Վիքիպեդիայից՝ ազատ հանրագիտարանից
Դմիտրի Ֆեոդորի Ուստինով (հոկտեմբերի 17 (30), 1908[1], Սամարա, Ռուսական կայսրություն[1] - դեկտեմբերի 20, 1984(1984-12-20)[2][3][1], Մոսկվա, ԽՍՀՄ[1]), խորհրդային կուսակցական, պետական և ռազմական գործիչ, սոցիալիստական աշխատանքի կրկնակի հերոս (1942, 1961), Սովետական Միության հերոս (1978), Խորհրդային Միության մարշալ (1976)։ ԽՄԿԿ անդամ 1927 թվականից։
Ծնվել է բանվորի ընտանիքում։ 1934 թվականին ավարտել է Լենինգրադի ռազմամեխանիկական ինստիտուտը։ 1927-1929 թվականներին որպես փականագործ աշխատել է Բալախնայի թղթի կոմբինատում, Իվանովո–Վոգնեսենսկի «Զարյադյե» ֆաբրիկայում։ 1934-1941 թվականներին՝ ինժեներ հրետանային գիտահետազոտական ծովային ինստիտուտում, գործարանի շահագործման և փորձարարական աշխատանքների բյուրոյի պետական գլխավոր կոնստրուկտորի տեղակալ, գործարանի տնօրեն։ 1941-1946 թվականներին՝ ԽՍՀՄ սպառազինության ժողկոմ, 1946-1953 թվականներին՝ մինիստր, 1953-1957 թվականներին՝ ԽՍՀՄ պաշտպանության արդյունաբերության մինիստր։ 1957-1963 թվականներին եղել է ԽՍՀՄ Մինիստրների խորհրդի նախագահի տեղակալ, 1963-1965 թվականներին՝ առաջին տեղակալ, ԽՍՀՄ ԺՏԲԽ նախագահ։ 1965-1976 թվականներին՝ ՍՄԿԿ ԿԿ քարտուղար։ 1976 թվականի ապրիլից Դմիտրի Ուստինով ԽՍՀՄ պաշտպանության մինիստրն էր։ ՍՄԿԿ ԿԿ անդամ 1952 թվականից, ՍՄԿԿ ԿԿ նախագահության անդամության թեկնածու 1965-1966 թվականներին, 1966 թվականի ապրիլից՝ ՍՄԿԿ ԿԿ քաղբյուրոյի անդամության թեկնածու, 1976 թվականի մարտից՝ անդամ։ ԽՍՀՄ II, IV-XI գումարումների Գերագույն սովետի դեպուտատ։ Արժանացել է ԽՍՀՄ պետական մրցանակի (1953)։ Պարգևատրվել է Լենինի 10, Սուվորովի 1-ին, Կուտուզովի 1-ին աստիճանի շքանշաններով։ Թաղված է Կարմիր հրապարակում՝ Կրեմլի պատի մոտ։
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 Большая российская энциклопедия (ռուս.) — М.: Большая российская энциклопедия, 2004.
- ↑ 2,0 2,1 2,2 Բրոքհաուզի հանրագիտարան (գերմ.)
- ↑ 3,0 3,1 3,2 Munzinger Personen (գերմ.)
| |
---|
| Բառարաններ և հանրագիտարաններ | |
---|
| |
|
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։
|