Rayo Vallecano de Madrid
Rayo Vallecano | ||||
---|---|---|---|---|
Nome | Rayo Vallecano de Madrid, S.A.D. | |||
Alcume(s) | Rayistas, franjirojos | |||
Fundación | 29 de maio de 1924 (100 anos) | |||
Estadio | Campo de Fútbol de Vallecas, Madrid, España | |||
Inauguración | 1976 | |||
Capacidade | 14.708 | |||
Presidente | ||||
Adestrador | ||||
Liga | Primeira División | |||
2021–22 | Primeira División, 12.º de 20 | |||
Vestimenta | Umbro | |||
Patrocinador | Nevir | |||
Na rede | ||||
Sitio web oficial | ||||
| ||||
O Rayo Vallecano de Madrid é un club de fútbol español do barrio de Vallecas, na cidade de Madrid. Foi fundado en 1924 e actualmente compite na Primeira división española.
O equipo xogou 18 tempadas en Primeira División, 34 en Segunda, 5 en Segunda B e 11 en Terceira. Na tempada 2000/01 xogou a Copa da UEFA como equipo con menos tarxetas de Europa, sendo a única participación europea do equipo ata o momento.
Historia
[editar | editar a fonte]O 29 de maio de 1924 fundouse a Agrupación Deportiva El Rayo.
Desde 1931 ata 1936 participou no campionato da Federación Obreira de Fútbol. Encadrouse dentro da Federación Castelá de Fútbol ao terminar a Guerra Civil en 1939.
Nunha xunta realizada o 13 de novembro de 1947 acordouse renomear ao club como Agrupación Deportiva Rayo Vallecano. Ademais acordouse utilizar o escudo do concello de Vallecas.
A partir de 1949, por un acordo co Atlético de Madrid, engadiu á súa uniformidade a actual e soada raia vermella cruzada na súa camiseta, a semellanza da do equipo arxentino River Plate con quen ten unha amigable relación.
O equipo estivo ao bordo da desaparición en 1984.
En 1992, ao converterse en sociedade anónima deportiva, o empresario xerezano José María Ruiz-Mateos comprou a maior parte das accións e converteuse en presidente do Club. En 1994 sucedeulle a súa esposa, María Teresa Rivero Sánchez-Romate. O estadio leva agora o nome da súa presidenta.
Na actualidade conta cun grupo ultra de ideoloxía Antifascista chamado Bukaneros; fundado en 1992.
Ademais do equipo de fútbol, o Rayo Vallecano mantén unha Fundación de carácter social, centrada na educación, e no deporte como medio de educación física e moral.
Aínda que o Rayo Vallecano non gañou ningún título, a tempada 2000-01 viuse honrado cunha boa participación na copa da UEFA grazas á clasificación UEFA Fair Play (Xogo Limpo, menor número de cartóns sancionados na tempada 1999-00). Alcanzou os cuartos de final da competición tras derrotar ao Constel·lació Esportiva (0-10, 6-0), Molde FK (0-1, 1-1), Viborg FF (1-0, 2-1), FK Lokomotiv Moskva (0-0, 2-0) e Girondins de Bordeaux (4-1, 1-2). Foi eliminado polo Deportivo Alavés (3-0, 2-1), equipo que finalmente sería subcampión do trofeo ese ano.
Ademais tamén lle honra o ser líder da Primeira División durante varias xornadas seguidas (4).
A tempada 2007-08, tras proclamarse campión do grupo I de Segunda División B e superar a promoción de ascenso, tras derrotar ao Benidorm (1-1 e 1-0) e ao Zamora (0-1 e 1-1), logrou regresar a Segunda.
Na tempada 2008-09, recentemente ascendido de 2ªB, o equipo vallecano acaba a Liga en quinta posición con 70 puntos, e co trofeo Zamora en mans do seu porteiro titular, David Cobeño, como porteiro menos goleado do torneo. Cobeño tamén foi protagonista nun partido de Liga fronte ao Elche CF, no que o porteiro rayista marcou un gol desde a súa propia portería.
Na tempada 2010-11, o club consegue matematicamente o ascenso a Primeira División, acabando en segunda posición. Na tempada 2011-12 consegue salvar a categoría na última xornada.
Datos do club
[editar | editar a fonte]- Tempadas en 1ª: 19 (incluída a 2021/22)
- Tempadas en 2ª: 36
- Tempadas en 2ªB: 5
- Tempadas en 3ª: 11
- Mellor posto en Primeira División: 9º (1999–00)
- Peor posto en Primeira División: 20º (1989–90, 2002–03
- Posto histórico na clasificación histórica de Primeira División española: 27º (479 puntos).
- Participacións en competicións internacionais: 1 (Copa da UEFA 2000–01)
- Mellor clasificación na Copa do Rei: Semifinal (1982).
- Vitoria máis ampla na casa: Rayo Vallecano 6 - 0 CA Osasuna (2011–12)
- Vitoria máis ampla fóra: UD Las Palmas 0 - 6 Rayo Vallecano (1988–89)
- Derrota máis ampla na casa: Rayo Vallecano 0 - 6 Deportivo da Coruña (1994–95)
- Derrota máis ampla fóra: FC Barcelona 9 - 0 Rayo Vallecano (1978–79)
Xogadores
[editar | editar a fonte]- Categoría principal: Xogadores do Rayo Vallecano.
Cadro actual
[editar | editar a fonte]- Actualizado a 5 de setembro de 2021.
|
|
Palmarés
[editar | editar a fonte]Torneos nacionais
[editar | editar a fonte]- Segunda División (1): 2017–18
- Segunda División B (2): 1984–85, 2007–08
- Terceira División (2): 1955–56, 1964–65
- Subcampión da Segunda División de España (4): 1988–89, 1991–92, 1994–95, 2010–11
- Subcampión da Segunda División B de España (1): 2006–07
- Subcampión da Terceira División de España (2): 1954–55, 1962–63
Fútbol feminino
[editar | editar a fonte]- Torneos nacionais
- Superliga Feminina (1): 2008–09
- Copa da Raíña (1): 2007–08