Sahra Wagenknecht
Sahra Wagenknecht | |
---|---|
Land | |
Nascentie | 16-im de julí 1969 in Jena |
Ocupation | Politico, Publicist |
Sahra Wagenknecht (nascet quam Sarah Wagenknecht) es un féminin levul politico e publicist de Germania. Ella nascet in li 16-im de julí 1969 in Jena e esset inter 2015 e 2019 co-presidente del fraction del radical levul partise Die Linke in li parlament de Germania. Ye li 23-im de octobre 2023 Sahra Wagenknecht abandonat li partise Die Linke e anunnciat li fundation de un partise con li nómine Alliantie Sahra Wagenknecht - Alliantie por rason e justicie. Ella devenit ye li 8-im de januar 2024 co-presidente del partise Alliantie Sahra Wagenknecht - Alliantie por rason e justicie.
Personal e professional vive
[modificar | redacter fonte]Li patre de Sarah Wagenknecht esset de Iran, ma desaparit durante un viage a Iran.
Sahra Wagenknecht studiat filosofie e economie in Groningen (Nederland) e Chemnitz. Ella fat su doctoratu in li annu 2012 in Chemnitz.
Inter 1997 e 2013 Sahra Wagenknecht esset maritat con li publicist Ralph Thomas Niemeyer. Desde li annu 2014 Sarah Wagenknecht es maritat con li levul politico Oskar Lafontaine.
Political cariera
[modificar | redacter fonte]- 1989 Sahra Wagenknecht devenit membre in li Socialist Partise del Unitá de Germania in li German Democratic Republica.
- 1991-1995 Membre in li presidentie del Democratic Partise del Socialisme.
- 2000-2007 Denov membre in li presidentie del Democratic Partise del Socialisme.
- 2004-2009 Sahra Wagenknecht esset membre del Europan Parlament por li Democratic Partise del Socialisme e su successor partise Die Linke.
- 2009 Sahra Wagenknecht es electet in li parlament de Germania.
- 2010-2014 Vice-presidente del radical levul partise Die Linke.
- 2015-2019 Sahra Wagenknecht esset co-presidente del fraction del radical levul partise Die Linke in li parlament de Germania juntmen con Dietmar Bartsch.
- 2018 Sahra Wagenknecht iniciat li levul organisation aufstehen, quel vole colecte diferent levul partises e organisationes.
- 2019 Sahra Wagenknecht retirat se del organisation aufstehen.
- 2023 Sahra Wagenknecht abandonat ye li 23-im de octobre 2023 li partise Die Linke e anunciat li fundation de un nov partise con li nómine Alliantie Sahra Wagenknecht - Alliantie por rason e justicie. Wagenkneckt esset criticaci contra li politica del presidentie del partise Die Linke.
- 2024 Sarah Wagenknecht es electet ye li 8-im de januar 2024 quam co-presidente del partise Alliantie Sahra Wagenknecht - Alliantie por rason e justicie.
Politica
[modificar | redacter fonte]Sahra Wagenknecht es membre del levul parte del partise Die Linke. Ella es critical contra li grand númere de illegal inmigrantes in Germania. Sarah Wagenknecht suporta un strett relation con Russia e ella es contra li suporte de Germania por Ukraina in li guerre contra Russia. Ella egarda se quam comunista.