Prem Tinsulanonda
Prem Tinsulanonda, nado na provincia de Songkhla o 28 de agosto de 1920 e falecido o 26 de maio de 2019 no hospital Phramongkutklao, foi un militar tailandés que foi primeiro ministro do seu país de 1980 a 1988. Desde o seu retiro foi conselleiro do rei Bhumibol Adulyadej e o seu fillo Maha Vajiralongkorn.
Traxectoria
[editar | editar a fonte]Cursou os seus estudos na súa provincia de nacemento e máis tarde en Bangkok. En 1941 ingresou na Real Academia Militar de Tailandia e máis tarde na Escola de Defensa Nacional. En 1959 participou na comisión encargada do novo texto constitucional. Entre 1968 e 1971 foi Senador, de 1972 a 1973 deputado no Parlamento e en 1976 foi nomeado membro do Consello Asesor do Primeiro Ministro Tanin Kraivixien. Con Kriangsak Chomanan foi nomeado Ministro do Interior (1977-1978) e Ministro de Defensa (1979-1980). Tras a saída de Chomanan foi elixido Primeiro Ministro e conservou a carteira de defensa até 1986. En 1988 dimitiu e foi designado polo Rei como Presidente do seu Consello Privado. Durante o golpe de estado en Tailandia en 2006 especulouse coa posibilidade de que fose nomeado de novo Primeiro Ministro de transición.
Primeiro Ministro de Tailandia | ||
---|---|---|
Segue a: Kriangsak Chomanan |
Prem Tinsulanonda | Precede a: Chatichai Choonhavan |