Jihlava
| ||
Wopon | ||
---|---|---|
| ||
Zakładne daty | ||
stat | ||
kraj | ||
okres | Jihlava | |
wysokosć | 525 metrow n.m.hł. | |
přestrjeń | 78,85 km² | |
wobydlerstwo | 50.724 (1. jan 2018)[1] | |
hustosć zasydlenja | 643 wob. na km² | |
póstowe čisło | 586 01 | |
awtowa značka | J | |
adresa | Masarykovo nám. 1 586 01 Jihlava | |
webstrona | jihlava.cz | |
Politika | ||
wyši měšćanosta | Karolína Koubová | |
Jihlava (němsce Iglau) je město w Čěskej, kotrež nadeńdźe so při historiskej hranicy mjez Čechami a Morawu. Wone je najwjetše město a zarjadniske sydło kraja Vysočiny a najstarše hórniske město w čěskich krajach.
Geografija
[wobdźěłać | žórłowy tekst wobdźěłać]Město leži na Čěsko-morawskej wysočinje při wuliwje rěčki Jihlávki do Jihlavy, kotraž twori staru čěsko-morawsku mjezu, něhdźe 80 kilometrow sewjerozapadnje Brna. Přez město wjedźe europska dróha 59 a w bliskosći tež awtodróha D 1 z Prahi do Bratisławy.
Stawizny
[wobdźěłać | žórłowy tekst wobdźěłać]Jihlava je stare morawske hórniske město, w kotrejž zarjadowa kral Otakar I. hórnisku kencliju a pjenježny zarjad. Město měješe hižo zahe daloko sahace priwilegije a dósta wokoło 1250 wot krala Wjacława I. status kralowskeho města.
Za čas Husitskich wójnow bě Jihlava – nimo Pilzenja a Mosta – centrum katolikow. Město same njebu wulce wobškodźene. Tak mjenowane Jihlawske kompaktaty dnja 5. julija 1436 woznamjenjachu kónc Husitskich wójnow.
W lěće 1900 wučinichu katolscy Němcy wjetšinu wobydlerstwa. Město a jeho wokolina tworještej druhu najwjetšu němsku rěčnu kupu na Morawje. Wot lěta 1918 słušeše město do nowozałoženeje Čěskosłowakskeje a podźěl čěskeje ludnosće poněčim stupaše. Němskorěčne wobydlerstwo bu po kóncu Druheje swětoweje wójny wuhnate, zwjetša do Awstriskeje.
Měšćanske dźěle
[wobdźěłać | žórłowy tekst wobdźěłać]- Antonínův Důl (němsce Antonienthal),
- Červený Kříž (Rothenkreuz),
- Henčov (Heinzendorf),
- Heroltice (Hilbersdorf),
- Horní Kosov (Obergoß),
- Hosov (Hossau),
- Hruškové Dvory (Birnbaumhof),
- Jihlava (Iglau),
- Kosov (Gossau),
- Pávov (Pfauendorf),
- Pístov (Pistau),
- Popice (Poppitz),
- Sasov (Sachsenthal),
- Staré Hory (Altenberg),
- Vysoká (Hochdorf) und
- Zborná (Waldhof).
Žórła
[wobdźěłać | žórłowy tekst wobdźěłać]Wotkazaj
[wobdźěłać | žórłowy tekst wobdźěłać]- Oficielne webstrony města (čěsce)