Մերի Սթինբյորգեն
Ծնվել է | փետրվարի 8, 1953[1][2][3][…] (71 տարեկան) |
---|---|
Ծննդավայր | Newport, Արկանզաս, ԱՄՆ[4] |
Կրթություն | Հենդրիքս քոլեջ (1972)[5], North Little Rock High School? (1971)[5] և Neighborhood Playhouse թատերական դպրոց |
Քաղաքացիություն | |
Մասնագիտություն | հեռուստատեսային պրոդյուսեր, հեռուստատեսային դերասանուհի, կինոդերասանուհի, կինոպրոդյուսեր և ձայնային դերասանուհի |
Ծնողներ | հայր՝ Maurice Steenburgen?[6], մայր՝ Nellie Mae Wall?[6] |
Ամուսին(ներ) | Մալքոլմ ՄակԴաուել և Թեդ Դենսոն |
Երեխա(ներ) | Չարլի ՄակԴաուել |
Պարգևներ և մրցանակներ | |
Մերի Նելլ Սթինբյորգեն (անգլ.՝ Mary Nell Steenburgen, փետրվարի 8, 1953[1][2][3][…], Newport, Արկանզաս, ԱՄՆ[4]), ամերիկացի դերասանուհի, «Օսկարի» և «Ոսկե գլոբուսի» մրցանակակիր «Մելվին և Հովարդ» (1980) ֆիլմում խաղացած դերի համար։
Գործունություն
[խմբագրել | խմբագրել կոդը]1972 թվականին Մերի Սթինբյորգենը տեղափոխվել է Նյու Յորք, այնուհետև սկսել է հանդես գալ թատերական բեմերում։ 1978 թվականին նա առաջին խաղացել է կինոյում, անմիջապես գլխավոր դերով՝ Ջեք Նիկոլսոնի հետ «Ուղևորվելով դեպի հարավ» ֆիլմում և առաջադրվել է «Ոսկե գլոբուս» մրցանակի՝ «Լավագույն դեբյուտի» համար։ Հաջորդ տարի նա նկարահանվել է գիտաֆանտաստիկ «Ճանապարհորդություն ժամանակի մեքենայով» ֆիլմում և իր դերի համար արժանացել է «Սատուրն» մրցանակի «Լավագույն դերասանուհի» անվանակարգում։
Սթինբյորգենը «Օսկար» է ստացել իր գործունեության երրորդ կինոնկարիէ 1980 թվականի «Մելվին և Հովարդ» կատակերգությունում «Երկրորդ պլանի լավագույն դերասանուհի» անվանակարգում[8]։ 1983 թվականին նա խաղացել է «Կրոսս Ճիչ» ֆիլմի գլխավոր դերը, իսկ հետո հանդես է եկել «Ռեգթայմ» և «Սեքսի կատակերգությունը ամառային գիշերը» ֆիլմերում։ Դրանից հետո նա հիմնականում հաջողություններ է ունեցել հեռուստատեսությունում՝ ութսունականների կեսերից սկսած նկարահանվելով տարբեր մինի սերիալներում[8]։
1990 թվականին նկարահանվել է «Հետ դեպի ապագա 3» ֆիլմում, որը եռերգության վերջին ֆիլմն էր։ Դրանից հետո նա խաղացել է 2-րդ պլանի դերեր «Ֆիլադելֆիա» և «Նիքսոն» ֆիլմերում, ինչպես նաև 1996-1997 թվականներին իր սեփական կատակերգական «Թանաք» սերիալի գլխավոր դերն է կատարել, որը փակվել է մեկ եթերաշրջան հետո։ 2003—2005 թվականներին նա հանդես է եկել «Նոր Ժաննա Դ’Արկ» սերիալում երկրորդական դերով[8]։ 2011 թվականին նա փոքրիկ դեր է խաղացել «Սպասուհի» ֆիլմում, իսկ 2012 թվականին նա հայտնվել է «Ստուդիա 30» սերիալի մի քանի էպիզոդներում։ 2014 թվականին հայտարարվել է, որ Սթինբյորգենը միացել է «Նարնջագույնը նոր սևն է» սերիալին և կհայտնվի 3-րդ սեզոնում, որը թողարկվելու էր 2015 թվականին[9]։ 2015 թվականին միացել է «Երկիր մոլորակի վերջին մարդը» սերիալի դերասանական կազմին։
2007 թվականին Սթինբյորգենին ձեռքի փոքրիկ վիրահատություն են արել, դրանից հետո նրա հավաստիացմամբ իր մոտ հայտնվել են երաժշտական ունակություններ։ Նա 12 երգ է գրել և ուղարկել երաժշտական իրավաբանին։ Նա կեղծանուն է օգտագործել, և ի վերջո երգերը նրան բերել են Universal Music-ի հետ պայմանագրի կնքման երգեր գրելու համար։ Հաջորդ տասնամյակում նա շարունակել է զարգացնել իր նոր տաղանդը, և գրել է «Glasgow (No Place Like Home)» երգը, որը հնչում է «Վայրի վարդ» ֆիլմի ավարտին[10]։
Անձնական կյանք
[խմբագրել | խմբագրել կոդը]1980 թվականին Սթինբյորգենը ամուսնացել է դերասան Մալքոլմ Մաքդաուելի հետ, և նրանք երկու երեխա են ունեցել։ 1990 թվականին նրանք բաժանվել են և հինգ տարի անց Սթինբյորգենն ամուսնացել է դերասան Թեդ Դենսոնի հետ։
Ֆիլմագրություն
[խմբագրել | խմբագրել կոդը]Տարի | Հայերեն անվանում | Բնօրինակ անվանում | Դեր | |
---|---|---|---|---|
1978 | ֆ | Ուղևորվելով դեպի հարավ | Goin' south | Ջուլիա Թեյթ/Մուն |
1979 | ֆ | Ճանապարհորդություն ժամանակի մեքենայով | Time After Time | Էմի Ռոբինս |
1980 | ֆ | Մելվին և Հովարդ | Melvin and Howard | |
1981 | ֆ | Ռեգթայմ | Ragtime | Մայր |
1982 | ֆ | Սեքսի կատակերգությունը ամառային գիշերը | A Midsummer Night's Sex Comedy | Էդրիան |
1983 | ֆ | Կրոսս Ճիչ | Cross Creek | Մարջորի Կինան Ռոուլինգս |
1985 | ֆ | Մի կախարդական Սուրբ Ծնունդ | One Magic Christmas | Ջինի Գրեյնջեր |
1987 | ֆ | Օգոստոսյան կետեր | The Whales of August | երիտասարդ Սառա |
1987 | ֆ | Ձմռան մահը | Dead Of Winter | |
1989 | ֆ | Ծնող | Parenthood | Կարեն Բակմեն |
1990 | ֆ | Հետ դեպի ապագա 3 | Back to the Future 3 | Կլարա Կլեյթոն |
1991-1992 | ս | Հետ դեպի ապագա | Back to the Future: The Animated Series | Կլարա Կլեյթոն |
1993 | ֆ | Ի՞նչն է տանջում Գիլբերտ Գրեյփին | What's Eating Gilbert Grape | Բեթթի Կարվեր |
1994 | ֆ | Կլիֆֆորդ | Clifford | Սառա Դևիս |
1994 | ֆ | Պոնտիակ լուսին | Pontiac Moon | |
1994 | ֆ | Ժառանգություն փոխանցել | It Runs In The Family | |
1995 | ֆ | Փոշի | Powder | Ջեսսիկ «Ջեյ Սի» Կոլդուել |
1995 | ֆ | Մարգագետնային բորբոս | The Grass Harp | Այդայի քույրը |
1996 | ֆ | Գուլիվերի ճանապարհորդությունը | Gulliver's Travels | Մերի Գուլիվեր |
2001 | ֆ | Կյանքը տան նման | Life as a House | Կոլլին Բեկ |
2002 | ֆ | Այնպես, որ դու մեռնես | Wish You We're Dead | Սալլի |
2003 | ֆ | Հույսի թերթեր | Hope Springs | Ջոան Ֆիշեր |
2003 | ֆ | Էլֆեր | Elf | Էմիլի |
2006 | ֆ | Ներքին կայսրություն | INLAND EMPIRE | Այցելու թիվ 2 |
2006 | ֆ | Մեռած աղջիկը | The Dead Girl | Բևերլի |
2007 | ֆ | Անօգնական | Numb | դոկտոր Բլեյն |
2008 | ֆ | Չորս Սուրբ Ծնունդ | Four Christmases | Մերլին, Քեյթի մայրը |
2008 | ֆ | Խորթ եղբայրներ | Step Brothers | Նենսի Հաֆ-Դոբակ |
2009 | ֆ | Էլեկտրական մշուշում | In the Electric Mist | Միսսիս Ռոբիշո |
2009 | ֆ | Առաջարկություն | The Proposal | Գրեյս Պակստոն |
2010 | ֆ | Մորգան ամուսինները փախուստի մեջ | Did You Hear About the Morgans? | Էմմա |
2010 | ֆ | Անպիտակ աղջիկը | Dirty Girl | Պեգգի |
2011 | ֆ | Սպասուհի | The Help | Էլեյն Սթայն |
2013 | ֆ | Starպղպեղներ | Last Vegas | Դիանա |
2015-2016 | ս | Երկիր մոլորակի վերջին մարդը | The last man on earth | Գեյլ Կլոսթերման |
2018 | ֆ | Գրքերի ակումբ | Book Club | Քերոլ Կոլբի |
Ծանոթագրություններ
[խմբագրել | խմբագրել կոդը]- ↑ 1,0 1,1 Internet Broadway Database — 2000.
- ↑ 2,0 2,1 Discogs — 2000.
- ↑ 3,0 3,1 GeneaStar
- ↑ 4,0 4,1 4,2 http://www.aveleyman.com/ActorCredit.aspx?ActorID=16446
- ↑ 5,0 5,1 http://www.encyclopediaofarkansas.net/encyclopedia/entry-detail.aspx?entryID=29
- ↑ 6,0 6,1 6,2 6,3 6,4 Pas L. v. Genealogics — 2003.
- ↑ Encyclopedia of Arkansas — 2006.
- ↑ 8,0 8,1 8,2 «Mary Steenburgen- Biography». Yahoo!. Արխիվացված օրիգինալից 2012 թ․ հոկտեմբերի 18-ին. Վերցված է 2012 թ․ սեպտեմբերի 10-ին.
- ↑ Samantha Highfill (13 июня 2014). «'Orange is the New Black': Mary Steenburgen joins season 3». Entertainment Weekly. Արխիվացված է օրիգինալից 2014 թ․ հունիսի 14-ին. Վերցված է 2014 թ․ հունիսի 14-ին.
- ↑ Mary Steenburgen’s Brain ‘Became Musical’ After a ‘Strange’ Complication from a Routine Surgery
Վիքիպահեստն ունի նյութեր, որոնք վերաբերում են «Մերի Սթինբյորգեն» հոդվածին։ |
|
- Փետրվարի 8 ծնունդներ
- 1953 ծնունդներ
- Ապրող անձինք
- ԱՄՆ-ում ծնվածներ
- Երկրորդ պլանի լավագույն դերասանուհի Օսկարի մրցանակակիրներ
- Անձինք այբբենական կարգով
- Դերասաններ այբբենական կարգով
- 20-րդ դարի ամերիկացի դերասանուհիներ
- 20-րդ դարի ամերիկացիներ
- 20-րդ դարի կանայք
- 21-րդ դարի ամերիկացի դերասանուհիներ
- 21-րդ դարի ամերիկացիներ
- 21-րդ դարի կանայք
- «Ոսկե գլոբուս» մրցանակի դափնեկիրներ
- Ամերիկացի կինոդերասանուհիներ
- Ամերիկացի կինոպրոդյուսերներ
- Ամերիկացի հեռուստատեսային դերասանուհիներ
- Հոլիվուդյան փառքի ծառուղի