Քիմ Քեմփբել
Քիմ Քեմփբել | |
Կուսակցություն՝ | Բրիտանական Կոլումբիայի սոցիալական երաշխիքի կուսակցություն[1] և Կանադայի առաջադիմական պահպանողական կուսակցություն |
---|---|
Կրթություն՝ | Peter A. Allard School of Law?, Լոնդոնի տնտեսության և քաղաքական գիտությունների դպրոց, Բրիտանական Կոլումբիայի համալսարան, Prince of Wales Secondary School? և Թագավորական երաժշտական ակադեմիա |
Մասնագիտություն՝ | քաղաքական գործիչ, փաստաբան, դիվանագետ, ինքնակենսագիր և քաղաքագետ |
Դավանանք | Կանադայի անգլիկանական եկեղեցի |
Ծննդյան օր | մարտի 10, 1947[2][3][4][…] (77 տարեկան) |
Ծննդավայր | Պորտ Էլբերնի, Alberni-Clayoquot Regional District, Բրիտանական Կոլումբիա, Կանադա |
Քաղաքացիություն | |
Ի ծնե անուն | անգլ.՝ Avril Phædra Douglas Campbell |
Ամուսին | Hershey Felder?[5] |
Կայք՝ | kimcampbell.com |
Ինքնագիր | |
Պարգևներ | |
Ավրիլ Ֆեդրա Դուգլաս "Քիմ" Քեմփբել (անգլ.՝ Avril Phædra Douglas "Kim" Campbell, մարտի 10, 1947[2][3][4][…], Պորտ Էլբերնի, Alberni-Clayoquot Regional District, Բրիտանական Կոլումբիա, Կանադա), կանադացի քաղաքական գործիչ, դիվանագետ, իրավաբան, գրող, Կանադայի 19-րդ վարչապետը (հունիսի 25, 1993 - նոյեմբերի 4, 1993)[6]։ Առաջին, և մինչև օրս Կանադայի միակ կին վարչապետը։ Կանադայի Գերագույն դատարանի խորհրդատվական խորհրդի նախագահ[7]։
Կենսագրություն
[խմբագրել | խմբագրել կոդը]Քեմփբելը ծնվել է Կանադայի Բրիտանական Կոլումբիա նահանգի Պորտ Էլբերնի քաղաքում, Ֆիլիս "Լիսա" Մարգարեթի (Ծննդյան անունը՝ Կուկ, 1923–2013) և փաստաբան Ջորջ Թոմաս Քեմփբելի (1920–2002) ընտանիքում[8]։ Հայրը ծնվել է Մոնրեալում, ծնողները եղել են Գլազգոյից տեղափոխված շոտլանդացիներ[9]։ Մայրը հեռացել է ընտանիքից, երբ Քեմփբելը 12 տարեկան էր՝ թողնելով Քիմին և նրա քրոջը՝ Ալիքսին ամուսնու խնամքին։ Պատանի տարիքում Քեմփբելը իրեն կոչել է Քիմ մականունով դերասանուհի Քիմ Սոյակի պատվին[10]։ Պատանի տարիքում CBC հեռուստաալիքով վարել է Junior Television Club մանկական ծրագիրը[11]։ Այնուհետև ընտանիքի հետ տեղափոխվել է Վանկուվեր, որտեղ գերազանց առաջադիմությամբ սովորել է Ուելսի արքայազնի անվան միջնակարգ դպրոցում, որն ավարտել է 1964 թվականին։
1969 թվականին քաղաքագիտության բակալավրի աստիճան է ստացել Բրիտանական Կոլումբիայի համալսարանից։ Ուսանողական տարիներին ակտիվ գործունեություն է ծավալել[12]։ 1970 թվականին ընդունվել է Լոնդոնի տնտեսագիտական դպրոց՝ աշխատելու «Խորհրդային կառավարություն» դոկտորականի վրա, 1972 թվականի ապրիլից հունիս ամիսներն անց է կացրել Խորհրդային Միությունում։ Մի քանի տարի շարունակ սովորել է ռուսերեն[13]։ Նաթան Դիվինսկու հետ ամուսնանալուց հետո թողել է դոկտորականը, վերադարձել Վանկուվեր։ 1983 թվականին իրավունքի բակալավրի աստիճան է ստացել Բրիտանական Կոլումբիայի համալսարանից։
Նաթան Դիվինսկու հետ ամուսնության ընթացքում կես դրույքով քաղաքագիտություն է դասավանդել Բրիտանական Կոլումբիայի համալսարանում և Վանկուվերի համայնքային քոլեջում։ Դեռևս իրավագիտական դպրոցում սովորելու տարիներին քաղաքական դաշտ է մտել որպես Վանկուվերի դպրոցի խորհրդի խնամակալ՝ 1983 թվականին դառնալով խորհրդի նախագահ, 1984 թվականին՝ փոխնախագահ։ 1983 թվականին Քեմփբելը և Դիվինսկին ամուսնալուծվել են, և 1986 թվականին Քեմփբելն ամուսնացել է Հովարդ Էդդիի հետ։ Ամուսնությունը տևել է մինչև նրա վարչապետ դառնալը։ Քեմփբելը Կանադայի երկրորդ վարչապետն է, որ ամուսնալուծվել է Պիեռ Տյուրդոյից հետո։ Կարճ ժամանակահատված հանդիպել է Գրիգոր Լեխտերմանի հետ։ Այժմ ամուսնացած է դերասան, դրամատուրգ, կոմպոզիտոր, դաշնակահար Հերշի Ֆելդերի հետ[14]։
Գործունեություն
[խմբագրել | խմբագրել կոդը]- 1984-1986 թվականներին որպես իրավապաշտպան աշխատել է Բրիտանական Կոլումբիայում (Վանկուվեր)
- 1986-1988 թվականներին ընտրվել է Բրիտանական Կոլումբիայի օրենսդիր ժողովի պատգամավոր
- 1988 թվականին ընտրվել է Կանադայի համայնքների պալատի պատգամավոր։ 1989 թվականին ստացել է Կանադայի հնդկական բնակչության և հյուսիսային տարածքների զարգացման պետական նախարարի պաշտոնը
- 1990-1993 թվականներին եղել է Արդարադատության նախարար, Կանադայի գլխավոր դատախազ
- 1993 թվականին՝ Կանադայի պաշտպանության նախարար և Վետերանների հարցերով նախարար
- 1993 թվականի հուլիսի 13-ին ընտրվել է Առաջադիմական-պահպանողական կուսակցության առաջնորդ։ 1993 թվականի հունիսի 25-ին Բրայան Մալռունի հրաժարականից հետո դարձել է Կանադայի 19-րդ վարչապետը
- 1993 թվականի հոկտեմբերի 25-ին Կանադայի դաշնայի ընտրություններից հետո Առաջադիմական-պահպանողական կուսակցությունից միայն 2 պատգամավոր են ընտրվել և Քեմփբելը կորցրել է իր տեղը խորհրդարանում և հրաժարական է տվել կուսակցության առաջնորդի իր պաշտոնից
- 1994-1996 թվականներին՝ Հարվարդի համալսարանի դասախոս
- 1996-2000 թվականներին՝ Լոս Անջելեսում Կանադայի գլխավոր հյուպատոս
- 2001-2004 թվականներին՝ Ջոն Քենեդու անվան կառավարչական դպրոցի դասախոս
- 2004-2006 թվականներին՝ Մադրիդի ակումբի գլխավոր քարտուղար
Անդամակցություն
[խմբագրել | խմբագրել կոդը]- Կանադայի հարցերով թագուհու գաղտնի խորհրդի անդամ
- Թագուհու խորհրդի անդամ
- Լոնդոնի տնտեսագիտական դպրոցի պատվավոր անդամ
- Հարվարդի համալսարանի Ջոն Քենեդու անվան կառավարչական դպրոցի Առաջնայնության հանրային կենտրոնի պատվավոր անդամ
- 2008 թվականին Կանադայի օրը նշանակվել է Կանադայի շքանշանի կավալեր[15]
- Խորհրդի անդամ, ֆեդերացիաների ֆորում
Պարգևներ
[խմբագրել | խմբագրել կոդը]- Կանադայի շքանշանի կավալեր
- Բրիտանական Կոլումբիայի շքանշան
- Կանադայի կոնֆեդերացիայի 125-ամյակի մեդալ
- Եղիսաբեթ II թագուհու ոսկե հոբելյանի մեդալ
- Եղիսաբեթ II թագուհու ադամանդե հոբելյանի մեդալ
Ծանոթագրություններ
[խմբագրել | խմբագրել կոդը]- ↑ 1,0 1,1 http://www.thecanadianencyclopedia.ca/en/article/kim-campbell/
- ↑ 2,0 2,1 Internet Movie Database — 1990.
- ↑ 3,0 3,1 Encyclopædia Britannica
- ↑ 4,0 4,1 Պառլամենտի գրադարան — 1876.
- ↑ Meet Canada's `odd couple' // Chicago Tribune — Chicago: Tribune Publishing, 2005. — ISSN 2165-171X; 1085-6706
- ↑ Skard, Torild (2014) "Kim Campbell" in Women of Power - Half a century of female presidents and prime ministers worldwide, Bristol: Policy Press, ISBN 978-1-44731-578-0
- ↑ [1]
- ↑ http://www.legacy.com/obituaries/timescolonist/obituary.aspx?pid=169415553
- ↑ [2]
- ↑ Gordon Donaldson, The Prime Ministers of Canada, (Toronto: Doubleday Canada Limited, 1997), p. 351.
- ↑ «Introducing Avril Campbell – Kim Campbell, First and Foremost – CBC Archives». CBC News. Վերցված է 2015 թ․ հունիսի 6-ին.
- ↑ Time And Chance, by Kim Campbell, 1996, pp. 17–23.
- ↑ Time and Chance, by Kim Campbell, 1996, pp. 26–37.
- ↑ Kim Campbell, online biography. Retrieved January 13, 2014
- ↑ Canadian honour
Արտաքին հղումներ
[խմբագրել | խմբագրել կոդը]Վիքիպահեստն ունի նյութեր, որոնք վերաբերում են «Քիմ Քեմփբել» հոդվածին։ |
|
- Լոնդոնի տնտեսագիտության և քաղաքական գիտությունների դպրոցի շրջանավարտներ
- Բրիտանական Կոլումբիայի համալսարանի շրջանավարտներ
- Մարտի 10 ծնունդներ
- 1947 ծնունդներ
- Ապրող անձինք
- Կանադայում ծնվածներ
- Անձինք այբբենական կարգով
- Արդարադատության կին նախարարներ
- Կանադայի վարչապետներ
- Կանադայի քաղաքական գործիչներ
- Կանադացի ակադեմիկոսներ
- Կանադացի անգլիկաններ
- Կանադացի գրողներ
- Կանադացի ինքնակենսագիրներ
- Կանադացի իրավաբաններ
- Կանադացի կին դիվանագետներ
- Կանադացի հասարակական գործիչներ
- Կանադացի քաղաքագետներ
- Կառավարության կին ղեկավարներ
- Կին ինքնակենսագիրներ
- Կին վարչապետներ
- Հարվարդի համալսարանի դասախոսներ
- Պաշտպանության կին նախարարներ