Ֆլորենս Փյու
անգլ.՝ Florence Pugh | |
---|---|
Ծնվել է | հունվարի 3, 1996[1] (28 տարեկան) |
Ծննդավայր | Օքսֆորդ, Հարավարևելյան Անգլիա, Անգլիա, Միացյալ Թագավորություն |
Կրթություն | Սուրբ Էդվարդի դպրոց և Cokethorpe School? |
Քաղաքացիություն | |
Մասնագիտություն | դերասանուհի, կինոդերասանուհի, երգչուհի և երգերի հեղինակ |
Համատեղ ապրող(ներ) | Զաք Բրաֆ[2] |
Պարգևներ և մրցանակներ | |
Անդամություն | Կինոարվեստի և գիտության ակադեմիա |
Ֆլորենս Փյու (անգլ.՝ Florence Pugh, հունվարի 3, 1996[1], Օքսֆորդ, Հարավարևելյան Անգլիա, Անգլիա, Միացյալ Թագավորություն), բրիտանացի դերասանուհի։ «Փոքրիկ տիկնայք» ֆիլմի համար առաջադրվել է BAFTA և Օսկար մրցանակների։
Կենսագրություն
[խմբագրել | խմբագրել կոդը]Ֆլորենս Փյուն ծնվել է 1996 թվականին Մեծ Բրիտանիայի Օքսֆորդ քաղաքում` ճաշարանատիրոջ և բալետի պարուհու ընտանիքում։ Ավագ եղբայրը դերասան և երաժիշտ Թոբի Սեբաստիանն է։
Ծնողների հետ բնակվել է Իսպանիայում, որտեղ առաջին անգամ` 6 տարեկանում, խաղացել է դպրոցի թատրոնում։ 2007 թվականին ընդունվել է Վիչվուդի դպրոց, իսկ 2009 թվականին՝ Սուրբ Էդուարդի դպրոց (ժամանակին այնտեղ հաճախել են Լոուրենս Օլիվիեն, Քիթ Հարինգթոնը և Էմիլիա Քլարկը)։
Ֆլորենսը երգում է և երգեր գրում, ինչպես նաև նվագում կիթառ և դաշնամուր[3]։
Գործունեություն
[խմբագրել | խմբագրել կոդը]Ֆլորենսը ֆիլմերում սկսել է նկարահանվել 2014 թվականին։ Նրա առաջին նախագիծը եղել է «Անկումը» ֆիլմը, որտեղ նրա խաղընկերը Մեյսի Ուիլյամսն է։ The Irish Times-ից Թարա Բրեյդին Ֆլորենսի խաղն «Անկումում» որակել է բացառիկ[4]։ Բացի այդ, այս դերի համար դերասանուհին Լոնդոնի կինոփառատոնում առաջադրվել է «Բրիտանական լավագույն առաջնելույթ» անվանակարգում։ Այնուհետև Ֆլորենսը խաղացել է «Studio City» հեռուստատեսային ֆիլմում։ Իսկ մեկ տարի անց` «Մարչելլա» սերիալում և «Լեդի Մակբեթ» ֆիլմում, որի համար արժանացել է մի շարք անվանակարգերի և հեղինակավոր մրցանակների` ներառյալ BAFTA մրցանակի «Տարվա առաջընթաց» անվանակարգում։ Նիկոլայ Լեսկովի «Մցենի շրջանի Լեդի Մակբեթ» ստեղծագործության հիման վրա նկարահանված ֆիլմում Ֆլորենսը մարմնավորել է մի աղջկա, որը դժբախտաբար ամուսնացել է իրենից տարիքով մեծ տղամարդու հետ։ Variety-ից Գայ Լոջը նշել է դերասանուհու մեծ տաղանդը և գովել, թե ինչպես է Ֆլորենսը կարողացել ներկայացնել իր հերոսուհու բարդ կերպարանափոխությունը[5]։ 2017 թվականին Ֆլորենսը մասնակցել է «Ուղևոր» և «Պայքար իմ կյանքի դեմ» ֆիլմերի նկարահանումներին[6]։ Վերջինս եղել է նրա հոլիվուդյան առաջին նախագիծը։ Նկարահանման հրապարակում նրա հետ աշխատել են Լինա Հիդին և Դուեյն Ջոնսոնը։
2018 թվականին Ջոն Լե Կարրեի համանուն վեպի հիման վրա նկարահանված «Փոքրիկ թմբկահարուհին» մինի սերիալում խաղացել է գլխավոր դեր։ Vanity Fair-ից Ռիչարդ Լոուսոնը Ֆլորենսի դերի մասին գրել է այսպես. «Նա հաջողությամբ հուզակամությունը խառնում է նրբացածության, խելացիությունը` միամտության հետ»[7]։ Նույն տարում թողարկվել են «Օրենքից դուրս արքան» (որտեղ Ֆլորենսը խաղացել է թագավոր Ռոբերտ Բրյուսի երկրորդ կնոջ` Էլիզաբեթ դե Բուրգի դերը), «Չարակամություն» ֆիլմերը և դերասանուհու մասնակցությամբ «Լիր արքա» հեռուստատեսային ֆիլմը։ Վերջինում Ֆլորենսը ներկայացել է Քորդելիայի՝ Լիր արքայի (դերասան` Էնթոնի Հոփքինս) կրտսեր դստեր կերպարով։ 2019 թվականին Ֆլորենսը ռեժիսոր Արի Ասթերի «Արևահավասար» թրիլլերում խաղացել է գլխավոր դեր և նկարահանվել Լուիսա Մեյ Էլքոթի համանուն վեպի նոր էկրանավորման մեջ` «Փոքրիկ տիկիններ» դրամայում[8]։ Vulture հրատարակությունը Ֆլորենսի խաղը թրիլլերում գնահատել է որպես անհավանական տպավորիչ[9]։
2020 թվականին Ֆլորենս Փյուին կարելի է տեսնել Marvel-ի կինեմատոգրաֆիական տիեզերքի «Սև այրի» ֆիլմում` Սկառլեթ Յոհանսոնի խմբում[10]։
Ֆիլմագրություն
[խմբագրել | խմբագրել կոդը]Տարի | Հայերեն անվանում | Բնօրինակ անվանում | Դեր | |
---|---|---|---|---|
2014 | ֆ | Անկում | The Falling | Էբբի Մորթիմեր |
2015 | հֆ | Studio City | Կատու | |
2016 | ս | Մարչելլա | Marcella | Կառա Թոմաս |
2016 | ֆ | Լեդի Մակբեթ | Lady Macbeth | Քեթրին |
2018 | ֆ | Ուղևոր | The Commuter | Գվեն |
2018 | ֆ | Պայքար իմ ընտանիքի դեմ | Fighting with My Family | Ռայա Նայթ |
2018 | հֆ | Լիր արքա | King Lear | Քորդելիա |
2018 | ֆ | Օրենքից դուրս արքան | Outlaw King | Էլիզաբեթ դե Բուրգ |
2018 | ս | Փոքրիկ թմբկահարուհին | The Little Drummer Girl | Չարմիան «Չարլի» Ռոսս |
2018 | ֆ | Չարակամություն | Malevolent | Անժելա |
2019 | ֆ | Փոքրիկ տիկնայք | Little Women | Էմի Մարչ |
2019 | ֆ | Արևահավասար | Midsommar | Դանի |
2021 | ֆ | Սև այրի | Black Widow | Ելենա Բելովա / Սև այրի |
2021 | ֆ | Մի՛ անհանգստացիր, սիրելի՜ս | Don’t Worry Darling | Էլիս |
Մրցանակներ և անվանակարգեր
[խմբագրել | խմբագրել կոդը]Տարի | Ֆիլմ | Մրցանակ | Անվանակարգ | Արդյունք |
---|---|---|---|---|
2017 | «Լեդի Մակբեթ» | Evening Standard British Film Awards | «Տարվա առաջընթաց» | Հաղթանակ |
Dublin Film Critics' Circle | «Լավագույն դերասանուհի» | Հաղթանակ[11] | ||
Բրիտանական անկախ կինոյի մրցանակ | «Լավագույն դերասանուհի» | Հաղթանակ | ||
Եվրոպական կինոակադեմիայի մրցանակ | «Լավագույն դերասանուհի» | Առաջադրված | ||
BAFTA | «Հռչակը տարածվող աստղ» | Առաջադրված | ||
Կայսրության մրցանակ | «Լավագույն առաջնելույթ» | Առաջադրված | ||
2019 | Օրենքից դուրս արքան | BAFTA Scotland | «Լավագույն կինոդերասանուհի» | Առաջադրված |
Արևահավասար | Գոթեմ մրցանակ | «Լավագույն դերասանուհի» | Առաջադրված | |
2020 | Միջազգային կինոփառատոն Սանտա-Բարբարայում (SBIFF) | «Վիրտուոզների մրցանակ» | Հաղթանակ | |
2020 | Փոքրիկ տիկնայք | Օսկար | Երկրորդ պլանի լավագույն դերասանուհի | Առաջադրված |
Ծանոթագրություններ
[խմբագրել | խմբագրել կոդը]- ↑ 1,0 1,1 https://www.zestvine.com/florence-pugh-british-actress/
- ↑ https://www.harpersbazaar.com/culture/film-tv/a40772062/florence-pugh-dont-worry-darling-interview
- ↑ Florence Pugh, Biography
- ↑ The Falling review: combining kitchen-sink grit and otherworldly mystery
- ↑ Film Review: ‘Lady Macbeth’
- ↑ Флоренс Пью
- ↑ Florence Pugh Proves Herself a Star in The Little Drummer Girl
- ↑ Florence Pugh
- ↑ Edelstein, David (2019 թ․ հունիսի 19). «Ari Aster's Midsommar Is an Ambitious, Blurry Horror Trip». Vulture. Վերցված է 2019 թ․ հունիսի 26-ին.
- ↑ Scarlett Johansson’s ‘Black Widow’ Movie Adds Florence Pugh
- ↑ Dublin Film Critics' Circle(անգլ.) // Wikipedia. — 2019-10-12.
Վիքիպահեստն ունի նյութեր, որոնք վերաբերում են «Ֆլորենս Փյու» հոդվածին։ |
|