[go: nahoru, domu]
Jump to content

Մասնակից:Նանե Մելիքսեթյան/Ավազարկղ12

Վիքիպեդիայից՝ ազատ հանրագիտարանից

Բլում (Bloom), Վինքս Քլաբ ֆանտաստիկ մուլտսերիալի գլխավոր կերպարներից մեկը, մուլտսերիալի առաջին երեք եթերաշրջանների[1], «Վինքս ակումբ։ Կորուսյալ թագավորության գաղտնիքը»[2] և «Վինքս Ակումբ։ Կախարդական արկածներ»[3] մուլտֆիլմերի պրոտագոնիստ, Վինքս Քլաբի հիմնադիր և առաջնորդ[4]։ Հերոսի ստեղծման պատմությունը սկիզբ է առնում գաղափարի հեղինակ և ռեժիսոր Իջինիո Ստրաֆֆիի անցյալից, որն ստեղծել է կերպարին իր դասընկերոջ պամությունից տպավորված։ Բլումի կերպարն ունի Բրիթնի Սփիրսի արտաքին հատկանիշները և Ստրաֆֆիի կնոջ բնույթը: Ռեժիսորի խոսքով, նա հիանում է իր ստեղծած հերոսով և նրա այն հատկանիշներով, որոնցով շնորհել է։ Սակայն մի շարք մեդիավարներ արտահայտել են բացասական կարծիք՝ անվանելով հերոսուհուն կարծրատիպային սպիտակամաշկ աղջիկ-առաջնորդ, որը պրոպագանդում է միջնադարյան իդեալներ, անհամբերություն, ագրեսիա և ծուլություն։

Ստեղծում և հնչյունավորում

[խմբագրել | խմբագրել կոդը]
Բրիթնի Սփիրսը

«Վինքս Քլաբի» հիմնադիր Իջինիո Ստրաֆֆիի խոսքերով, Բլումի արտաքին տեսքը մասամբ վերցված է Բրիթնի Սփիրսի կերպարից[5][6][7]։ Բլումի կերպարը նմանակում է իր համալսարանից մի աղջկա, որն ուներ խնամատար ծնողներ[6]։ Այդ աղջկա պատմությունը և նրա մեծ ցանկությունը տեսնել իր իրական ծնողներին, ռեժիսորի խոսքերով ոգեշնչել է իրեն Բլումի կերպարն ստեղծելիս։ Այս պատմությունը համարվում է առաջին երեք եթերաշրջանների և «Վինքս ակումբ։ Կորուսյալ թագավորության գաղտնիքը» մուլտֆիլմի հիմնական սցենարային գիծը[1]։ Այս ամենից զատ, Բլումը կրում է Ջոան Լիի՝ Իջինիոյի կնոջ բնավորության և անհատականության հատկանիշները։ Նա նարագրված է որպես առատաձեռն, դրական, էներգիայով լի և վճռական կնոջ, որի որակներն անցել են գլխավոր հերոսուհուն[5]։ Ինքը՝ Ստրաֆֆին, ասել է, որ չի կարող դիմակայել Բլումի հմայքին[8], ինչպես նաև հիանում է նրա ուժով, նպատակասլացությամբ և սուր մտքով[9]։

Բլումի իտալերեն բնօրինակ ձայնը հնչյունավորել է իտալացի դերասանուհի Լետիցիա Չամպարուիտը, որը կրկնօրինակել է նաև Հարի Փոթեր ֆիլմաշարի Հերմայոնիի և «Ալիսան հրաշքների աշխարհում» ֆիլմի Ալիսա Բերթոնի ձայները։ Իր խոսքով՝ Բլումի դերը դերասանուհին համարում է հեռուստատեսությամբ իր երկու կարևորագույն աշխատանքներից մեկը՝ Lizzie Maguaier սերիալի Միրանդայի կերպարի կրկնօրինակման հետ մեկտեղ[10]։ Միջազգային անգլերեն տարբերակում նրան կրկնօրինակել է Հելենա Էվանջելիուն և Անժելա Գալուպպոն, իսկ 4Kids TV-ի տարածաշրջանային տարբերակում՝ Լիզա Ժակլինը։ Առաջին երկու լիամետրաժ ֆիլմերի հիման վրա անիմացիոն շարքի համար[K 1] միջազգային անգլիախոս վարձույթի հերոսին հնչեցրել է Սինդի Ռոբինսոնը։ Ամերիկյան Nickelodeon-ի կրկնօրինակում Բլումը հնչեցրել է ամերիկյան հեռուստատեսության հայտնի դերասանուհի Մոլլի Քուինը[11]։

Բնավորություն և պատմություն

[խմբագրել | խմբագրել կոդը]

Բլումը ծնվել է դեկտեմբերի 10-ին[12][13] վիշապի նշանի տակ[14][15]: Նա սիրում է կարդալ և զբաղվել խոհարարությամբ, իսկ նրա համար գլխավոր արժեքն ընտանիքն է[12]։ Նրա ընկերն արքայազն Սքայն է[16], որի հետ նա նշանադրված է[17][18]։ Բլումը նաև փերի պահապան է[19] և Դոմինո մոլորակի արքայադուստրը[4], ինչպես նաև Winx Rock Band խմբի մեներգչուհին[20]։ Նա ունի սիրելի ընտանի կենդանի՝ կապույտ նապաստակ, որի անունը Կիկո է[4]։ Ըստ պաշտոնական բնութագրի՝ Բլումը շռայլ, անկեղծ, ազնիվ, խարիզմատիկ և իսկական առաջնորդ է[14][15]։ Նա անշահախնդիր է, անկախ, անհամբեր և համառ[21]։ Լինելով Վիշապի կրակի տիրակալը, ինչից առաջացել է կախարդական տիեզերքը, Բլումը Վինքս ակումբի ամենաուժեղ անդամն է[4]։ Մինչ Վինքս ակումբի մյուս անդամները ստացել է Էնչանտիքսի ուժը[K 2] այլ մարդկանց (հիմնականում իրենց մոլորակներից) համար անձնուրաց արարքներ կատարելով, Բլումը նման հնարավորություն չուներ, ու նա ստացավ կամքի ուժ, հավատալով չարի նկատմամբ հաղթանակին[22]:

Բլումը ծնվել է Դոմինո մոլորակում՝ թագավորական ընտանիքում: Երբ մոլորակի վրա հարձակվում են երեք վհուկներ, նրա մեծ քույրը՝ Դաֆնան, պորտալի միջոցով ուղարկում է փոքրիկ Բլումին Երկիր մոլորակ[23]։ Հրշեջ Մարքը հայտնաբերում է փոքրիկին կրակի մեջ, որը նրան չէր վնասում։ Աղջնակի ծնողները չեն գտնվում, և Մարքը կնոջ՝ Վանեսսայի հետ որդեգրում է Բլումին և մեծացնում նրան իր աղջկա պես։ Բլումը մեծանում է՝ չիմանալով իր հնարավորությունների մասին և այդ պատճառով չի զարգացնում դրանք, թեև սիրում է կարդալ հեքիաթներ փերիների մասին[24]։ 16 տարեկանում նա իր մեջ բացահայտում է մոգական կարողություններ, երբ փորձում է փրկել Ստելլա անունով մի աղջկա։ Նա առաջարկում է Բլումին իր հետ ուղևորվել Ալֆեա, փերիների դպրոց, և հերոսուհին մեծ հաճույքով համաձայնում է[24]։ Այնտեղ Բլումը հանդիպում է ևս երեք աղջիկների, որոնց հետ միասին հիմնում է Վինքս ակումբը՝ բարին պաշտպանելու համար[25][26]։ Սերիալի սկզբում վտանգների բախվելով ՝ Բլումը վստահ չի լինում, որ պատրաստ է կախարդական աշխարհի կյանքին[27], բայց իմանալով ավելին մոգության մասին և ստանալով իր ընկերուհիների աջակցությունը, Բլումը նրանց հետ պաշտպանում է Մոգական աշխարհը չար ուժերից[28]։ Բլումի հիմնական սցենարային գիծը գտնելն ու վերամիավորելն է իր իրական ծնողների՝ Դոմինոյի թագավորի և թագուհուն հետ, ինչպես նաև չար ուժերին դիմակայելը[29]։

Քննադատություն և մշակութային ազդեցություն

[խմբագրել | խմբագրել կոդը]

Բլումի կերպարը քննադատական գնահատականի է արժանացել մուլտֆիլմերում գենդերային կարծրատիպերի հետազոտողների, բանասերների և սոցիոլոգների կողմից: Բազելի համալսարանի մեդիագիտության պրոֆեսոր Էլկե Շլոտեն Բլումին նկարագրում է Բլումի կերպարը որպես տիպիկ խմբի առաջնորդ[30], բաց երանգի մաշկով և կարմիր մազերով, որի լույսի ներքո «նսեմացվում» են պակաս բաց մաշկի երանգ ունեցող կերպարները[31]։ Իտալացի նշանագիտության պրոֆեսոր Ջովանա Կոզենցան նույնպես հաստատում է այն միտքը, որ «Կորուսյալ թագավորության գաղտնիքը» մուլտֆիլմի շապիկին Բլումը կենտրոնում է և առաջին պլանում։ Կոզենցան նաև նշում է կերպարի ընդգծված կանացիությունը՝ արտահայտված հագուստով և թևերի զարդարվածությամբ[32]։ Հերոսուհու տարբեր ուղղություններով բացած թևերը համեմատում են Հիսուս Քրիստոսի խաչելիության հետ, ինչի հետ կապված կերպարն ընկալվում է որպես մեսիա, իր աշխարհի փրկիչ[33]։ Կերպարի թևերի համար Կոզենցան նշում է, որ նրանք մարմնավորում են թիթեռի գեղեցկությունը և ճպուռի փխրունությունը։ Բլումի հագուստը պրոֆեսորի կարծիքով «նախատեսված է մարմնի տարբեր մասերը ցույց տալու, այլ ոչ թե թաքցնելու համար», ինչի արդյունքում հերոսուհին դառնում է «հասանելի, գրեթե անպաշտպան և նրբագեղ»[34]։

Բանասերներ Դոխովան և Չեպրակովան Բերբեկովի անվան Կաբարդինո-Բալկարիայի պետական համալսարանի ամսագրում նշում են, որ «հերոսուհին պրոպագանդում է ծուլություն, անհնազանդություն և ծնողների դեմ անհամաձայնության բարձրաձայնում», սերիաների «անսպասելի իրադարձությունների» հիման վրա[35][K 3]։ Նաև, ըստ բանասերների, հերոսուհու կարծիքը Վալտորին ուղղված արտահայտություններից մեկի ժամանակ («Վալտոր, մենք արդեն հաղթել ենք քեզ և նորից կանենք, մեկընդմիշտ») արտահայտել է «զայրույթ և ատելություն»[36]։ Այն տեսարանում, երբ Բլումը մենամարտի է կանչում սև մոգերին, բանասերները նկատել են «անհանդուժողականություն և ագրեսիա» հերոսուհու «Բավական է, կռվեք մեզ հետ» խոսքերում[37]։ Բանասերներ Անտոնովն ու Լակտյուխինան Վոլգոգրադի պետական համալսարանի ամսագրում հրապարակված հոդվածում նշում են, որ դիտարկում են հերոսուհուն որպես դրական կերպար, ում քայլերի դրդապատճառ է հանդիսանում «վրեժը» (հանցագործի մոտոցիկլետը խոզի վերածելը, կախարդական ուժերը վերադարձնելու ցանկությունը նրանց խլած վհուկներից)[28], ինչպես նաև նշում են իր կենդանու հանդեպ խնամքի պակասը, որովհետև նա «հրեշներից պաշտպանվում է ինքնուրույն»[38]։

Ռոդսի համալսարանի պրոֆեսոր Ժաննա Պրինսլուն կարծում է, որ Սքայի հետ հերոսուհու հարաբերությունները «Ստացեք և պահեք ձեր տղամարդուն» հրամայականի օրինակ են, որը նկարագրված է Meenakshi Gigi Durem-ի «Լոլիտայի էֆեկտը» գրքում: Պրոֆեսորը մեջբերում է մի քանի բացահայտող, իր կարծիքով, հատվածներ Winx Club-ի երկրորդ եթերաշրջանից։ Երբ Սքայը իր ընկերուհուն ծանոթացնում է ծնողների հետ, նրան հաջողվում է շահել նրանց բարեհաճությունը միայն իր նախկին հարսնացուին փրկելով։

Ըստ հետազոտողի մեկ այլ օրինակ է երկրորդ եթերաշրջանի եզրափակիչ մասը, երբ Լորդ Դարկարի ենթարկեցնող կախարդանքը հանվում է միայն Սքայի «ես քեզ սիրում եմ» խոսքերից հետո։ Ջովաննա Կոզենցան գտնում է, որ Սքայի հետ ամուսնանալու Բլումի ցանկությունը «2000-ականների աղջիկների մեջ սերմանում է միջնադարյան իդեալներ»[39], իսկ հերոսուհու հանգիստ (ըստ հետազոտողի[K 4]) վերաբերմունքը «Կորուսյալ թագավորության գաղտնիքը» մուլտֆիլմում մեկ այլ աղջկա հետ Սքայի հանկարծակի անհետացմանը, Կոզենցայի կարծիքով, խոսում է ինքնագնահատականի պակասի մասին[39]:

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Straffi, Iginio (2007-11-02). «Intervista ad IGINIO STRAFFI creatore del Winx Club» (Interview) (իտալերեն). Արխիվացված է օրիգինալից 2007-11-08-ին. Վերցված է 2011-05-11-ին.
  2. ↑ «Note di regia del film d'animazione "Winx Club - Il Segreto del Regno Perduto"». cinemaitaliano.info. Արխիվացված է օրիգինալից 2014-11-12-ին. Վերցված է 2017-10-16-ին.
  3. ↑ «Note di regia del film d'animazione "Winx Club 3D - Magica Avventura"». Cinema Italiano. Արխիվացված է օրիգինալից 2012-08-12-ին. Վերցված է 2017-10-19-ին.
  4. ↑ 4,0 4,1 4,2 4,3 Olivieri, 2019, էջ 9
  5. ↑ 5,0 5,1 Straffi, Iginio (2011-07-09). «Iginio Straffi racconta le sue Winx ambientaliste» (Interview). Interviewed by Nicoletta Pennati. Արխիվացված է օրիգինալից 2019-08-29-ին. Վերցված է 2017-10-02-ին.
  6. ↑ 6,0 6,1 Patrizia Chimera (2015-06-14). «La storia di Winx Club, come e nato il cartone italiano». Bebeblog.it. Արխիվացված է օրիգինալից 2017-09-06-ին. Վերցված է 2017-09-06-ին.
  7. ↑ Straffi, Iginio (2010-03-31). ««Девочки понимают, что наши Winx — настоящие»» (Interview) (ռուսերեն). Interviewed by Еленой Виноградовой. Արխիվացված է օրիգինալից 2017-09-04-ին. Վերցված է 2019-02-22-ին.
  8. ↑ Straffi, Iginio (2011-04). «Intervista a Iginio Straffi» (Interview) (իտալերեն). Interviewed by Sabrina Barbieri. Արխիվացված է օրիգինալից 2017-03-11-ին. Վերցված է 2017-11-04-ին.
  9. ↑ «"Ecco le avventure delle mie Winx"» (Interview) (իտալերեն). Interviewed by Stefano Fabrizi. 2014-01-03. Արխիվացված է օրիգինալից 2017-09-26-ին. Վերցված է 2019-03-31-ին.
  10. ↑ «Letizia Ciampa, doppiatrice di Hermione Granger». fantasymagazine.it. Արխիվացված է օրիգինալից 2017-10-10-ին. Վերցված է 2017-10-11-ին. {{cite web}}: Unknown parameter |deadlink= ignored (|url-status= suggested) (օգնություն)
  11. ↑ «Voice Compare: Winx Club - Princess Bloom». Behind The Voice Actors. Արխիվացված է օրիգինալից 2017-10-11-ին. Վերցված է 2017-10-11-ին. {{cite web}}: Unknown parameter |deadlink= ignored (|url-status= suggested) (օգնություն)
  12. ↑ 12,0 12,1 Olivieri, 2019, էջ 8
  13. ↑ «Блум на сайте WinxClub.com». Արխիվացված է օրիգինալից 2016-11-18-ին. Վերցված է 2017-10-03-ին.
  14. ↑ 14,0 14,1 «Winx Club 3D: Magical Adventure. Press book» (PDF). Արխիվացված է օրիգինալից (PDF) 2017-10-22-ին. Վերցված է 2017-10-22-ին.
  15. ↑ 15,0 15,1 «2007 » Winx Club - Il Segreto del Regno Perduto: attore». Cinema Italiano (իտալերեն). Արխիվացված է օրիգինալից 2014-11-22-ին. Վերցված է 2017-10-24-ին.
  16. ↑ Olivieri, 2019, էջ 44
  17. ↑ Straffi, Iginio (режиссёр). Winx Club: Il segreto del Regno Perduto (HD-DVD). Италия: 01 Distribution. Event occurs at 01:27:20. Վերցված է 18.09.2019-ին. {{cite AV media}}: Unknown parameter |date2= ignored (օգնություն)
  18. ↑ Straffi, Iginio (режиссёр). Клуб Винкс: Волшебное приключение (Blu-ray). Россия: Новый Диск. Event occurs at 00:17:50. Վերցված է 18.09.2019-ին. {{cite AV media}}: Unknown parameter |date2= ignored (օգնություն)
  19. ↑ Straffi, Iginio (режиссёр). Winx Club: Il segreto del Regno Perduto (HD-DVD). Италия: 01 Distribution. Event occurs at 01:27:31. Վերցված է 18.09.2019-ին. {{cite AV media}}: Unknown parameter |date2= ignored (օգնություն)
  20. ↑ Olivieri, 2019, էջ 129
  21. ↑ «Winx Power Music Show». Trieste (Press release). Արխիվացված է օրիգինալից 2012-08-26-ին. Վերցված է 2017-11-09-ին.
  22. ↑ Rainbow S.r.l. (2007-03-05). «Из пепла». Клуб Винкс. Season 3. Սերիա 16. Rai 2. {{cite episode}}: Cite has empty unknown parameter: |episodelink= (օգնություն)
  23. ↑ Rainbow S.r.l. (2004-03-15). «Корона мечты». Клуб Винкс. Season 1. Սերիա 21. Rai 2. {{cite episode}}: Cite has empty unknown parameter: |episodelink= (օգնություն)
  24. ↑ 24,0 24,1 Rainbow S.r.l. (2004-01-28). «Неожиданное событие». Клуб Винкс. Season 1. Սերիա 1. Rai 2. {{cite episode}}: Cite has empty unknown parameter: |episodelink= (օգնություն)
  25. ↑ Rainbow S.r.l. (2004-01-30). «Добро пожаловать в Магикс!». Клуб Винкс. Season 1. Սերիա 2. Rai 2. {{cite episode}}: Cite has empty unknown parameter: |episodelink= (օգնություն)
  26. ↑ Olivieri, 2019, էջ 6
  27. ↑ Rainbow S.r.l. (2004-03-08). «Хранительница силы дракона». Клуб Винкс. Season 1. Սերիա 21. Rai 2. {{cite episode}}: Cite has empty unknown parameter: |episodelink= (օգնություն)
  28. ↑ 28,0 28,1 Антонов, Лактюхина, 2013, էջ 94
  29. ↑ Montagnana, 2009, էջ 13
  30. ↑ Schlote, 2012, էջ 140
  31. ↑ Schlote, 2012, էջ 142
  32. ↑ Montagnana, 2009, էջ 15
  33. ↑ Montagnana, 2009, էջ 16
  34. ↑ Montagnana, 2009, էջ 17
  35. ↑ Дохова, Чепракова, 2013, էջ 87
  36. ↑ Дохова, Чепракова, 2013, էջ 88
  37. ↑ Дохова, Чепракова, 2013, էջ 89
  38. ↑ Антонов, Лактюхина, 2013, էջ 97
  39. ↑ 39,0 39,1 Montagnana, 2009, էջ 14

Գրականություն

[խմբագրել | խմբագրել կոդը]

Հղումներ

[խմբագրել | խմբագրել կոդը]


Քաղվածելու սխալ՝ <ref> tags exist for a group named "K", but no corresponding <references group="K"/> tag was found

Ստացված է «https://hy.wikipedia.org/w/index.php?title=Մասնակից:Նանե_Մելիքսեթյան/Ավազարկղ12&oldid=8394437» էջից