Պոժեգա
Քաղաք | |||
---|---|---|---|
Պոժեգա | |||
խորվ.՝ Požega | |||
| |||
Երկիր | |||
Ժուպանություն | Պոժեժսկո-Սլավոնսկայա | ||
Համայնք | Požega-Slavonija? | ||
Ղեկավար | Մարիան Ցեսարիկ | ||
Առաջին հիշատակում | 1210 | ||
Մակերես | 133,8 կմ², 24,6 կմ² | ||
ԲԾՄ | 137 մ | ||
Բնակչություն | 20943 մարդ (2001) | ||
Ժամային գոտի | UTC+1, ամառը UTC+2 | ||
Հեռախոսային կոդ | +385 34 | ||
Փոստային դասիչ | 34100 | ||
Ավտոմոբիլային կոդ | PŽ | ||
Պաշտոնական կայք | pozega.hr | ||
| |||
Պոժեգա (խորվ.՝ Požega), 1921-1991 թվականներին կոչվել է Սլավոնսկա-Պոժեգա (խորվ.՝ Slavonska-Požega), քաղաք Խորվաթիայի արևելյան մասում։ Պոժեգա-Սլավոնիա ժուպանության խոշորագույն քաղաքն է։ Բնակչությունը կազմում է 20 943 մարդ (2001)[1]: Բնակչության 93.24 %-ը խորվաթներ են, 4.66 %-ը՝ սերբեր, 0.56 %-ը՝ փոփոխական, 0.38%-ը՝ ալբանացիներ, 0.15 %-ը՝ չեխեր։
Ընդհանուր տեղեկություններ
[խմբագրել | խմբագրել կոդը]Պոժեգան գտնվում է Սլավոնիայի կենտրոնական մասում՝ Օրլյավա գետի վրա։ Քաղաքը բոլոր կողմերից շրջապատված է ցածր լեռնաշղթաներով։
Քաղաքից 15 կմ հարավ-արևելք գտնվում է Պլետերնիցա քաղաքը, 20 կմ դեպի հարավ-արևմուտք՝ Նովա Գրադիշկա քաղաքը, 40 կմ դեպի հյուսիս-արևելք՝ Նաշիցե քաղաքը, 40 կմ դեպի հարավ-արևելք՝ Սլավոնսկի Բլոդ քաղաքը, 40 կմ դեպի հյուսիս՝ Սլատինա քաղաքը։ Հարևան բոլոր քաղաքների հետ Պոժեգան միացված է ավտոճանապարհներով։ Քաղաքի միջով անցնում է երկաթուղային Նաշիցե և Պլետերնիցա մասնաճյուղը։
Տնտեսություն
[խմբագրել | խմբագրել կոդը]Քաղաքի տնտեսության հիմնական ճյուղերն են՝ գյուղատնտեսությունը, խաղողագործությունը, անասնաբուծությունը, սննդի արդյունաբերությունը, կենցաղային սարքերի արտադրությունը, ինչպես նաև տեքստիլ արդյունաբերությունը և շինանյութերի արտադրությունը։ Ի տարբերություն Խորվաթիայի այլ տարածաշրջանների՝ տուրիզմը թույլ է զարգացած, սակայն վերջին տարիներին զբոսաշրջության նշանակությունը աճել է։
Պատմություն
[խմբագրել | խմբագրել կոդը]Սավա հովտի հյուսիսը բնակեցված է եղել դեռևս հռոմեական դարաշրջանում։ Պոժեգայի տեղում գտնվում էր հռոմեական Ինցերում բնակավայրը։ Քաղաքը առաջին անգամ հիշատակվել է 12-րդ դարում։ Պոժեգան հավանաբար կառուցվել է 11-րդ դարում, սակայն առաջին հիշատակումը վերաբերվում է 1210 թվականին։
14-րդ դարի սկզբին քաղաքում կառուցվել է Սուրբ Լավրենտիա եկեղեցին։ 15-րդ դարում քաղաքը սկսել է անկում ապրել։ Այստեղ կառուցվել են քաղաքային պատեր։
Քաղաքը 150 տարի մնացել է թուրքերի իշխանության տակ։ 1688 թվականի մարտի 12-ին Պոժեգան ավստրիական զորքերի աջակցությամբ ազատագրվել է և այդ օրը նշվում է որպես քաղաքի օր։
Հաբսբուրգների իշխանության տակ քաղաքը արագ զարգանում էր։ 1699 թվականին բացվել է դպրոց, 1727 թվականին կառուցվել է թատրոն, իսկ 1740 թվականին՝ առաջին դեղատունը։ 1745 թվականին Պոժեգան դարձել է նահանգի մայրաքաղաք։ 1760 թվականին քաղաքում բացվել է Ակադեմիա։
20-րդ դարում քաղաքը մտնում էր Հարավսլավիայի կազմի մեջ, իսկ 1991 թվականից՝ Խորվաթիայի կազմում է։
Տեսարժան վայրեր
[խմբագրել | խմբագրել կոդը]- Սուրբ Թերեզայի տաճար
- Սուրբ Լավրենտիա եկեղեցի - քաղաքի ամենահին տաճարը, որը կառուցվել է 14-րդ դարում։
- Ֆրանցիսկյան վանք - կառուցվել է 18-րդ դարում։ Գտնվում է Սուրբ Երրորդություն հրապարակում։
Հայտնի բնիկներ
[խմբագրել | խմբագրել կոդը]- Պեջա Ստոյակովիչ - բասկետբոլիստ
- Դոբրիշա Ցեսարիչ - բանաստեղծ, թարգմանիչ
- Բորիս Հանժեկովիչ - թեթև ատլետ
- Սրջան Բուդիսավլևիչ - Հարավսլավիայի ներքի գործերի նախարար
- Դինո Ելուշիչ - երգիչ, երաժիշտ, երգերի հեղինակ, Մանկական Եվրատեսիլ 2003 երգի մրցույթի հաղթող է ճանաչվել
Ծանոթագրություններ
[խմբագրել | խմբագրել կոդը]Արտաքին հղումներ
[խմբագրել | խմբագրել կոդը]Վիքիպահեստն ունի նյութեր, որոնք վերաբերում են «Պոժեգա» հոդվածին։ |
|