Ալան Լեդ
անգլ.՝ Alan Ladd | |
---|---|
Ծնվել է | սեպտեմբերի 3, 1913[1][2][3][…] |
Ծննդավայր | Hot Springs, Արկանզաս, ԱՄՆ[4] |
Մահացել է | հունվարի 29, 1964[2][3][5] (50 տարեկան) |
Մահվան վայր | Փալմ Սպրինգս, Ռիվերսայդ շրջան, Կալիֆոռնիա, ԱՄՆ |
Գերեզման | Ֆորեսթ Լոուն հուշայգի |
Կրթություն | North Hollywood High School? և Հոլիվուդի ավագ դպրոց |
Քաղաքացիություն | |
Մասնագիտություն | կինոդերասան, կինոպրոդյուսեր, հեռուստատեսային դերասան, հնչյունավորող և հեռուստատեսային պրոդյուսեր |
Ժանրեր | վեսթեռն |
Ծնողներ | հայր՝ Alan Ladd?[2], մայր՝ Ina Raleigh?[2] |
Ամուսին(ներ) | Sue Carol? և Midge Harrold? |
Երեխա(ներ) | Ալան Լեդ կրտսեր, David Ladd? և Alana Ladd?[2] |
Պարգևներ և մրցանակներ | |
cmgww.com/stars/ladd/ | |
Ալան Ուոլբրիջ Լեդ (անգլ.՝ Alan Walbridge Ladd, սեպտեմբերի 3, 1913[1][2][3][…], Hot Springs, Արկանզաս, ԱՄՆ[4] - հունվարի 29, 1964[2][3][5], Փալմ Սպրինգս, Ռիվերսայդ շրջան, Կալիֆոռնիա, ԱՄՆ), ամերիկացի դերասան։
Կենսագրություն
[խմբագրել | խմբագրել կոդը]Ալան Լեդը ծնվել է Արկանզաս նահանգի Հոթ Սփրինգս քաղաքում՝ Ալան Լեդ ավագի և Ինի Ռեյլի Լեդի ընտանիքում։ Հայրը մահացել է, երբ տղան չորս տարեկան էր, և մայրը տեղափոխվել է Օկլահոմա Սիթի քաղաք, որտեղ ամուսնացել է Ջիմ Բիվերսի հետ։ Այնուհետև ընտանիքը կրկին տեղափոխվել է Կալիֆոռնիա։ 162 սմ հասակի համար դպրոցում ստացել է Թինի (այսինքն՝ «փոքրիկ») մականունը։ Դպրոցն ավարտելուց հետո բացել է խորտկարան։ Warner Bros. ստուդիայում աշխատել է որպես ատաղձագործ։ Կարճ ժամանակ սովորել է «Universal Pictures» ստուդիայում։ Հեռանալով ստուդիայից՝ աշխատանք է գտել ռադիոյում։ 1936 թվականին ամուսնացել է Մարջորի Ջեյն Հարոլդի հետ, որի հետ ծանոթացել էր դեռևս դպրոցում։
Լեդը կինոկարիերան սկսել է էպիզոդիկ դերերով, այդ թվում հայտնվել է նաև «Քաղաքացի Քեյնը» ֆիլմում։ Այդ ժամանակ հանկարծակի մահացել է նրա խորթ հայրը, այնուհետև մայրը ինքնասպանություն է գործել։
1942 թվականին ամուսնացել է Սյու Քերոլի հետ, որը նրա գործակալն էր։ Հենց Քերոլն էր «Զենք վարձույթի համար» նուար ֆիլմում նրա համար դեր գտել, որից հետո Լեդը ճանաչում է ստացել։
Այն յոթ ֆիլմերից առաջինն էր, որտեղ Լեդը խաղացել էր Վերոնիկա Լեյկի հետ միասին։ Զինված ուժերում կարճ ծառայությունը չի նվազեցրել նրա հանրաճանաչությունը, չնայած նրան, որ 1940-ական թվականներին նրա մասնակցությամբ ոչ մի ֆիլմ այնքան հաջող չէր, որքան «Զենք վարձույթի համար» ֆիլմը։ 1948 թվականին Լեդը կազմակերպել է սեփական պրոդյուսերական «Տուփ 13» ընկերությունը։ Նրա դերերից առավել հայտնի է 1953 թվականի «Շեյն» արևմտյան ֆիլմում խաղացած հրաձիգի դերը։
Հարբեցողությունը և դեպրեսիան, որից տառապել է նրա մայրը, ազդել են դերասանի կարիերայի և անձնական կյանքի վատթարանալու վրա։ 1964 թվականին նա մահացած է հայտնաբերվել Փալմ Սփրինգս քաղաքում։ Մահվան պատճառը ալկոհոլի և ցավազրկող դեղերի գերբարձր դոզան է եղել։ Նա թաղվել է Կալիֆոռնիա նահանգի Գլենդել քաղաքի Ֆորեստ Լաուն գերեզմանատանը։
Առաջին ամուսնությունից Լեդի որդին՝ Ալան Լեդ կրտսերը, դարձել է կինոպրոդյուսեր։ Երկրորդ ամուսնությունից նա ունեցել է երկու երեխա՝ դուստրը՝ Ալանին և որդին՝ Դեյվիդը։
Լեդի պատվին Հոլիվուդյան փառքի ծառուղում աստղ է տեղադրվել։ 1995 թվականին Փալմ Սփրինգսի աստղերի ծառուղում նրան նվիրել են Ոսկե արմավենու աստղ[6]։
Ընտրված ֆիլմագրություն
[խմբագրել | խմբագրել կոդը]Դերասան
[խմբագրել | խմբագրել կոդը]- 1937՝ Ծովում խորտակվածները/ Souls at Sea՝ նավաստի (տիտրերում չկա)
- 1941՝ Քաղաքացի Քեյնը / Citizen Kane՝ լրագրող, ծխող խողովակ
- 1941՝ Նրանք հանդիպել են Բոմբեյում / They Met in Bombay՝ բրիտանացի զինվոր
- 1942՝ Ժաննա Փարիզեցի / Joan of Paris՝ Երեխա
- 1942՝ Զենք վարձույթի համար / This Gun for Hire՝ Ֆիլիպ Ռեյվեն
- 1942՝ Ապակե բանալի / The Glass Key՝ Էդ Բոմոն
- 1946]]՝ Սպիտակ գեորգենի / The Blue Dahlia՝ Ջոնի Մորիսոն / «Ջիմի Մուր»
- 1947՝ Կալկուտա / Calcutta՝ Նիլ Գորդոն
- 1947՝ Իմ սիրած թխահեր կինը / My Favorite Brunette՝ Սեմ Մաքլաուդ
- 1949՝ Մեծն Գեթսբի / The Great Gatsby՝ Ջեյ Գեթսբի
- 1949՝ Չիկագոյի սահմանը / Chicago Deadline՝ Էդ Ադամս
- 1951՝ Վտանգավոր ժամադրություն / Appointment with Danger՝ Էլ Գոդարդ
- 1953՝ Շեյն / Shane՝ Շեյն
- 1959՝ Մարդը ցանցում / The Man in the Net՝ Ջոն Հեմիլթոն
- 1982՝ Մահացածները վերմակ չեն կրում / Dead Men Don’t Wear Plaid[7]
Պրոդյուսեր
[խմբագրել | խմբագրել կոդը]- 1954՝ Թմբուկի կռիվը / Drum Beat
- 1955՝ Դժոխքը Ֆրիսկո ծոցում / Hell on Frisco Bay
- 1956՝ Սանտյագո / Santiago
- 1956՝ Գիշերվա ճիչը / A Cry in the Night
- 1957՝ Մեծ երկիր / The Big Land
- 1959՝ Մարդը ցանցում / The Man in the Net
- 1959՝ Կորած կանանց կղզին / Island of Lost Women
- 1960` Անտառային երկրի թնդանոթները / Guns of the Timberland
- 1960` Բոլոր երիտասարդները / All the Young Men
- 1962` 13 Արևմտյան փողոց / 13 West Street
Ծանոթագրություններ
[խմբագրել | խմբագրել կոդը]- ↑ 1,0 1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 Lundy D. R. The Peerage
- ↑ 3,0 3,1 3,2 3,3 3,4 GeneaStar
- ↑ 4,0 4,1 4,2 4,3 4,4 Encyclopedia of Arkansas — 2006.
- ↑ 5,0 5,1 5,2 Roglo — 1997. — ed. size: 10000000
- ↑ «Wayback Machine» (PDF). web.archive.org. 2012 թ․ հոկտեմբերի 13. Արխիվացված է օրիգինալից (PDF) 2019 թ․ ապրիլի 18-ին. Վերցված է 2020 թ․ մարտի 20-ին.
- ↑ Вмонтирована сцена из фильма «Оружие для найма»
Վիքիպահեստն ունի նյութեր, որոնք վերաբերում են «Ալան Լեդ» հոդվածին։ |
|
- Սեպտեմբերի 3 ծնունդներ
- 1913 ծնունդներ
- ԱՄՆ-ում ծնվածներ
- Հունվարի 29 մահեր
- 1964 մահեր
- Կալիֆոռնիայում մահացածներ
- ԱՄՆ-ում թաղվածներ
- Անձինք այբբենական կարգով
- Դերասաններ այբբենական կարգով
- 20-րդ դարի ամերիկացի գործարարներ
- 20-րդ դարի ամերիկացի տղամարդ դերասաններ
- 20-րդ դարի դերասաններ
- Ամերիկացի կինոպրոդյուսերներ
- Ամերիկացի հեռուստապրոդյուսերներ
- Ամերիկացի հնչյունավորողներ
- Ամերիկացի տղամարդ կինոդերասաններ
- Ամերիկացի տղամարդ հեռուստատեսային դերասաններ
- Ինքնասպաններ
- Հնչյունավորողներ