Մեդիսոն շրջանի կամուրջները
Մեդիսոն շրջանի կամուրջները անգլ.՝ The Bridges of Madison County | |
---|---|
Երկիր | |
Ժանր | ռոմանտիկ ֆիլմ[1][2][3][…], ֆլեշբեք ֆիլմ, դրամա և վեպի էկրանավորում |
Հիմք | Մեդիսոն շրջանի կամուրջները |
Թվական | 1995 և սեպտեմբերի 28, 1995[4] |
Լեզու | անգլերեն |
Ռեժիսոր | Քլինթ Իսթվուդ[2][3][5][…] |
Պրոդյուսեր | Քլինթ Իսթվուդ և Քեթլին Քենեդի |
Սցենարի հեղինակ | Ռիչարդ ԼաԳրավենեզե և Ռոբերտ Ջեյմս Ուոլլեր |
Դերակատարներ | Քլինթ Իսթվուդ[2][3][6][…], Մերիլ Սթրիփ[2][6][7][…], Դեբրա Մոնք[6][8], Ջիմ Հեյնի[2][6][8], Ֆիլիս Լայոնս[6][8], Էննի Քոռլի[9] և Քայլ Իսթվուդ[9] |
Օպերատոր | Ջեք Գրին |
Երաժշտություն | Լենի Նայհաուս |
Մոնտաժ | Ժոել Քոքս |
Պատմվածքի վայր | Այովա |
Կինոընկերություն | Warner Bros., Malpaso Productions, Amblin Entertainment և Warner Bros. Pictures |
Տևողություն | 134 րոպե |
«Մեդիսոն շրջանի կամուրջները» (անգլ.՝ The Bridges of Madison County, 1995), Քլինթ Իսթվուդի կինոնկարը, որի հիմքում Ռոբերտ Ջեյմս Ուոլերի համանուն վեպն է[10]։ Ֆիլմն առաջադրվել է «Օսկարի» կնոջ լավագույն դերակատարման համար անվանակարգում (Մերիլ Սթրիփ), երկու «Ոսկե գլոբուսի»՝ լավագույն ֆիլմ և կնոջ լավագույն դերակատարում անվանակարգերում։ Կինոֆիլմը AFI-ի վարկածով հարյուրամյակի ամերիկյան ամենակրքոտ ֆիլմերի հարյուրակի 90-րդ տեղում է։
ԱՄՆ-ում առաջին անգամ ցուցադրվել է 1995 թվականի հունիսի 2-ին՝ մեկ շաբաթում հավաքելով $10,519,257 գումար[11]։ Ֆիլմի համաշխարհային շահույթը կազմել է $182 դոլար[12]։
Դիպաշար
[խմբագրել | խմբագրել կոդը]1987 թվականին քույր ու եղբայր Քերոլայնը և Մայքլը (Էննի Քորլի, Վիկտոր Սլիզակ) հավաքում են նոր մահացած մոր՝ Ֆրանչեսկա Ջոնսոնի (Մերիլ Սթրիփ) թղթերը, Մեդիսոն շրջան, Այովա նահանգ։ Թղթերի մեջ նրանք գտնում են օրագիր, որում պատմվում է դեպքերի մասին, որոնք տեղի էին ունեցել 1965 թվականին՝ 4 օրերի ընթացքում, և գործողությունները տեղափոխվում են այդ օրեր։
Ֆրանչեսկան իտալուհի է, պատերազմից անմիջապես հետո ամուսնացել է ամերիկյան բանակի զինվոր Ռիչարդ Ջոնսոնի (Ջիմ Հեյնի) հետ։ Նրանք երկու երեխա ունեն, և ընտանիքը բոլոր առումներով համարվում է բարեկեցիկ։ Ռիչարդը երեխաների հետ մեկնում է Չիկագո՝ գյուղատնտեսական ցուցադրություն, իսկ տանը միայնակ մնացած Ֆրանչեսկայի մոտ իր ավտոմեքենան կայանում է լուսանկարիչ Ռոբերտ Քինքեյդը (Քլինթ Իսթվուդ), որը «National Geographic»-ի պատվերով եկել էր Մեդիսոն շրջանի ծածկված փայտե կամուրջների լուսանկարչական շարք պատրաստելու։ Նա հարցնում է ճանապարհը, իսկ Ֆրանչեսկան, հասկանալով, որ չի կարող նրան բացատրել, նրան հասցնում է կամրջի մոտ։
Նրանց միջև բուռն սիրավեպ է սկսվում, և չորրորդ օրվա վերջում Ռոբերտն առաջարկում է Ֆրանչեսկային հեռանալ իր հետ։ Չնայած այն բանին, որ Ֆրանչեսկան տանել չէր կարողանում Ամերիկայի գավառական շրջապատը, նա հրաժարվում է, որ դժվարություններ չառաջացնի (չսիրած) ամուսնու և երեխաների համար։ Ֆիլմի վերջին տեսարաններից մեկում, արդեն երեխաների գալուց հետո, Ֆրանչեսկան ամուսնու հետ գնում է լցակայան և կարճ ժամանակով հայտնվում է Ռոբերտի մեքենայի հետևում։ Ֆրանչեսկան ի վիճակի չի լինում զսպել արցունքները, բայց ձևացնում է, թե ոչինչ չի կատարվել։ Չնայած Ֆրանչեսկան ստիպված է լինում թաքցնել կատարածը ընտանիքից և հարևաններից, բայց այդ չորս օրերը փոխում են նրա հայացքները կյանքի հանդեպ։
Զուգահեռ կատարվում է Մայքլի և Քերոլայնի հայացքների փոփոխություն։ Սկզբում նրանք չենք կարողանում հավատալ, որ օրագրում գրվածը ճշմարտություն է, բայց աստիճանաբար սկսում են հասկանալ իրենց մորը։ Նամակն ամբողջությամբ ընթերցելուց հետո Մայքլը զանգում է կնոջը և փորձում է վերականգնել ընտանեկան հանգստությունը հերթական ընտանեկան վեճից հետո։ Քերոլայնը ևս զանգում է իր ամուսնուն լուրջ զրույցի համար։ Ժապավենի վերջում Մայքլը և Քերոլայնը, մոր ցանկությամբ, շաղ են տալիս նրա աճյունափոշին Ռոուզմեն կամրջից, որտեղ Ֆրանչեսկան և Ռոբերտը անցկացրել էին իրենց կյանքի լավագույն օրերը։
Դերերում
[խմբագրել | խմբագրել կոդը]Դերակատար | Դեր |
---|---|
Քլինթ Իսթվուդ | Ռոբերտ Քինքեյդ |
Մերիլ Սթրիփ | Ֆրանչեսկա Ջոնսոն |
Վիկտոր Սլիզակ | Մայքլ Ջոնսոն |
Էննի Քորլի | Քերոլայն Ջոնսոն |
Ջիմ Հեյնի | Ռիչարդ Ջոնսոն |
Առաջադրումներ
[խմբագրել | խմբագրել կոդը]- 1996՝ «Օսկար» կնոջ լավագույն դերակատարման համար (Մերիլ Սթրիփ)
- 1996՝ «Ոսկե գլոբուս»՝ լավագույն դրամա ֆիլմ և կնոջ լավագույն դերակատարման համար դրամայում (Մերիլ Սթրիփ)
- 1996՝ ԱՄՆ կինոդերասանների գիլդիա կնոջ լավագույն դերակատարման համար (Մերիլ Սթրիփ)
Հետաքրքիր փաստեր
[խմբագրել | խմբագրել կոդը]Մեդիսոն շրջանում պահպանվել են վեց ծածկված փայտե կամուրջներ, դրանցից հինգը՝ Roseman Covered Bridge, Holliwell Covered Bridge, Cutler-Donahoe Bridge, Hogback Covered Bridge և Imes Covered Bridge, պահպանվել են 19-րդ դարից, վեցերորդը՝ Cedar Covered Bridge, 2004 թվականին այրվել է ու դրանից հետո փոխարինվել կրկնօրինակով։ Ֆիլմում առկա են երկու կամուրջ՝ Roseman, կամուրջ, որը փնտրում էր Ռոբերտը, երբ առաջին անգամ է կանգ է առնում Ֆրանչեսկայի տանը և ուր ուղեկցում է նա, ապա թողնում նամակը, և Holliwell՝ ուր նրանք միասին գնում են հաջորդող օրերից մեկի ընթացքում։ Երկու կամուրջներն էլ համեմատաբար հեռու են գտնվում Ուինթերսեթ քաղաքից, որը հնարավորություն է տալիս հերոսներին այնտեղ աննկատ մնալ։ Եթե Ռոբերտից պահանջվեր լուսանկարել utler-Donahoe Bridge կամ Cedar Covered Bridge, որոնք գտնվում էին հենց քաղաքում, նա այնտեղ չէր կարող տանել Ֆրանչեսկային։
Ծանոթագրություններ
[խմբագրել | խմբագրել կոդը]- ↑ http://www.adorocinema.com/filmes/filme-12994/
- ↑ 2,0 2,1 2,2 2,3 2,4 http://www.allocine.fr/film/fichefilm_gen_cfilm=12994.html
- ↑ 3,0 3,1 3,2 http://www.filmaffinity.com/es/film983192.html
- ↑ Internet Movie Database — 1990.
- ↑ http://www.imdb.com/title/tt0112579/
- ↑ 6,0 6,1 6,2 6,3 6,4 http://www.imdb.com/title/tt0112579/fullcredits
- ↑ http://www.metacritic.com/movie/the-bridges-of-madison-county
- ↑ 8,0 8,1 8,2 http://bbfc.co.uk/releases/bridges-madison-county
- ↑ 9,0 9,1 ČSFD (չեխերեն) — 2001.
- ↑ Variety film review; May 22, 1995.
- ↑ «Weekend Box Office Results for June 2-4, 1995». Box Office Mojo. Internet Movie Database. 1995 թ․ հունիսի 5. Վերցված է 2015 թ․ նոյեմբերի 9-ին.
- ↑ «The Bridges of Madison County (1995)». Box Office Mojo. Internet Movie Database. Վերցված է 2015 թ․ նոյեմբերի 9-ին.
Արտաքին հղումներ
[խմբագրել | խմբագրել կոդը]- The Bridges of Madison County(անգլ.) ֆիլմը Internet Movie Database կայքում
- The Bridges of Madison County(անգլ.) ֆիլմը Rotten Tomatoes կայքում
- «The Bridges of Madison County»(անգլ.) ֆիլմը Box Office Mojo կայքում
- «The Bridges of Madison County»(անգլ.) ֆիլմը Metacritic կայքում:
|
- Ֆիլմեր այբբենական կարգով
- 1990-ականների ամերիկյան ֆիլմեր
- 1990-ականների անգլերեն ֆիլմեր
- 1990-ականների դրամա ֆիլմեր
- 1995 ֆիլմեր
- Amblin Entertainment ֆիլմեր
- Warner Bros. ֆիլմեր
- Ամերիկյան դրամա ֆիլմեր
- Ամերիկյան մելոդրամա ֆիլմեր
- Ամերիկյան ռոմանտիկ ֆիլմեր
- Ամերիկյան վեպերի էկրանավորումներ
- Գրական ստեղծագործությունների էկրանավորումներ
- Կինոմրցանակի դափնեկիրներ
- Վեպերի էկրանավորումներ
- Քլինթ Իսթվուդի ֆիլմեր
- Ֆիլմեր ամուսնական դավաճանության մասին
- Ֆիլմեր, որոնց գործողությունները տեղի են ունենում Այովայում
- Փենսիլվանիայում նկարահանված ֆիլմեր
- Այովայում նկարահանված ֆիլմեր
- Ֆիլմեր, որոնց գործողությունները տեղի են ունենում 1965 թվականին