Club Deportivo Puertollano

O Club Deportivo Puertollano é un club de fútbol da localidade de Puertollano, en Cidade Real. Este club foi fundado o 24 de setembro de 1948 co nome de Calvo Sotelo Club de Fútbol, denominación baixo a que chegou a militar en Segunda División.

Puertollano
Nome	Club Deportivo Puertollano
Fundación	24 de setembro de 1948 (76 anos)
Estadio	Ciudad de Puertollano, Puertollano, España
Capacidade	8.000
Presidente	Luis F. Pizarro
Adestrador	Claudio Arzeno
Liga	3ª – Group 18
2013–14	1º
Na rede
http://www.udpuertollano.com/
Titular Alternativo

Actualmente xoga no grupo XVIII da Terceira División Española.

Historia

Calvo Sotelo Club de Fútbol

O Club Deportivo Puertollano procede do club fundado o 24 de setembro de 1948 co nome de Calvo Sotelo Club de Fútbol, baixo as ordes da Empresa Nacional Calvo Sotelo, durante os seus dous primeiros anos militou na categoría rexional, nos cales foi o primeiro clasificado, ascendendo na tempada 1949-50 á Terceira División, na que militou durante catorce tempadas, obtendo o primeiro posto en cinco ocasións, aínda que non sería ata a tempada 1963-64 cando conseguiu o ascenso á Segunda División.

Durante as seguintes sete tempadas mantívose en Segunda División, chegando a xogar o play-off de ascenso a Primeira División tras quedar segundos na tempada 1967-68 e perder ante o Córdoba. Pero na tempada 1970-71 o equipo descendeu a Terceira División, volvendo recuperar a categoría tras a tempada 1974-75, pero perdéndoa, descendendo a Segunda División B tras quedar últimos na tempada 1977-78.

Mantívose en Segunda División B seis anos, ascendendo na tempada 1983-84 a Segunda División, aínda que non conseguiu manterse na categoría ao ano seguinte, volvendo a Segunda B, e debido á reorganización da división descendeu a Terceira División, a pesar de quedar oitavos.

Puertollano Industrial

Durante os seguintes anos, as débedas, a baixa asistencia e o abandono por parte de Repsol do club, fai que se entre nunha época de decadencia, é ao comezar a tempada 1988-89 (o día 10 de outubro) cando se cambia o nome do equipo polo de Puertollano Industrial Club de Fútbol, buscando o apoio da poboación de Puertollano, con todo, non se conseguiu un apoio constante por parte desta, e ademais, durante a seguinte tempada acabouse en último posto, descendendo ata a división rexional, onde só estivo unha tempada, ascendendo ao ano seguinte.

O equipo continuou en Terceira División oito tempadas baixo a denominación de Puertollano Industrial, conseguindo en 1994 gañar a Copa Federación Española de Fútbol, torneo que se celebraba por primeira vez nesta data.

Unión Deportiva Puertollano

No ano 1999 reorganízase o club coa unión do Puertollano Industrial C.F. co Puertollano C.F. (club que militaba nas divisións rexionais), pasándose a chamar Unión Deportiva Puertollano, e o segundo equipo sería o filial deste. Ademais co cambio de nome vólvese a gañar o campionato de Terceira División na tempada 1999-00, pero non sería senón ata seis anos despois, cun novo campionato e 94 puntos conseguidos (con só dúas derrotas), cando se gañan os Play-Offs de ascenso a Segunda División B, onde actualmente milita.

Club Deportivo Puertollano

O 3 de xullo de 2010 apróbase o cambio de denominación a Club Deportivo Puertollano.

Uniforme

• Uniforme titular: Camiseta, pantalón e medias azuis con bandas brancas e serigrafía branca.
• Uniforme alternativo: Camiseta branca, pantalón vermello e medias brancas, con serigrafía negra.

Datos do club

• Tempadas en 1ª: 0
• Tempadas en 2ª: 11
  • Mellor posto en 2ª: 2º (67-68)
  • Peor posto en 2ª: 20º (77-78)
• Tempadas en 2ªB: 12
  • Mellor posto en 2ª B: 2º (83-84)
  • Peor posto en 2ª B: 13º (80-81, 82-83 e 07-08)
• Tempadas en 3ª: 37
  • Mellor posto en 3ª: 1º (58-59, 60-61, 61-62, 62-63, 63-64, 74-75, 99-00 e 05-06)
  • Peor posto en 3ª: 20º (89-90)
• Tempadas en Categorías rexionais: 3 (48-49, 49-50 e 90-91)
  • Mellor posto en Categorías rexionais: 1º (48-49, 49-50 e 90-91)

Xogadores

Categoría principal: Xogadores do CD Puertollano

Xogadores 2009/10

Nº Posto País Xogador 1 POR Calleja 2 DEF Ormazabal 3 DEF Germán 4 DEF Raúl Fernández 5 DEF Eloy Pomar 6 MED Raúl Medina 7 DIA Ortiz 8 MED Valdés 9 DIA Addison 10 DIA Honorio 11 MED Encinas 12 DEF Vinicius

Nº Posto País Xogador 13 POR José Antonio 14 MED Casabella 15 MED Hernández 16 MED Gomis 17 MED Acorán 18 MED Brenes 19 DIA Rafa Belda 20 MED Mendy 21 DEF Pelegrina 22 DIA Carlos Ureña 24 DEF Martín Baquero

Adestradores

• Antonio De la Torre Camacho "Torreca" (2003-2005)
• Antonio Cabezuelo "Rojo" (2005)
• Pedro Sánchez de la Nieta Ogayar (2005-2008)
• Manuel Ruiz Hierro (2008)
• Óscar Jacobo Maestre (2008-2009)
• Andrés García Tébar (2009)
• Benigno Sánchez Yepes (2009-)

Palmarés

Torneos nacionais

• Terceira División de España (8): 1958-59, 1960-61, 1961-62, 1962-63, 1963-64, 1974-75, 1999-00, 2005-06
• Copa Federación (3): 1994, 2006, 2011
• Subcampión da Segunda División (1): 1967-68
• Subcampión da Segunda División B (1): 1983-84
• Subcampión da Terceira División (4): 1952-53, 1956-57, 1959-60, 2003-04

Véxase tamén

Ligazóns externas

• Web oficial
• Web non oficial
• Diario dixital de seguimento do deporte en Puertollano