Արամո
Անվան այլ կիրառումների համար տե՛ս՝ Արամո (այլ կիրառումներ)
Արամո | |
---|---|
Ի ծնե անուն | Արամ Ավրորայի Գևորգյան |
Ծնվել է | հունվարի 24, 1968 (56 տարեկան) Երևան, Հայկական ԽՍՀ, ԽՍՀՄ |
Երկիր | |
Մասնագիտություն | դերասան, երգիչ և թմբկահար |
Աշխատավայր | Հայաստանի էստրադային նվագախումբ և Հայաստանի Երգի պետական թատրոն |
Կրթություն | Նիկոլ Աղբալյանի անվան թիվ 19 հիմնական դպրոց (1985) և Երևանի պետական գեղարվեստա-թատերական ինստիտուտ (1989) |
Ամուսին | Էմմա Պետրոսյան |
Պարգևներ |
Արամո (լրիվ անունը Արամ Ավրորայի Գևորգյան[1]) (հունվարի 24, 1968, Երևան, Հայկական ԽՍՀ, ԽՍՀՄ), հայ երգիչ, դերասան, թմբկահար։ Հայաստանի Հանրապետության վաստակավոր արտիստ (2011)։
Դերասան Ավրորա (Ավետիք) Գևորգյանի որդին է, երգչուհի Էմմա Պետրոսյանի ամուսինը։
Կրթություն
[խմբագրել | խմբագրել կոդը]1985 թ. ավարտել է Երևանի Կրուպսկայայի անվան թիվ 19 միջնակարգ դպրոցը։ Հաճախել է երաժշտական դպրոց, սովորել հարվածային գործիքների բաժնում։ 1985-1989 թթ. սովորել է Երևանի գեղարվեստա-թատերական ինստիտուտի դերասանական բաժնում։
Ստեղծագործական գործունեությունը
[խմբագրել | խմբագրել կոդը]Նվագել է «Արևիկ» մանկական համույթում։ 1986-1992 թթ. եղել է Հայաստանի պետական էստրադային նվագախմբի մեներգիչ և թմբկահար, 1993-1997 թթ.՝ Հայաստանի Երգի պետական թատրոնի մենակատար։ 1998 թվականից ծավալում է համերգային գործունեություն հայրենիքում և արտասահմանում։
Խաղացել է թատերական ներկայացումներում և Էդմոնդ Քեոսայանի «Մխիթար սպարապետ», «Ծաղրածուի ժպիտը», Դովլաթյանի «Սողանք», «Մեր բակը», Սալեմի «Վոդկա լիմոն», Ռուդակովի «Գնչուհին» և այլ ֆիլմերում։
2012 թ. նկարահանվել է «Հովիվը», 2013 թ.` «Սպիտակ գառան երազը» և «Стрелок» ֆիլմերում։ Նկարահանվել է նաև «Որոգայթ»,«Սարոյանները» և «Աբելի քույրը» սերիալներում։
Սկավառակագրություն
[խմբագրել | խմբագրել կոդը]Թողարկել է 4 ձայնասկավառակ, որից 3-ը կնոջ՝ Էմմա Պետրոսյանի հետ համատեղ։
Պարգևներ և կոչումներ
[խմբագրել | խմբագրել կոդը]- Հայաստանի Հանրապետության վաստակավոր արտիստ (2009)[2]
- 1989 թ. Յուրմալայի երաժշտական մրցույթում զբաղեցրել է 3-րդ տեղը[3], արժանացել «Հանդիսատեսի համակրանք» մրցանակին
Ծանոթագրություններ
[խմբագրել | խմբագրել կոդը]- ↑ Ըստ ԿԸՀ կայքի ընտրողների ռեգիստրի. http://www.elections.am/votersreg/ Արխիվացված 2016-11-25 Wayback Machine
- ↑ Հայաստանի Հանրապետության պատվավոր կոչումներ շնորհելու մասին
- ↑ Юрмала - 89. Церемония награждения и гала-концерт лауреатов (1989)
|