Զենոբիան Արաքսի ափին
տեսակ | գեղանկար |
---|---|
նկարիչ | Ուիլյամ Բուգրո |
տարի | 1850 |
բարձրություն | 147 սանտիմետր |
լայնություն | 113 սանտիմետր |
ստեղծման երկիր | |
ուղղություն | ակադեմիզմ |
ժանր | պատմական գեղանկարչություն |
նյութ | յուղաներկ և կտավ |
գտնվում է | Փարիզի Գեղեցիկ արվեստների ազգային բարձրագույն դպրոց |
հավաքածու | Փարիզի Գեղեցիկ արվեստների ազգային բարձրագույն դպրոց |
պատվիրատու | Փարիզի Գեղեցիկ արվեստների ազգային բարձրագույն դպրոց |
պատկերված են
| |
կայք | |
Ծանոթագրություններ | |
«Զենոբիան Արաքսի ափին» (ֆր.՝ Zénobie retrouvée par les bergers sur les bords de l'Araxe), ֆրանսիացի նկարիչ, ակադեմիզմի[1] և սալոնային կերպարվեստի կարկառուն ներկայացուցիչ Ուիլյամ Բուգրոյի վրձնին պատկանող նկար։ Այս ստեղծագործությունը նկարիչի կողմից ստեղծվել է 1850 թվականին։ Ներկա դրությամբ նկարը պահպանվում և ցուցադրվում է Ֆրանսիայի արվեստի ակադեմիայում։
Պատմական ակնարկ
[խմբագրել | խմբագրել կոդը]Նկարում պատկերված է Մեծ Հայքի թագուհի Զենոբիա Իբերիացին։ Վերջինս պատմության մեջ հայտնի է Կոռնելիոս Տակիտոսի «Աննալներ» գրքի։
Զենոբիա Իբերիացին Հայաստանի թագուհին էր մեր թվարկության 51-53 թվականներին և մեր թվարկության 54-55 թվականներին։ Ամուսինը Հայաստանում դրածո թագավոր Հռադամիզդն էր։ Զենոբիան Իբերիայի թագավորության Փարնավազների դինաստիայի արքայադուստրն էր։
Հռադամիզդ (ծնված և մահացած թվականներն անհայտ), դրածո թագավոր Մեծ Հայքում 51-53 թվականներին։ Վիրքի Փարսման թագավորի որդին։ Գահակալել է Հռոմեական և իբերական ուժերի օգնությամբ։ 52 թվականին, անկարող դիմադրել Հայոց թագավոր Տրդատ Ա-ին, փախել է Վիրք։
Նկարագիր
[խմբագրել | խմբագրել կոդը]Այսպիսի սյուժեով նկար ստեղծել Ուիլյամ Բուգրոյին պատվիրել է Փարիզի Գեղեցիկ արվեստների ազգային բարձրագույն դպրոցը։ Պատվերն ընդունելուց հետո Բուգրոն սկսում է կտավի ստեղծումը 1850 թվականին։
«Զենոբիան Արաքսի ափին» նկարում քսանվեցամյա Ուիլյամ Բուգրոն անմահացրել է այն ողբերգական պատումը, որը պատահել է Զենոբիայի հետ[2]։
53 թվականի ձմռանը, երբ Տրդատ Ա առժամանակ գտնվում էր Պարթևաստանում, Հրադամիզդը ներխուժել է Մեծ Հայք, սակայն, պարտություն կրելով հայերից, դարձյալ ճողոպրել է Վիրք։
Փախուստի ճանապարհին, հղի Զենոբիան խնդրեց Հռադամիզդին սպանել իրեն՝ ամոթալի գերությունից խուսափելու համար։ Ամուսինը սրով հարվածել է նրան ու նետել Արաքսի ջրերը, սակայն Զենոբիան փրկվել է։ Զենոբիայի կիսամեռ մարմինը գտել են տեղի հովիվներն ու նրան տարել են Տրդատ Ա-ի մոտ։ Այս իրադարձությունը գրի է առել Տակիտոսը։
Գրականություն
[խմբագրել | խմբագրել կոդը]- Crespelle Jean-Paul, Les Maîtres de la belle époque, Paris, 1966
- Adhémar Hélène [sous la direction de], Chronologie Impressionniste: 1803—1905, Paris, 1981
- Gaudieri Alexander V. J. — Burollet Thérèse — Atkinson Tracy, William Bouguereau 1825—1905 [cat. exp.], Paris, 1984
- Lobstein, Dominique, Les Salons au XIXe siècle. Paris, capitale des arts, Paris, 2006
- Бугро. Альбом. Издательство «Белый город», Москва. Автор текста А.Шестимиров
Ծանոթագրություններ
[խմբագրել | խմբագրել կոդը]- ↑ «Ակադեմիական ավանդույթներն՝ անհատականացված»
- ↑ Wissman 1996, p. 12.
Արտաքին հղումներ
[խմբագրել | խմբագրել կոդը]Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Զենոբիան Արաքսի ափին կատեգորիայում։ |