Լետիցիա Մորատտի
Լետիցիա Մորատտի իտալ.՝ Letizia Moratti | |||
| |||
---|---|---|---|
մայիսի 30, 2006 - մայիսի 31, 2011 | |||
Նախորդող | Գաբրիելե Ալբերտինի | ||
Հաջորդող | Ջուլիանո Պիզապիա | ||
| |||
ապրիլի 23, 2005 - մայիսի 17, 2006 | |||
Վարչապետ | Սիլվիո Բերլուսկոնի | ||
Նախորդող | Կառլո Չամպի (մինչև 2006 թվականի մայիսի 15-ը), Ջորջո Նապոլիտանո | ||
Հաջորդող | Ջուզեպպե Ֆիորոնի (կրթության նախարար), Ֆաբիո Մուսսի (համալսարանների և գիտական հետազոտությունների նախարար) | ||
հունիսի 11, 2001 - ապրիլի 23, 2005 | |||
Վարչապետ | Սիլվիո Բերլուսկոնի | ||
Նախորդող | Կառլո Աձելո Չամպի (մինչև 2006 թվականի մայիսի 15-ը), Ջորջո Նապոլիտանո | ||
Հաջորդող | Տուլլիո դե Մաուրո (կրթության նախարար), Ջուլիանո Ամատո (համալսարանների և գիտական հետազոտությունների նախարար) | ||
Կուսակցություն՝ | Ազատության ժողովուրդ և Առաջ, Իտալիա | ||
Կրթություն՝ | Միլանի համալսարան | ||
Մասնագիտություն՝ | քաղաքական գործիչ և գործարար | ||
Ծննդյան օր | նոյեմբերի 26, 1949 (74 տարեկան) | ||
Ծննդավայր | Միլան, Իտալիա | ||
Քաղաքացիություն | |||
Ի ծնե անուն | իտալ.՝ Letizia Brichetto Arnaboldi | ||
Ամուսին | Gian Marco Moratti? | ||
Կայք՝ | letiziamoratti.it | ||
Պարգևներ | |||
Լետիցիա Բրիկետտո Արնաբոլդի (իտալ.՝ Letizia Brichetto Arnaboldi, ամուսնական ազգանունը՝ Մորատտի (իտալ.՝ Letizia Moratti), նոյեմբերի 26, 1949, Միլան, Իտալիա), իտալացի կին քաղաքական գործիչ, կրթության, համալսարանների և գիտական հետազոտությունների նախարար Սիլվիո Բերլուսկոնիի կառավարության երկրորդ և երրորդ շրջաններում (2001-2006)։
Կենսագրություն
[խմբագրել | խմբագրել կոդը]Լետիցիա Մորատտին ծնվել է 1949 թվականի նոյեմբերի 26-ին Միլանում։ Ապահովագրական բիզնեսի խոշոր գործարար Պաոլո Բրիկետտո Արնաբոլդի (Paolo Brichetto Arnaboldi) և Պաոլա Գվիդայի (Paola Guida) դուստրն է։ Քաղաքագիտություն սովորել է Միլանի համալսարանում, այն ավարտելիս որոշ ժամանակ այնտեղ աշխատել է որպես պրոֆեսոր Ֆաուստո Պոկարի ասիստենտ։ 1992 թվականին դարձել է առաջին կինը Banca Commerciale Italiana տնօրենների խորհրդում, 1994-1996 թվականներին եղել է RAI ռադիոհեռուստատեսային կորպորացիայի նախագահ։ 1996 թվականին գնել է Nicols խումբը, 1998 թվականին դարձել News Corp Europe ընկերության նախագահ, որը վերահսկում էր ավստրալիացի գործարար Ռուպերտ Մերդոքը[1]։
2001 թվականի հունիսի 10-ից մինչև 2005 թվականի ապրիլի 23-ը՝ Բերլուսկոնիի կառավարության առաջին շրջանում, Լետիցիա Մորատտին եղել է կրթության, համալսարանների ու գիտական հետազոտությունների նախարար[2], 2005 թվականի ապրիլի 23-ից մինչև 2006 թվականի մայիսի 17-ը՝ Բերլուսկոնիի կառավարության երրորդ շրջանում, նորից մնացել է նույն պաշտոնին[3]։ Կրթության բնագավառում Մորատտիի առավել հայտնի միջոցառումը, այսպես կոչված, Մորատտիի դպրոցական բարեփոխումն է, որ ձևակերպված է 2003 թվականի մարտի 28-ի № 53 օրենքով[4][5]։
Միալանի քաղաքապետի՝ 2006 թվականի մայիսի 28-ի ընտրություններում Լետիցիա Մորատտին առաջին փուլում հաղթել է ձայների 52 %-ով։ Միլանի քաղաքապետի՝ 2011 թվականի մայիսի 15-16-ի քվեարկության առաջին փուլում Մորատտին ստացել է ձայների 41,58 %-ը՝ զիջելով ձախակենտրոն կոալիցիայի առաջնորդ Ջուլիանո Պիզապիային (48,04 %): Քվեարկության երկրորդ փուլում Պիզապիան հաղթել է ձայների 55,10 %-ով (Մորատտին ստացել է քվեարկողների 44,89 %-ի աջակցությունը)[6]:Քաղաքապետի պաշտոնում Մորատտին որոշում է ընդունել 2015 թվականին Միլանում Համաշխարհային ցուցահանդես կազմակերպելու մասին և սկսել Ecopass ծրագիրը, որ նախատեսում էր հավելյալ հարկ սահմանել ոչ էկոլոգիական շարժիչով ավտոմեքենաների համար[7]։ Միլանի ցուցահանդեսին նախապատրաստվելիս մեծ աշխատանքներ են կատարվել։ Մասնավորապես, քաղաքային տոնավաճառն արդիականացվել է ճարտարապետ Մասիմիլիանո Ֆուկասի մասնակցությամբ (այդ աշխատանքների իրականացման անհրաժեշտությունը քննարկվել է 1980-ական թվականներին)։ Նաև նոր խթան է ստացել քաղաքային տրանսպորտի ենթակառուցվածքի զարգացումը[8]։
Անձնական կյանք
[խմբագրել | խմբագրել կոդը]1973 թվականին Լետիցիան ամուսնացել է ձեռնարկատեր Ջան Մարկո Մորատտիի հետ (ծնված 1939 թվականի նոյեմբերի 29-ին), որը Ինտեր ֆուտբոլայի ակումբի սեփականատեր, 60-ական թվականներին հիանալի ակումբ ստեղծած Անջելո Մորատտիի որդին է, «Ինտերի» նոր սեփականատեր Մասիմո Մորատտիի եղբայրը։ Ջան Մորատին մինչ այդ ամուսնացած է եղել լրագրող և գրող Լինա Սոտիսի հետ, վերջիններս ունեին 2 որդի՝ Անջելոն և Ֆրանչեսկոն։ Լետիցիան և Ջանն ունեն 2 երեխա՝ Գիլդան և Գաբրիելեն[9].
Ծանոթագրություններ
[խմբագրել | խմբագրել կոդը]- ↑ Giorgio Dell’Arti (2014 թ․ հունիսի 5). «Letizia Moratti». Cinquantamila giorni (իտալերեն). Corriere della Sera. Արխիվացված է օրիգինալից 2015 թ․ հուլիսի 12-ին. Վերցված է 2015 թ․ հուլիսի 11-ին.
- ↑ «II Governo Berlusconi». Portale storico (իտալերեն). Camera dei deputati. Վերցված է 2015 թ․ հուլիսի 11-ին.
- ↑ «III Governo Berlusconi». Portale storico (իտալերեն). Camera dei deputati. Վերցված է 2015 թ․ ապրիլի 26-ին.
- ↑ Ermenegildo Scipioni La scuola e le sue leggi. Compendio delle leggi di Riforma della scuola italiana dal 1924 ad oggi. — Armando Editore, 2010. — P. 720.
- ↑ «Delega al Governo per la definizione delle norme generali sull'istruzione e dei livelli essenziali delle prestazioni in materia di istruzione e formazione». LEGGE 28 marzo 2003, n. 53 (իտալերեն). normattiva.it. Վերցված է 2015 թ․ հուլիսի 11-ին.
- ↑ «Milano». Elezioni Comunali 2011 - Lombardia (իտալերեն). la Repubblica. Վերցված է 2015 թ․ հուլիսի 11-ին.
- ↑ «Letizia Moratti» (իտալերեն). il Sole 24 Ore. Վերցված է 2015 թ․ հուլիսի 11-ին.
- ↑ «Fiera + Expo, Milano punta a Nord Ovest» (իտալերեն). la Repubblica. Վերցված է 2015 թ․ հուլիսի 11-ին.
- ↑ Giorgio Dell’Arti (2014 թ․ հունիսի 5). «Gian Marco Moratti». Cinquantamila giorni (իտալերեն). Corriere della Sera. Արխիվացված է օրիգինալից 2016 թ․ մարտի 4-ին. Վերցված է 2014 թ․ մայիսի 29-ին.
Արտաքին հղումներ
[խմբագրել | խմբագրել կոդը]- «Letizia Moratti. Lady Milano» (իտալերեն). BiografieOnline.it. Վերցված է 2015 թ․ հուլիսի 11-ին.
Վիքիպահեստն ունի նյութեր, որոնք վերաբերում են «Լետիցիա Մորատտի» հոդվածին։ |
|