You Let Me Walk Alone
«You Let Me Walk Alone» | ||||
---|---|---|---|---|
Միխաել Շուլտեի սինգլը | ||||
Ֆորմատ | Digital download | |||
Ժանր | փոփ | |||
Երգահան | Միխաել Շուլտե | |||
Տևողություն | 02:57 | |||
Լեյբլ |
| |||
Միխաել Շուլտեի սինգլների ժամանակագրություն | ||||
|
«You Let Me Walk Alone» (անգլ. թարգմանաբար՝ «Այս ճանապարհին դու ինձ թողել ես միայնակ»), Միխաել Շուլտեի երգ-բալլադը, որի հեղինակներն են Շուլտեն, Թոմաս Սթենգորը (դան․՝ Thomas Stengaard), Նիսսե Ինգվերսենը (գերմ.՝ Nisse Ingwersen) և Նինա Մյուլլերը (գերմ.՝ Nina Müller):
Անվանում
[խմբագրել | խմբագրել կոդը]Բալլադի անվանումը ստացվել է կրկներգի եզրափակիչ տողից` «Cause you let me walk this road alone» (հայերեն՝ «Որովհետև այս ճանապարհին դու ինձ թողել ես միայնակ»)[1]:
14 տարեկանում Միխաել Շուլտեի համար ճակատագրի հարված էր դարձել հարազատ հոր կորուստը։ Մանկության հիշողություններն ու հոր հանդեպ որդու սերը նա արտահայտել է բալլադի տեքստում, որը 14 տարի անց երգել է Լիսաբոնում.
Բնօրինակ տեքստ (գերմ.)Du wirst immer der Held meiner Kindheit sein / Niemand kommt da auch nur annähernd ran / Ich dachte du wirst mich leiten, wenn das Leben mich in falsche Richtungen führt / Das sind die Momente, in denen ich dich am meisten vermisse
«Դու միշտ կմնաս իմ մանկության հերոսը / Ոչ ոք նույնիսկ չի հավասարվում դրան / Ես կարծում էի, որ դու ինձ ուղղություն կտաս, եթե ես մոլորվեմ / Նման պահերին ես ամենից շատ կարոտում եմ քեզ»[2]։
Եվրատեսիլ
[խմբագրել | խմբագրել կոդը]Եվրատեսիլ 2018-ի երգ | |
---|---|
Երկիր | Գերմանիա |
Երգիչ(ներ) | Միխաել Շուլտե |
Լեզու | անգլերեն |
Երգահան(ներ) | Միխաել Շուլտե, Թոմաս Սթենգոր, Նիսսե Ինգվերսեն, Նինա Մյուլլեր |
Բառերի հեղինակ(ներ) | Միխաել Շուլտե, Թոմաս Սթենգոր, Նիսսե Ինգվերսեն, Նինա Մյուլլեր |
Արդյունքներ | |
Եզրափակչի արդյունք | {{{դաս}}} |
Եզրափակչի միավորներ | {{{միավորներ}}} |
2018 թվականի փետրվարի 22-ին գերմանական հեռուստատեսության առաջին ալիքով հեռարձակվել է «Մեր երգը Լիսաբոնի համար» (գերմ.՝ Unser Lied für Lissabon) ծրագիրը, որին մասնակցել է վեց թեկնածու[3][4]։
Քվեարկության արդյունքներով, որը ներառում էր միջազգային ժյուրիի, Եվրատեսիլի փորձագետների և հեռուստադիտողների գնահատականները, Միխաել Շուլտեի կատարմամբ այդ բալլադն ընտրվել է «Եվրատեսիլ 2018» մրցութային ծրագրի համար[5][6][7]։
«Մեր երգը Լիսաբոնի համար» մրցույթի արդյունքների հրապարակումից անմիջապես հետո՝ փետրվարի 22-ին կայացած մամուլի ասուլիսի ժամանակ, բալլադի չորս հեղինակները պատասխանել են մրցույթի ստեղծման վերաբերյալ հարցերին։ Որպես հիմք ընդունվել է երգիչ Ստորին Սաքսոնիայի Բուքսթեխուդե քաղաքից Միխաել Շուլտեի զգացմունքային ապրումները, որը դեռահաս տարիքում կորցրել է իր սիրելի հորը[8]։ Հեղինակների խումբը փորձել է գտնել մի տեքստ, որը արցունքներ չի առաջացնի ունկնդիրների մոտ, բայց շատերի համար կառաջացնի բնական ասոցիացիաներ և մանկության հիշողություններ, հարազատների և մտերիմների, այդ թվում՝ արդեն մահացածների հետ շփվելու ցանկություն[1][9]։
Մարտին և ապրիլին Լոնդոնում, Մադրիդում և Ամստերդամում տեղի են ունեցել «Եվրատեսիլ 2018»-ից առաջ պլանավորված Միխաել Շուլտեի համերգները, որտեղ նա կատարել է «You Let Me Walk Alone» բալլադը[10]։
Արձագանքներ
[խմբագրել | խմբագրել կոդը]Դեռևս «Մեր երգը Լիսաբոնի համար» մրցութային ընտրության փուլում գերմանացի երաժիշտ, կոմպոզիտոր և պրոդյուսեր Ռալֆ Զիգելը, որը 1976 թվականից անմիջական կապ ունի «Եվրատեսիլի» հետ, Միխաել Շուլտեին համարել է իր ֆավորիտը։ Սակայն հավելել է, որ իր համար առեղծված է մնացել, թե ինչու է երգչին պահանջվել չորս հեղինակ սեփական հոր մասին բալլադներ ստեղծելիս[11]։
Գերմանական մի շարք հոդվածներում անբարենպաստ կանխատեսումներ են արվել՝ տեսնելով վերջին տեղերը, որոնք տարիներ շարունակ Գերմանիայի ներկայացուցիչներն են զբաղեցրել[12][13]։
Բեռլինի «Die Tageszeitung» օրաթերթի խմբագիր լրագրող Յան Ֆեդերսենը, որը գերմանական մամուլի անդրադարձն է կատարել այդ թեմայով, նման քննադատությունը «փնթփնթոց» է անվանել և խորհուրդ է տվել հանգիստ սպասել իրադարձությունների զարգացմանը[14]։
2018 թվականի մարտի 2-ին «Եվրատեսիլի» կայքում հրապարակված Միխաել Շուլտեի տեսահարցազրույցում նա, պատասխանելով իր և հոր մասին բալլադի ստեղծման մասին հարցերին, խոստովանել է, որ արտահայտված բացասական գնահատականները վշտացնում են իրեն։ Այնուամենայնիվ նա ասել է, որ դա չի խանգարի նրան ինտենսիվորեն պատրաստվել եզրափակիչ ելույթին[15]։
2018 թվականի մայիսի 6-ին բուքմեյքերները հրապարակել են «Եվրատեսիլ 2018»-ի ֆավորիտների թարմացած կանխատեսումները, որոնց համաձայն՝ Գերմանիան չի հայտնվել առաջին տասնյակում, որտեղ ընդգրկվել են Իսրայելը, Նորվեգիան, Ֆրանսիան, Էստոնիան, Շվեդիան, Չեխիան, Ավստրալիան և Մոլդովան[16]։
Արդյունքում Գերմանիայի չորրորդ տեղը, որն զբաղեցրել էր Միխաել Շուլտեի «You Let Me Walk Alone» բալլադը, շատերի համար անսպասելի և նույնիսկ սենսացիոն էր[2][17][18][19]։
Ծանոթագրություններ
[խմբագրել | խմբագրել կոդը]- ↑ 1,0 1,1 «Michael Schulte — You Let Me Walk Alone Lyrics» (անգլերեն). songlyrics.com. Վերցված է 2019 թ․ հոկտեմբերի 29-ին.
- ↑ 2,0 2,1 «Die Geschichte hinter unserem ESC-Song» (գերմաներեն). Bild. 13.05.2018. Վերցված է 2019 թ․ հոկտեմբերի 29-ին.
- ↑ «Diese sechs Acts sind im ESC-Vorentscheid 2018» (գերմաներեն). eurovision.de. 2017 թ․ դեկտեմբերի 29. Վերցված է 2019 թ․ հոկտեմբերի 29-ին.
- ↑ Posted by:Emily Herbert. «Germany: Song Titles for Unser Lied für Lissabon Revealed» (անգլերեն). eurovoix.com. Վերցված է 2019 թ․ հոկտեմբերի 29-ին.
- ↑ «Michael Schulte mit "ESC"-Ballade auf Platz 1» (գերմաներեն). offiziellecharts.de. Վերցված է 2019 թ․ հոկտեմբերի 29-ին.
- ↑ «Michael Schulte fährt nach Portugal» (գերմաներեն). Der Spiegel. 22.02.2018. Վերցված է 2019 թ․ հոկտեմբերի 29-ին.
- ↑ «Alle Infos zum ESC 2018 in Portugal» (գերմաներեն). eurovision.de. 07.03.2018. Վերցված է 2019 թ․ հոկտեմբերի 29-ին.
- ↑ Kurt Sagatz (23.02.2018). «Ballade für toten Vater soll Deutschland beim ESC nach vorn bringen». tagesspiegel.de. Վերցված է 2019 թ․ հոկտեմբերի 29-ին.
- ↑ «Pressekonferenz nach ESC-Vorentscheid» (գերմաներեն). eurovision.de. 22.02.2018. Վերցված է 2019 թ․ հոկտեմբերի 29-ին.
- ↑ «Michael Schulte performt bei London Eurovision Party» (գերմաներեն). eurovision.de. 02.03.2018. Վերցված է 2019 թ․ հոկտեմբերի 29-ին.
- ↑ «Michael Schulte: Das hält Ralph Siegel vom deutschen ESC-Kandidaten» (գերմաներեն). vip.de. 06.03.2018. Արխիվացված է օրիգինալից 2018 թ․ մարտի 4-ին. Վերցված է 2019 թ․ նոյեմբերի 16-ին.
- ↑ Peter-Philipp Schmitt (23.02.2018). «Ein Youtube-Star für Lissabon» (գերմաներեն). Frankfurter Allgemeine Zeitung. Վերցված է 2019 թ․ հոկտեմբերի 29-ին.
- ↑ Hans Hoff (22. Februar 2018). «Abhak-Moderationen der Pilawa-Klasse» (գերմաներեն). Süddeutsche Zeitung. Վերցված է 2019 թ․ հոկտեմբերի 29-ին.
- ↑ Jan Feddersen (28.02.18). «Kritik an Michael Schulte ist Miesmacherei» (գերմաներեն). eurovision.de. Վերցված է 2019 թ․ հոկտեմբերի 29-ին.
- ↑ «Lange gewartet, bis ich durchstarten kann» (Видеоинтервью) (գերմաներեն). eurovision.de. 02.03.2018. Վերցված է 2019 թ․ հոկտեմբերի 29-ին.
- ↑ «Букмекеры сделали новые прогнозы на фаворитов «Евровидения-2018»». point.md. 6 мая 2018. Վերցված է 2019 թ․ նոյեմբերի 16-ին.
- ↑ Arno Frank (13.05.2018). «Der Michael nervte nicht» (գերմաներեն). Der Spiegel. Վերցված է 2019 թ․ հոկտեմբերի 29-ին.
- ↑ Hans Hoff (13. Mai 2018). «Michael Schulte hat es allen gezeigt» (գերմաներեն). Süddeutsche Zeitung. Վերցված է 2019 թ․ հոկտեմբերի 29-ին.
- ↑ «ESC in Lissabon Michael Schulte sensationell unter den Top Fünf» (գերմաներեն). express.de. 15.05.18. Վերցված է 2019 թ․ հոկտեմբերի 29-ին.(չաշխատող հղում)