Նուևիտաս
Բնակավայր | ||
---|---|---|
Նուևիտաս | ||
Երկիր | ||
Համայնք | Camagüey Province? | |
Հիմնադրված է | 1818 թ. | |
Մակերես | 415 կմ² | |
ԲԾՄ | 20 մետր | |
Բնակչություն | 38 995 մարդ (2002) | |
| ||
Նուեվիտաս (իսպ.՝ Nuevitas), մունիցիպալիտետ և նավահանգստային քաղաք Կամագուեյում[1], Կուբայում։
Աշխարհագրական դիրք
[խմբագրել | խմբագրել կոդը]Նուեվիտասը գտնվում է ծովածոցի ափին, որը օվկիանոսին է միանում նեղ և գրեթե 10 կմ երկարությամբ նեղուցով։ Դրանով պայմանավորված՝ տեղանքը միշտ հետաքրքրություն է ներկայացրել այն նավաստիների համար, որոնք ցանկանում էին սպասել վատ եղանակին։ Իրավաբանորեն Նուեվիտաս մունիցիպալիտետի տարածքը կազմում է 1778 կմ²[2], բայց փաստացի՝ բնակչության ճնշող մեծամասնությունը բնակվում է քաղաքի՝ 4 կմ² մակերես ունեցող «միջուկում», այսպիսով բնակչության խտությունը պաշտոնական 34,7 մարդ/կմ² է, փաստացի՝ ավելի քան 17000 մարդ/կմ²։ Նուեվիտասը բաժանված է ութ բարիոյի[3]։ Քաղաքից մի քիչ հյուսիս գտնվում է խոշոր կորալային Սաբինալ կղզին։
Կլիմա
[խմբագրել | խմբագրել կոդը]Օդի միջին տարեկան ջերմաստիճանը 25,5°С է, չորային եղանակը ձգվում է հոկտեմբերից մինչև ապրիլ, անձրևայինը՝ մայիսից մինչև սեպտեմբեր[4]։
Պատնություն
[խմբագրել | խմբագրել կոդը]Համարվում է, որ հենց ապագա քաղաքի շրջանում է կանգ առել Քրիստափոր Կոլումբոսը իր առաջին արշավի ժամանակ՝ 1492 թվականին․ այդ ժամանակ եվրոպացու ոտքը առաջին անգամ է դրվել Կուբայի հողի վրա[5]։
Նուեվիտասում բնակություն հաստատվել է 1775 թվականին՝ ստրուկների տնկարկների ի հայտ գալով[6], իսկ 1828 թվականին տեղափոխվել է ներկայիս վայր, «քաղաքի» կարգավիճակ է ստացել 1886 թվականին։
1959 թվականի Կուբայի հեղափոխությունից հետո այստեղ սկսվել է զարգանալ արդյունաբերությունը։ 1970 թվականին քաղաքը եղել է ձկնորսական նավատորմի բազա, նավաշինական և նավաշինության կենտրոն, այստեղ գործել են նաև սննդի և ցեմենտի արդյունաբերության ձեռնարկություններ և տնաշինական կոմբինատ։ ԽՍՀՄ-ի օգնությամբ այստեղ կառուցվել է ազոտական պարարտանյութերի գործարան[1][7]։
1980-ականների սկզբին քաղաքն իրենից ներկայացնում էր վարչական, կրթական և առևտրաարդյունաբերական կենտրոն՝ 35 հազար բնակչությամբ։ Այդ ընթացքում առաջատար ձեռնարկություններ են եղել հեղափոխությունից հետո կառուցված ցեմենտի գործարանը, էլեկտրոդների արտադրության գործարանը[8] և մետաղալարի գործարանը[9]։
Քաղաքում կան երկու նավահանգիստներ և երկաթուղային կայարան։ Քաղաքի զգալի մասն ունի քառակուսի հատակագիծ. ավելի քան մեկ տասնյակ փողոցներ կտրուկ հարավ-արևմուտքից հյուսիս-արևելք են գնում և մոտավորապես նույնքան փողոցներ հատում են դրանք ուղիղ անկյան տակ։ Նուեվիտասի արևմտյան մասը կառուցապատվել է 3-5 հարկանի բազմաբնակարան շենքերով, սակայն հիմնականում քաղաքում գերակշռում են մեկ-երկու ընտանիքի համար նախատեսված փոքր մասնավոր տները։ Նուեվիտասը տնտեսական խոշոր կենտրոն է։ Այստեղ արտադրվում են սղոցանյութեր, պարաններ, պարարտանյութեր, սուրճ, տեքստիլ, օճառ, կահույք։ Ծովով ուղարկելու համար այստեղ են բերվում շաքարեղեգ, սիզալ, մելասսա, սուրճ, մրգեր[5]։
Տրանսպորտ
[խմբագրել | խմբագրել կոդը]Ժողովրդագրություն
[խմբագրել | խմբագրել կոդը]1907 | 1919 | 1931 | 1943 | 1953 | 1970 | 1982 | 2002 | 2004 | 2010 | |
---|---|---|---|---|---|---|---|---|---|---|
10 620 | 15 690 | 23 870 | 19 183 | 27 316 | 36 309[3] | մոտ 20,7000[1] | մոտ 42 000[11] | 38 995 | 44 882 | 61 625[2] |
Քույր քաղաքներ
[խմբագրել | խմբագրել կոդը]Բենալմադենա (Իսպանիա)
Միլուոքի (ԱՄՆ)՝ Միլուոքիի հետ բարեկամանալով՝ Նուեվիտասը դարձել է Կուբայի առաջին քաղաքը, որը քույր քաղաք ունի ԱՄՆ-ում։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 Нуэвитас // Большая Советская Энциклопедия. / под ред. А. М. Прохорова. 3-е изд. Т.18. М., «Советская энциклопедия», 1974.
- ↑ 2,0 2,1 Municipalities of Cuba (անգլ.) на сайте statoids.com
- ↑ 3,0 3,1 El Municipio de Nuevitas (իսպ.) на сайте guije.com
- ↑ Город Нуэвитас на северо-востоке Кубы (ռուս.) на сайте incterra.ru
- ↑ 5,0 5,1 Нуэвитас (անգլ.) на сайте global.britannica.com
- ↑ Нуэвитас — отдых на Кубе Արխիվացված 2016-04-09 Wayback Machine (ռուս.) на сайте yavputi.ru, 25 февраля 2013
- ↑ Куба (Республика Куба) // Страны мира: краткий политико-экономический справочник. М., Политиздат, 1974. стр.326-330
- ↑ 8,0 8,1 8,2 Нуэвитас // Латинская Америка. Энциклопедический справочник / редколл., гл. ред. В. В. Вольский. том 2. М., издательство «Советская энциклопедия», 1982.
- ↑ Республика Куба // Экономическая география зарубежных социалистических стран (Европа, Куба). Изд. 3-е. под ред. Н. В. Алисова, Э. Б. Валева. М.: изд-во Московского университета, 1984. стр.326-359
- ↑ 10,0 10,1 А. И. Зенцова. Куба. М., государственное издательство географической литературы, 1952. стр.18
- ↑ Нуэвитас (ռուս.) на сайте vedu.ru
Արտաքին հղումներ
[խմբագրել | խմբագրել կոդը]- «Радио Нуэвитас» (իսպ.)
Վիքիպահեստն ունի նյութեր, որոնք վերաբերում են «Նուևիտաս» հոդվածին։ |
|