Christian Bale
Christian Bale | |
---|---|
Land | |
Nascentie | 30-im de januar 1974 in Haverfordwest, Gallia |
Ocupation | Actor |
Christian Charles Phillip Bale es un actor de cinemá e television del Reyatu Unit e de USA. Il nascet li 30-im de januar 1974 in Haverfordwest, Pembrokeshire (Gallia) e il ganiat mult international premies quam unvez li Oscar-premie e duvez li Golden Globe Award.
Christian Bale nascet in Gallia, ma il regarda se self quam angles. Quande il esset in li etá de 2 annus su familie translocat de Gallia a Anglia. Quande il havet 17 annus il translocat a Los Angeles in li Unit States de America e il recivet li civitá de USA.
Christian Bale es activ quam actor desde li annu 1982. Il ja ludet in li etá de 13 annus in li film de Steven Spielberg Empire of the Sun in li annu 1987. Christian Bale devenit internationalmen famosi per li rol del serial-mortator Patrick Bateman in li film American Psycho (Film) in li annu 2000.
Altri famosi filmes in queles in ludet es li Batman-trilogie, Thee Prestige (2006), Terminator Salvation (2009), Public Enemies (2009), Exodus: Gods and Kings (2014) e Thor: Love and Thunder (2022). Il ganiat li Oscar-premie e li Golden Globe Award por li film The Fighter (2010).
Christian Bale es maritat desde li annu 2000 con Sibi Blažić e li pare have du infantes.