Փոլդաշտ շահրեստան
Փոլդաշտ շահրեստան պարս.՝ شهرستان پلدشت | |
---|---|
Երկիր | |
Կարգավիճակ | շահրեստան (գավառ) |
Մտնում է | Արևմտյան Ադրբեջան օսթան |
Վարչկենտրոն | Փոլդաշտ |
Բնակչություն | 42 170 մարդ (2016)[1] |
Փոլդաշտ շահրեստան (պարս.՝ شهرستان پلدشت), շահրեստան (գավառ) Իրանի հյուսիս-արևմուտքում՝ Արևմտյան Ադրբեջան օսթանի հյուսիսարևելյան մասում։ Բնակչությունը վերջին մարդահամարի տվյալներով կազմում է 42 170 մարդ (2016)[1]։ Վարչական կենտրոնը Փոլդաշտ քաղաքն է։ Շահրեստանը ստեղծվել է 2007 թվականին Մակու շահրեստանի հարավարևելյան շրջանների առանձնացման արդյունքում[2]։
Հյուսիսից սահմանակից է Ադրբեջանի Հանրապետության Նախիջևանի Ինքնավար Հանրապետությանը, որից բաժանված է Արաքս գետով։ Հյուսիս-արևմուտքից սահմանակից է Արևմտյան Ադրբեջան օսթանի Մակու, արևմուտքից` Շոթ, հարավից` Չայփարե շահրեստաններին, արևելքից` Արևելյան Ադրբեջան օսթանի Ջուղա շահրեստանին։
Շահրեստանը տարածված է Արաքս գետի աջ ափին` Նախիջևանի Ինքնավար Հանրապետության հանդիպակաց ափին։ Օսթանի տարածքը սկսվում է Իրանական Ջուղայից մոտ 15 կմ արևմուտք և տարածվում դեպի հյուսիս մինչև Շարուրի դաշտի հանդիպակաց հատվածը։ Օսթանի տարածքում է գտնվում Արաքս գետի վրա կառուցված Արաքսի ջրամբարը, որն օգտագործվում է Ադրբեջանի հետ համատեղ։
Բնակչություն
[խմբագրել | խմբագրել կոդը]2011 թվականի մարդահամարի տվյալներով շահրեստանի բնակչությունը կազմում էր 42 071 մարդ՝ 10 654 տնային տնտեսություններում[3]։ Ըստ վերջին՝ 2016 թվականի մարդահամարի տվյալների՝ բնակչությունը կազմում էր 42 170 մարդ՝ 11 537 տնտեսություններում[4]։
Բնակիչերը հիմնականում իրանական ադրբեջանցիներ են։
Վարչական բաժանում
[խմբագրել | խմբագրել կոդը]Վարչական տեսանկյունից շահրեստանը բաժանված է 2 բախշերի (շրջանների), որոնք իրենց հերթին ընդգրկում են 4 գյուղական շրջաններ և 2 քաղաքներ։ Շահրեստանի բաժանումը վարչական միավորների ըստ վերջին մարդահամարների բնակչության տվյալների հետ մեկտեղ բերված են աղյուսակում ստորև.
Վարչական միավոր | 2011[3] | 2016[4] |
---|---|---|
Կենտրոնական շրջան (բախշ) | 28 022 | 28 377 |
Չայբասար Շարքի գյուղական շրջան | 6 963 | 6 331 |
Զանգեբար գյուղական շրջան | 11 096 | 10 574 |
Փոլդաշտ (քաղաք) | 9 963 | 11 472 |
Արազ շրջան (բախշ) | 14 049 | 13 793 |
Գեջլարաթ Ղարբի գյուղական շրջան | 4 020 | 4 272 |
Գեջլարաթ Շարքի գյուղական շրջան | 7 268 | 6 854 |
Նազոքե Օլյա (քաղաք) | 2 761 | 2 667 |
Ընդհանուր | 42 071 | 42 170 |
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 نتایج سرشماری جمعیت به تفکیک تقسیمات کشوری سال 1395
- ↑ Davodi, Parviz (1386 թ․ սեպտեմբերի 18). «Approval letter regarding reforms of country divisions in West Azerbaijan province». Islamic Parliament Research Center (պարսկերեն). Ministry of Interior, Political-Defense Commmission. Արխիվացված է օրիգինալից 2014 թ․ ապրիլի 13-ին. Վերցված է 2023 թ․ նոյեմբերի 21-ին.
- ↑ 3,0 3,1 «Իրանի Իսլամական Հանրապետության մարդահամար, 1390 (2011)» (Excel) (պարսկերեն). Վերցված է 2022 թ. դեկտեմբերի 19-ին.
- ↑ 4,0 4,1 «Իրանի Իսլամական Հանրապետության մարդահամար, 1395 (2016)» (պարսկերեն). Արխիվացված է օրիգինալից (Excel) 2022 թ. օգոստոսի 30-ին. Վերցված է 2022 թ. դեկտեմբերի 19-ին.