Jacob Grimm
Jacob Grimm | |
---|---|
Land | |
Nascentie | 5-im de januar 1785 in Hanau |
Morte | 20-im de septembre 1863 in Berlin |
Ocupation | Linguist, Etnolog |
Jacob Ludwig Karl Grimm esset un famosi liguist e etnolog de Germania. Il nascet li 5-im de januar 1785 in Hanau e morit li 20-im de septembre 1863 in Berlin. Il devenit anc famosi quam editor de fabulues juntmen con su juniori fratre Wilhelm Grimm. Quam linguist Jacob Grimm esset tre important por codificar li german lingue.
Personal e professional vive
[modificar | redacter fonte]Jacob Grimm esset in li scola in Kassel e studiat in Marburg jurisprudentie, ma su ver interesse esset li ancian german litteratura.
Jacob Grimm studiat anc slavic lingues e laborat quam bibliotecario. In li annu 1830 il devenit professor al universitá de Göttingen.
Pos li fine de su political activitá in li annu 1848 Jacob Grimm concentrat se pri li labore por li Deutsches Wörterbuch (German dictionarium). Jacob Grimm es anc egardat quam fundator del scientie de antiquitá in Germania.
Politica
[modificar | redacter fonte]Jacob Grimm esset activ in li liberal political movement de Germania in li 19-im secul. Il devenit membre del national assemblé de Germania in Frankfurt in li annu 1848, ma ye li 2-im de octobre 1848 il demisset e finit su political activitá.
Ovres
[modificar | redacter fonte]- 1812-1815 Kinder- und Hausmärchen (Fables), Berlin.
- 1816-1818 Deutsche Sagen, Berlin.
- 1819 Deutsche Grammatik (German grammatica), Göttingen.
- 1835 Deutsche Mythologie, Göttingen.
- 1848 Geschichte der deutschen Sprache (Historie del german lingue), Leipzig.
- 1854 Deutsches Wörterbuch (German dictionarium), Leipzig.