Ooh (bee)

Ooh
Bunneydys
Gastronomaght	shakshouka, gado-gado, quindim, ooh freeghit as oohagan
Troareyr	ushag, reptilia as eeast
Sonreeaghtyn
Sorçh	bee as mynayrn bee
Preeu-vynayrnyn	bwinnican as fynnican

Er chlee, ooh chirkey ta goll er ee dy mennick ec deiney, as er yesh daa ooh whayl.

Ta oohyn goll er nyn mrey ec ram dooieyn eigsoylagh, goaill stiagh ushagyn, beishteigyn, daa-veaghee, as eeastyn. She sorçh bee t'ayndaue as ad er ny ve eeit ec deiney feie thousaneyn dy vleeantyn. Ta oohyn ushagyn as beishteigyn jeant ass bleayst coadee, fynnican, as bwinnican, as ad castit liorish strebbinyn keylley eigsoylagh. She oohyn kirkey, thunnag, quayl, oghyr as oghyr reeoil ny h-oohyn smoo eeit, agh she oohyn kirkey ny h-oohyn smoo cadjin.

She tashtey mooar jeh'n phroteen as jeh'n choleen ad oohyn as t'ad goll er ymmyd dy mennick 'sy choagyraght. Er coontey hasht y phroteen t'ayndaue, ta oohyn coontit dy mennick myr sorçh foalley ayns Pyramidyn Bee Stiuree. Ansherbee, gyn bwooise da'n leagh beaghee t'ayn ayns oohyn, shymmey keishtyn slaynt t'ayn bentyn rish qualleeaght, stoyral, as troarey oohyn as allerjeeyn er lheh.

Sampleyryn jeh jystyn oohey

Ennym	Jalloo	Blass	Bunneydys	Cur sheese
Kedjeree		Blasstal	Anchaslys Goaldagh jeh Khichdi Injinagh.	Jyst ta jeant ass eeast coagyrit, floagagh (addag yaaghit keayrtyn), reise broiet, parsal, oohyn creoi-vroiet, poodyr curree, eeym ny key, as sultaanagh.
Oohagan		Blass cadjin	Yn Çhenn Phershey	Jyst ta jeant ass oohyn bwoallit ta coagyrit dt tappee lesh eeym ny ooill vee ayns freeghtane, fillit mygeayrt lhieeneyder lheid as caashey, glassraghyn, feill (yskid ny kease vuickey dy mennick), ny mestey ennagh jeh ny mynayrnyn shen.
Oohyn broiet		Blass cadjin		Ta'n jyst shoh broiet cha foddey as dy vel y bwinnican "creoi-vroiet" ny cha foddey as dy vel y fynnican jeant creoi choud's ta'n bwinnican foast fliugh, ny "bog-vroiet". Foddee ny h-oohyn dy ghaalaghey chammah son dy gheddyn yn eiyrtys cheddin.
Oohyn bwoailt		Blass cadjin		Jyst ta jeant ass fynnicanyn as bwinnicanyn bwoailt. Ta oohyn bwoailt currit stiagh ayns freeghtane ny poht çheh (lesh sahll dy mennick), as t'ad jannoo binjeanyn tra t'ad glubbey.
Oohyn freeghit		Blass cadjin		Freeghit ayns sahll çheh ayns freeghtane
Sallaid ooh		Blasstal	Ny Steatyn Unnaneysit	Ta sallaid ooh ymmydit dy mennick myr lhieeneyder braghtan. T'eh jeant dy mennick ass oohyn creoi-vroiet giarrit, sooslagh bwinnican, mustart, smullish mynnit, unnish, sollan, pibbyr, as paprika. Keayrtyn, t'eh ymmydit myr baarelagh er glassanyn. Keayrtyn, t'eh enmyssit sooslagh bwinnican ooh.

Jeeagh er neesh

• Oghyr eeast
• Ooh lheearee
• Bagoon as oohyn
• Kedjeree
• Rolley beeghyn
• Rolley jystyn oohey