Hedwig Dohm
Hedwig Dohm | |
---|---|
Land | |
Nascentie | 20-im de septembre 1831 in Berlin |
Morte | 1-im de junio 1919 in Berlin |
Ocupation | Autoressa, political activista |
Marianne Adelaide Hedwig Dohm (nascet quam Marinna Adelaide Hedwig Schlesinger) esset un autoressa e political activista por li yures de féminas de Germania. Ella nascet li 20-im de septembre 1831 in Berlin e morit li 1-im de junio 1919 in Berlin. Hedwig Dohm esset unesim feminist teoreticas.
Hedwig Dohm maritat in li annu 1853 li chef-editor del satiric revue Kladderadatsch Ernst Dohm. Li cuple havet un filio e quar filias. Hedwig Dohm esset li ava de Katia Mann, qui devenit li marita del famosi german scritor Thomas Mann.
Hedwig Dohm publicat inter 1872 e 1876 quar feminist libres. In li annu 1873 quam unesim fémina ella demandat li yure por féminas electer in political electiones. Li cardinal tese de Hedwig Dohm esset que li diferent conduida del sexus es un consequentie del cultural pression e ne de un biological determination.
In li annu 1883 su marito Ernst Dohm morit. Hedwig Dohm scrit pluri novelles e romanes. Ella esset membre de diversi associationes por li yures de féminas.
Hedwig Dohm esset pacifista e ella refusat li Unesim Guerre Mundal. Ella ancor vivet quande in li annu 1918 in Germania li yure de election por féminas in Germania devenit un realitá in Germania.