Dortmund hasta 2017" (en castelán). Consultado o 5 de xullo de 2014.