Paolo Giordano
(2008) | |
Biografía | |
---|---|
Nacemento | 19 de decembro de 1982 Turín, Italia |
Datos persoais | |
País de nacionalidade | Italia |
Educación | Universidade de Turín |
Actividade | |
Ocupación | físico , novelista , escritor , guionista |
Lingua | Lingua italiana |
Premios
| |
Páxina web | paologiordano.it |
Paolo Giordano, nado en Torino o 19 de decembro de 1982, é un escritor e físico italiano. Acadou sona no ano 2008 coa súa novela La solitudine dei numeri primi, coa que gañou o Premio Strega.
Traxectoria
[editar | editar a fonte]Paolo Giordano vive en San Mauro Torinese, o seu lugar de orixe[1]. O seu pai, Bruno, é xinecólogo, mentres que a súa nai, Iside, é profesora de inglés;[2][3] Ten unha irmá máis vella[1].
En 2001 diplomouse no instituto Gino Segré de Turín[4][5]. Rematou a licenciatura en Física das interaccións fundamentais, graduándose cum laude na Universidade de Turín, cunha tese de laurea considerada entre as mellores[6]. Obtivo unha bolsa para realizar un doutoramento en física de partículas na escola de doutoramento en ciencia e alta tecnoloxía da mesma Universidade. Estuda as propiedades do quark fondo nun proxecto cofinanciado polo Instituto Nacional de Física Nuclear de Italia, e en particular, a descomposición inclusiva do mesón B no canal semileptónico e radiativo[7][8].
Entre 2006 e 2007, Giordano pasou dous cursos fóra da Escola Holden, onde coñeceu a Raffaella Lops, que posteriormente se converteu na súa axente e editora[1]. Ten unha sección na revista Gioia, onde escribe relatos curtos tomando como punto de partida unha noticia de actualidade e un número[9].
Tras visitar no 2006 un proxecto de Médicos Sen Fronteiras en Kinshasa, na República Democrática do Congo, onde a organización asiste enfermos de sida e as prostitutas do barrio de Masina, escribiu o relato Mundele ("O branco"), publicado en novembro de 2008 na antoloxía Mondi al limite. 9 scrittori per Medici Senza Frontiere[10].
Escribiu a novela La solitudine dei numeri primi, editada en Italia por Mondadori en xaneiro de 2008, gañando ese mesmo ano o Premio Campiello á mellor Opera Prima, o Premio Fiesole Narrativa Under 40[11] e o Premio Strega, sendo o escritor máis novo en gañar este último certame[12]. Giordano recibiu o 9 de xullo de 2008 o Premio Merck Serono na sección de narrativa[13] e o 23 de agosto dese mesmo ano o Premio Frignano de opera prima.[14]. A obra foi levada ao cinema en 2010.
Notas
[editar | editar a fonte]- ↑ 1,0 1,1 1,2 "Paolo Giordano. Noi generazione "post": cresciuti senza politica con la passione dei numeri", entrevista de Ranieri Polese, 17 de xullo de 2008 (en italiano).
- ↑ Cristina Tagliabue, "Chi è Paolo Giordano, un fisico sui generis Arquivado 21 de setembro de 2013 en Wayback Machine.", Il sole de 24 Ore, 4 de xullo de 2008 (en italiano).
- ↑ Foto Arquivado 14 de xaneiro de 2009 en Wayback Machine. da entrega dos premios Strega, 3 de xullo de 2008.
- ↑ Entrevista de Mirella Serra, "Io, Baricco non lo conosco", La Stampa, 5 xullo de 2008 (en italiano).
- ↑ Mario Porqueddu, "Con me tornò la severità, buttai il tema", Corriere della Sera, 25 xuño de 2009 (en italiano).
- ↑ Los mejores laureados Arquivado 08 de agosto de 2009 en Wayback Machine. da Universidade de Turín na inauguración do curso académico 2007-2008.
- ↑ "Eloxios do presidente do INFN ao físico gañador del Premio Strega", Istituto Nazionale di Fisica Nucleare, 4 de xullo de 2008 (en italiano).
- ↑ Informe de primeiro ano Arquivado 17 de abril de 2009 en Wayback Machine. - Scuola di dottorato in Scienza e Alta tecnologia de Turín, orientación en Física e Astrofísica.
- ↑ "La matematica e lo stile Arquivado 06 de maio de 2006 en Wayback Machine.", entrevista de Stefania Leo, en Raramente.net, 12 de xuño de 2008 (en italiano).
- ↑ Mondi al limite Arquivado 26 de agosto de 2009 en Wayback Machine. - Medici Senza Frontiere.
- ↑ "Paolo Giordano vincitore del Premio Fiesole Narrativa Under 40 ed. 2008 Arquivado 11 de xaneiro de 2012 en Wayback Machine.", Comune di Fiesole, 19 de novembro de 2008 (en italiano).
- ↑ "Strega, trionfa l'esordiente Giordano", artigo de Paolo Fallai en Corriere della Sera, 4 xullo de 2008 (en italiano).
- ↑ "«Scienza e letteratura»: premio ad Alleva", Corriere della Sera, 10 xullo de 2008 (en italiano).
- ↑ "Caterina Bonvicini e Paolo Giordano gañadores do premio literario Frignano Arquivado 12/08/2008, en Wayback Machine.", Il Resto del Carlino, 7 de agosto de 2008 (en italiano).