Marcelo Macías
Nome orixinal | Marcelo Macías García |
---|---|
Biografía | |
Nacemento | 1 de xullo de 1843 Astorga, España |
Morte | 8 de marzo de 1941 Ourense, España |
Lugar de sepultura | Cemiterio de San Francisco de Ourense |
Datos persoais | |
País de nacionalidade | España |
Relixión | Igrexa católica |
Educación | Universidade Central |
Actividade | |
Ocupación | arqueólogo |
Membro de | |
Alumnos | Ramón Otero Pedrayo |
Lingua | Lingua castelá |
Marcelo Macías García, nado en Astorga o 1 de xullo de 1843 e finado en Ourense o 8 de marzo de 1941, foi sacerdote, profesor e doutor en filosofía e letras, arqueólogo e numismático.[1]
Traxectoria
[editar | editar a fonte]Estudou humanidades, filosofía e teoloxía no seminario de Astorga, onde foi compañeiro de Andrés Martínez Salazar e Antolín López Peláez. En 1863 foi ordenado presbítero, e pasou a ser profesor de lóxica e aritmética no propio seminario. Estudou tamén cánones, grego e hebreo. Tras pecharse o seminario logo da Revolución de 1868 foi ecónomo da igrexa de San Pedro de Bembibre, e en 1871 mudouse a Madrid. Graduouse de bacharel en Artes no instituto de Ávila e en Madrid licenciouse en Filosofía e Letras.
Deu clase en Palma e Villanueva de la Serena. En 1882 acadou a cátedra de Retórica en Xixón, e en 1884 pasou a Ourense. Renunciou ao seu traslado a Madrid e á cátedra de Lingua Española na Universidade de Santiago.
Atribúeselle ser o impulsor definitivo da Comisión Provincial de Monumentos de Ourense, ao comezar a edición do Boletín de la Comisión Provincial de Monumentos Históricos y Artísticos de Orense, nos meses de marzo-abril de 1898, contando coa colaboración de grandes intelectuais, como Arturo Vázquez Núñez, Benito Fernández Alonso e Nicolás Tenorio, aos poucos fóronse incorporando as colaboracións da práctica totalidade de personalidades da chamada "Atenas de Galicia" Manuel Martínez Sueiro, Fermín Bouza-Brey, Otero Pedrayo, Vicente Risco, Xocas, Florentino López Cuevillas etc.[2] Ingresou na Real Academia Galega o 4 de setembro de 1905.
As súas mellores achegas producíronse no campo da arqueoloxía e a historia; a súa gran colección de moedas e os amplos coñecementos que sobre elas tiña convertérono nun referente da numismática na súa época.[3]
Obras
[editar | editar a fonte]Literarias
[editar | editar a fonte]- Cartas a un Joven, estudios sobre la civilización moderna
- Nobleza Obliga (1885)
- El calendario de pared. Sátira política (1885)
- El toque del Alba (1885)
- Las Golondrinas (1870)
Poesía
[editar | editar a fonte]- Una lágrima a la muerte de mi querido padre
- La flauta de Tirsis (1879)
- Cantar y morir, La Serena (1878)
Históricas
[editar | editar a fonte]- Cronicón de Idacio (Versión castelá 1906)
- Civitas Limicorum (1904)
Ensaio
[editar | editar a fonte]- De Galicia. Discursos de caracter regional, pronunciados en las ciudades de la Coruña, Orense y Vigo (Andrés Martínez Salazar, 1892)
No Boletín de la Comisión Provincial de Monumentos Históricos y Artísticos de Orense
[editar | editar a fonte]- Suplementos a la Epigrafía Latina de Orense
- Nuevo Miliario romano de Rábade (1912)
- Inscripción de Pepín (1906)
- El Crismón o Monograma de Cristo en las monedas de Constantino el Grande y sus sucesores (1913)
- Fray Suero de Oca abad de Osera (1924)
- Turonium (1921)
Notas
[editar | editar a fonte]- ↑ Rodríguez González, A. "Cronobiografía". En VV.AA. (2018). Páxina 15.
- ↑ Fariña Busto, F. "Sobre don Marcelo Macías García e Ourense". En VV.AA. (2018). Páxina 39.
- ↑ Rodríguez García, P. "Marcelo Macías e a Numismática". En VV.AA. (2018). Páxina 55.
Véxase tamén
[editar | editar a fonte]Wikimedia Commons ten máis contidos multimedia na categoría: Marcelo Macías |
Bibliografía
[editar | editar a fonte]- Aparisi, Luis M. (2016). Gallegos en la Real Academia Española (PDF) (en castelán). Asociación Cultural da Vieira.
- Otero Pedrayo, R. (1943): Vida del doctor don Marcelo Macías y García, príncipe de la oratoria y del diálogo, de la cátedra y de la ciencia histórica (1843-1941). A Coruña, imprenta Moret.
- «Macías y García, Marcelo» en Gran Enciclopedia Galega Silverio Cañada (en DVD).
- «Macías, Marcelo» en Diccionario enciclopédico galego universal, t. 39, p. 93. Ir Indo para La Voz de Galicia. ISBN 84-7680-429-6.
- VV.AA. (2018). Marcelo Macías. 175 Aniversario Arquivado 08 de marzo de 2019 en Wayback Machine.. Museo Arqueolóxico Provincial de Ourense. ISBN 978-84-453-5306-6
Outros artigos
[editar | editar a fonte]- Nados en Astorga
- Nados en 1843
- Finados en 1941
- Sacerdotes da Igrexa católica latina
- Sacerdotes católicos de Galicia
- Sacerdotes católicos do século XIX
- Sacerdotes católicos do século XX
- Numismáticos de Galicia
- Escritores de Galicia en lingua castelá
- Membros de número da Real Academia Galega
- Académicos correspondentes da Real Academia Española