Sergi García
Coviran Granada | |
Información persoal | |
---|---|
Nacemento | 17 de febreiro de 1997 (27 anos) |
Altura | 1,93 m (6 ft 4 in) |
Peso oficial | 82 kg (203 lb) |
Posición | Base |
Liga | ACB |
Información da carreira | |
Internacional | 6 veces |
Carreira | 2013−presente |
Historial de equipos | |
Basket Zaragoza (2013–2017) → CB El Olivar (2013–2016) Valencia Basket Club (2017–2019) → BAXI Manresa (2019) → SC Rasta Vechta (2019) Kirolbet Baskonia (2019–2020) MoraBanc Andorra (2020–2022) Gran Canaria (2022) Río Breogán (2022−2024) Granada (2024−presente) |
Sergi García Calvo, nado o 17 de febreiro de 1997 en Palma, é un xogador español de baloncesto internacional profesional. Formado nas categorías inferiores do Sant Josep Obrer, do CTE Illes Balears e do Basket Zaragoza, actualmente xoga para o Coviran Granada da Liga ACB. Cunha altura de 1,93 m, xoga na posición de base.[1]
Traxectoria
[editar | editar a fonte]Nado en Palma, García formouse nas categorías inferiores do Club Sant Josep Obrer de Palma e, posteriormente, no Centre de Tecnificació Esportiva Illes Balears. No ano 2013 asinaría co Basket Zaragoza, onde compaxinou o primeiro equipo co filial. O seu debut no baloncesto profesional produciuse o 3 de novembro de 2013 no Pavillón Príncipe Felipe de Zaragoza durante o partido correspondente á cuarta xornada da temporada 2013−14 da Liga ACB contra o La Bruixa d'Or Manresa, pasando a ser con nese momento, con 16 anos, 8 meses e 14 días, o xogador máis novo en debutar co equipo aragonés.
A súa seguinte campaña no conxunto zaragozano sería moi semellante á anterior. Alén da ACB, García debuta ese ano na Copa do Rei e na Eurocup. Nas seguintes temporadas foi mellorando o seu rendemento aos poucos. En 2017 antes de decembro fixo unha media de 9,6 puntos, 3,2 rebotes e 2,8 asistencias en 20 minutos na ACB, números que lle serviron para estar entre os tres primeiros xogadores españois en valoración da competición. Este rendemento chama a atención do Valencia Basket Club, equipo co que asina en decembro. Após dúas temporadas en Valencia, é cedido ao BAXI Manresa para xogar as últimas xornadas da ACB. En xullo é cedido ao SC Rasta Vechta alemán. Ás ordes de Pedro Cales disputou 9 partidos de liga con 8,3 puntos e 3,4 asistencias por partido en 19 minutos, con 11,5 puntos e 5,5 asistencias nos dous partidos que disputou da Basketball Champions League co cadro alemán. Así, foi chamado polo Kirolbet Baskonia para substituír as súas baixas na posición de base. En xullo de 2020, asina polo MoraBanc Andorra após desvincularse do Kirolbet Baskonia. En decembro de 2021 asina pola polo Gran Canaria. O 10 de xuño de 2022 asina polo Río Breogán.[2]
Clubs
[editar | editar a fonte]Ao longo da súa carreira, García ten xogado para os seguintes equipos profesionais:[1]
Basket Zaragoza (ACB / Eurocup, 2013–2017)
CB El Olivar (EBA / LEB Prata, 2013–2016)
Valencia Basket Club (ACB / Euroliga, 2017–2019)
BAXI Manresa (ACB, 2019)
SC Rasta Vechta (BBL / BCL, 2019)
Kirolbet Baskonia (ACB / Euroliga, 2019–2020)
MoraBanc Andorra (ACB / Eurocup, 2020–2022)
Gran Canaria (ACB / Eurocup, 2022)
CB Breogán (ACB / BCL, 2022−2024)
Fundación CB Granada (ACB, 2024−presente)
Notas
[editar | editar a fonte]- ↑ 1,0 1,1 "Sergi García, Basketball Player". Proballers (en inglés). Consultado o 10 de xuño de 2022.
- ↑ "Sergi García incorpórase ao Río Breogán". CB Breogán. 10 de xuño de 2022. Consultado o 10 de xuño de 2022.
Véxase tamén
[editar | editar a fonte]Ligazóns externas
[editar | editar a fonte]- Perfil en acb.com (en castelán)
- Perfil en Proballers (en inglés)
- Nados en 1997
- Nados en Palma
- Xogadores de baloncesto de España
- Bases de baloncesto
- Xogadores de baloncesto da ACB
- Xogadores do KK Mega Basket
- Xogadores do Basket Zaragoza 2002
- Xogadores do Valencia BC
- Xogadores do Bàsquet Manresa
- Xogadores do SC Rasta Vechta
- Xogadores do Saski Baskonia
- Xogadores do BC Andorra
- Xogadores do CB Gran Canaria
- Xogadores do Club Baloncesto Breogán
- Xogadores do Fundación CB Granada
- Xogadores da selección de baloncesto de España