Ասորական կաթոլիկ եկեղեցի
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Ասորական կաթոլիկ եկեղեցի ܥܕܬܐ ܣܘܪܝܝܬܐ ܩܬܘܠܝܩܝܬܐ | |
---|---|
Տեսակ | ինքնավար եկեղեցի և արևելյան կաթոլիկ եկեղեցի |
Հիմնադրված | 1662 թ. |
Այժմյան առաջնորդ | Իգնատիոս Հովսեփ Գ Հովնան |
Կենտրոն | Բեյրութ |
Առաջնորդի նստավայր | Տիրամոր Ավետման Մայր Տաճար |
Մայր եկեղեցի | Հռոմի Կաթոլիկ եկեղեցի և Արևելյան քրիստոնեություն |
Ժամերգության լեզու | Արամեերենի Ասորական բարբառ |
Տոմար | Գրիգորյան օրացույց |
Թեմերի թիվ | 15 |
Կայք | Պաշտոնական կայքէջը |
Ասորական կաթոլիկ եկեղեցի (դասական ասորերեն՝ ܥܕܬܐ ܣܘܪܝܝܬܐ ܩܬܘܠܝܩܝܬܐ, իթո սուրյաիթո կաթոլիկաիթո), արևելյան Անտիոքյան կաթոլիկ եկեղեցի Լևանտում և Միջագետքում։ Պաշտոնապես ներկայացնում է արամեացիների (արևմտյան ասորի ժողովրդի) կաթոլիկությունն ընդունած հատվածին։ Այն արևելքի 22 կաթոլիկ եկեղեցիներից մեկն է։
Եկեղեցու առաջին հետևորդները՝ ազդվելով Հալեպում կաթոլիկ Հիսուսյան միաբանության վարդապետների ուսուցումներից, 1626 թվականին հեռացել են ուղղափառությունից ընդունելով կաթոլիկությունը։ Եկեղեցու հիմքը պաշտոնապես դրվել է 1662 թվականին՝ Ասորական ոււղղափառ եկեղեցուց անջատումով։ Նույն տարում, Ասորական կաթոլիկ եկեղեցին պաշտոնապես միացվեց Հռոմի կաթոլիկ եկեղեցուն։ Եկեղեցու հիմնադիրն է համարվում առաջին պատրիարք Իգնատիոս Անդրեաս Ախիջանը։
Այժմ եկեղեցու կենտրոնը գտնվում էր Բեյրութ քաղաքի՝ Տիրամոր Ավետման մայր տաճարում։ Եկեղեցու ղեկավարը կրում է Անտիոքի և Համայն Արևելքի Ասորիների Պատրիարքի տիտղոսը ու ենթարկվում է Հռոմի Պապին։ Ներկայիս ղեկավարը Իգնատիոս Հովսեփ Գ Հովնան Պատրիարքն է։ Այժմ, եկեղեցու հավտացյալների թիվը հասնում է 158,000-ի որոնք հիմնականում բնակվում են Սիրիայի հյուսիսում և արևելքում, Իրաքում և Լիբանանում։ Ասորական կաթոլիկ եկեղեցու սփյուռքի հետևորդները տարածվում են նաև Ամերիկայի Միացյալ Նահանգներում, Շվեդիայում, Բրազիլիայում, Վենեսուելայում, Կանադայում, Ֆրանսիայում և Ավստրալիայում։
Պատարագները մատուցվում են արևմտյան ասորական ծիսակարգով, արամեերեն լեզվի ասորական բարբառով։
Եկեղեցական թեմեր
[խմբագրել | խմբագրել կոդը]Ասորական կաթոլիկ եկեղեցին այժմ ունի հետևյալ 15 թեմերը.
- Լիբանանի ասորական պատրիարքական թեմ (Բեյրութ)
- Դամասկոսի ասորական մետրոպոլիտանություն
- Հոմսի ասորական մետրոպոլիտանություն
- Հալեպի ասորական արհիական թեմ
- Հասաքա-Մծբինի ասորական արհիական թեմ
- Բաղդադի ասորական արհիական թեմ
- Մոսուլի ասորական արհիական թեմ
- Բեյրութի ասորական թեմ
- Կահիրեի ասորական թեմ
- Նյուարքի Մայր Փրկությանց ասորական թեմ
- Վենեսուելայի ասորական առաքելական եքսարկություն
- Բասրայի և Քուվեյթի ասորական պատրիարքական եքսարկություն
- Երուսաղեմի ասորական պատրիարքական եքսարկություն
- Թուրքիայի ասորական պատրիարքական եքսարկություն
- Սուդանի ասորական պատրիարքական փոխանորդություն