Praha
| ||
| Wopon | ||
|---|---|---|
| ||
| Zakładne daty | ||
| stat |  Čěska
| |
| wysokosć | 170–400 | |
| přestrjeń | 496 km² | |
| wobydlerstwo | 1.241.664 (1. januara 2012) | |
| hustosć zasydlenja | 2.503,4 wob./km² | |
| póstowe čisło | 100 00 - 199 00 | |
| Zarjadnistwo | ||
| webstrona | praha.eu | |
| ||
Praha (hamtsce: Hłowne město Praha; čěsce Hlavní město Praha) je stolica a samostatny wobwod Čěskeje. Leži při rěce Wołtawa a je z wokoło 1,18 milionami wobydlerjemi na 496 km² po wobydlerjach najwjetše město a kulturelne kaž tež ekonomiske srjedźišćo kraja.
Wokolina města je ze starodawna husće zasydlena. Wot 6. lětstotka su Słowjenjo w tamnišich kónčinach žiwi. Po natwarjenju dweju hrodow přez Přemyslidow w 9. a 10. lětstotku přińdźechu židowscy a němscy wikowarjo do kraja. Wokoło 1230 stawaše so Praha z rezidencnym městom kralestwa Čechi a w 14. lětstotku jako rezidencne město Swjateho romskeho mócnarstwa ze kulturnym srjedźišćom srjedźneje Europy. W Praze załoži so w lěće 1348 prěnja uniwersita srjedźneje a wuchodneje Europy. Přez lětstotki běše Praha multikulturne město, w kotrymž zetkachu so čěske, němske, židowske a dalše kultury. Tak mjenowane „Złote město“ je hač do dźensnišeho harmoniskeho, předewšěm barokoweho a gotiskeho raza.
Tež za Serbow bě Praha jako stejnišćo Serbskeho seminara, kubłanišćo serbskich katolskich duchownych a skutkowanišćo towarstwa Serbowka, uniwersitne město a wot lěta 1918 jako stolica susodneje Čěskosłowakskeje resp. Čěskeje wažny kulturny a politiski centrum.
Partnerske města
Hamburg, Němska (1990)
Chicago, USA (1990)
Pětrohród, Ruska (1991)
Kyoto, Japanska (1996)
Paris, Francoska (1997)
Taipei, Taiwan (2001)
Brüssel, Belgiska (2003)
Wotkaz
Commons: Praha – Zběrka wobrazow, widejow a awdiodatajowPředłoha:Link FA Předłoha:Link FA Předłoha:Link FA Předłoha:Link GA Předłoha:Link GA Předłoha:Link GA