Wp/arq/كافكا، فرانتز

فرانز كافكا
فرانز كافكا ف 1923
السميّة الحقّانيّة:
خدايمهُ:	كتاتبية
تاريخ تاع الزيادة:	3 جويلية 1883
بلاصة تاع الزيادة:	پراڤ, بوام

فرانز كافكا, كاتب نمساوي و مجري يهدر ب لالمانيا و يهودي الاصل , زاد ف 3 جويي 1883 في پراڤ و مات ف 3 جوان 1924 في كيرلينڤ. دايرينه مالكتاب لكبار تاع لعشرينيات

. معروف ب رويات تاعه كيما الروايا تاع الشرع و الشاطو و تاني ب لحكايات لقصار كيما لاميطامورفورز و الحبس تاع لاكولوني, فرانز كافكا مع ڤاع هذا خلا خدمة واسعا بزاف , معروفة بالكوشمار , حيتاش لبيروقراطيا و المجتمع فيها مسيطرين بزاف على الفرد . مارسان هادريك وصف هاذ لحال بلي "موضوعية غريبة ياسر" .

يشوفو بلّي خدمة كافكا تبين لبنادم المڤلوع من جدرته ف لوقت جديد . بصّح واحد ناس يحسبوها غي محاولا تاع مدابزة بين لي كيپ لرابحا باش يردو لبنادم يخطار لي شّوا تاعه لوحده و يكون لمسّؤول عليها.

سيرتو

لافامي و لاجوناز

كافكا و هو صغير

فرانز كافكا زايد في عام 1883 في جونسيفوڨ في كارطي يهودي في پراڨ، العاصمة تاع محافظة من بوهيميا، شويا من امبرطورية تاع نمسا مجرية. يلقبوه كافكا طريق غراب في التشيك (كاڤكا). وهو وليد هيرمان كافكا (دي) (1852-1931) وجولي كافكا، اللي ولد لوي (1856-1934)، من فاميلية مرفحة من بودبرادي. جا جدو تاع باباه ، جاكوب كافكا ، من أوسيك ، وهي دوار اقليمي في جمهورية التشيك ، باش يصنع شركة صغيرة في پراڤ .

الخواتات ڤابرييل (إلي) وڢاليري (ڢالي) وأوتيلي (أوتلا) كافكا ، 1898

فرانز كافكا عنده زوج خوت ، جورج و هاينريش، لي ماتوا صغار شوية ، في سنوات 1885 و 1887، و ثلاث خواتات صغار , ڨابريال (إيلي) في (1942_1889) و ڢاليري (ڢالي) في (1942_1890) و أوتيلي (أوتلا) في (1943_1892) ، لي يامات الحرب العالمية الزاوجة رحلوهم في حي يهودي في لودز . شك الكبير أيلي و ڢالي قتلوهم في خيمنو في لخريف عام 1942 . وماتت أوتلا في أوشفير في سبتومبر 1943.

صورة لستوديو. كافكا ، الي عمره بين ربع سنين و سته ، "لابس كسوة طفل رقيق و شين ، و محمل بالشبيكة ، واڨف فما في بلاصة يصّور جاري شتوي [...] .

كافكا عاش صغره وحده. لغة لحقانية هي لالمانيا, ڨاع هذا يڨرب 10 بلمية من غاشي پراڤ ف داك الوقت.

الكافكا هوما يهود . كافكا يوصف و كتاب سيرتو , باباه عندو علاقة صعيبة بولدو و مع ڤاع دا شي متربطوش علاقة خشينة مع موه, بصح يعامل العايلة تاعها لمعروفة بالفكر , عكس باباه تاجر .

, سكنا تاع كافكا ف پراڤ في 27 كارطي دّوسني ، مل 1889 ل 1896.

بين 1889 و 1893 ، لتحق بلمدرسة الإبتيدائية في فليشماركت (ليوم في شارع مانسي) في پراڨ ، تماك وين بين نفسو تلميذ مليح ، تربيتو اليهودية قتاصرات بلإحتفال تاطاعش عام و الحظور ربعة خطرات فل عام فل خدمة الكنيس.

كافكا وهو تلميذ

بعد دراسته الإبتدائية ، قبلو بيه فل كوليچ تاع الحكومة في پراڨ ، le Altdtädter deutsches Gymnasium germanophone . كمل قرايته عام 1901 ،بكري ، كان مهتم بل الأدب ( أول كتاباته تبحرت ، ولى بلاك كافكا بروحه قاسهم ) ومهتم أيضا بلأفكار الإشتراكيين . صحابو هوما رودولف ايلوي، هيڨو بارڨمان ، ايوالد فيليكس پريبرام ، ولى تاني أوسكار پولاك ، فوت لي ڢاكونس تاوعه فلا كومپان ، عند عمه سيڨفريد لي كان طبيب تاع تريش

لكاريار تاعه

مور الباك تاعه فل 1901 كافكا راح يسافر لل نوردني وهيليغولاند وفلْخريف بدا قرايته في جاميعة سمّوها تشارلز جاية في پراڤ .كي فاتو سمانتين وهو يقرا فلْكيمياء خمّمْ باش يقرا لْقانون ويْكمل يقرا جيرمانيستيك وتاريخ لْفن ،حوّس شويا أيا ودْخل للْLese-und Redhalle der deutschen Studenten ,لي هي جمعية طلابية ،لي بين بزاف صوالح ، تنظم أحداث ومحاضر أدبية.

في عام 1901 تعرف عل ماكس برود ، لي ولى صاحبو لقريب ليه ونشر الأعمال تاوعه وبارطاجها لاپارتي لكبيرة من كتوبات كافكا مورا لموت تاعه , في عام 1906 عطاوه شهادة دكتورا فالقانون البروفيسور الفريد ويبر، ودرب في الخدمة الوطنية مدة تاع عام في دار شرع تاع براغ . عام 1909 بارطجا المقالة تاعو نثرية لولى في مجلة هايبريون ب ميونخ.

في 1 نوفومبر عام 1907 ، دخل في Assicurazioni Generali,لي هي شركة تأمين تجارية نمساوية قبل عام 1919 ، مورا ما خدم تماك تسع شهر برك ، حط إستقالة في 15 جوان 1908 ، خاطرش مدة لعمل طويلة وكانت تعطله باه يمارس لكتابة . مورا سمانتين ، لتحق بخدمة Abriter_Unfall_Versicherungs_Anstalt für das Königreich Böhmen (مؤسسة لاسيرونس كونتر لي زاكسيدو تراڢاي في مملكة بوهيميا) ، خدم تماك حتى دا لا روترات على لبكري في عام 1922. مالڨري مصنف خدمته على أنها مش مليحة "كسب الخبز" لكن لخدمات تاوعه مقيمة بشكل إيجابي بزاف من طرف مول الشي علا حساب الترقيات تاع لا كاريار تاعه ، كانت مهمة تاعه هي يدير حد للدونچي لي كان يتعرضلها العمال لي كانوا يخدموا على ماشينات الواعرة في داك الوقت ؛ وبسباب هاذ الشي كان يروح يزور لوزينات ويكتب كتيبات إرشادية . مع كان مسؤول على تصنيف المصانع إلى مجموعات معرضة للدونچي . دفعاته الحقيقة انو ضمير تاعه يتأنب نهار كان لازم عليه يطعن في طلبات التعويض ، لكن الشركة مين داك تخليله أمكانية باش يتصالح مع الضحايا ، لي كانوا يتعرضوا لل بليسير ولى لإعاقة مدى الحياة . في سيبتومبر 1909 ، نهار كان في إجازة في ريفا ديل جاردا مع أوتو و ماكس برود ، عرف بسباب بوهيميا بلي أول إجتماع جوي دولي في إيطاليا غادي يديره في مونتيشياري ، وقرر يروح لتماك مع برودز ، خاطش حتى واحد فيهم چامي شاف طيارة ، خصصلها فرانز كافكا راپور ، في نصخة مختصرا ، تبارتاچا تاكست تاعه بتيتر طيارات في بريشا في بوهيميا رقم 269.

ومع كان خدام في شريكة لاسيرونس ، كافكا واصل لكتابة ، وكان يمشي على وحد پروڨرام ، في الصباح ، يخدم فل لمكتب ، وفي لڨيالة يرقد شي سوايع ، من بعد يدير كاش تحويسة خفيفة ، وياكل مع صحابه ولى لافامي تاعه ، آپري يبدا لكتابة مع العشية ، وهو ناشط حتى نص ليل ، وحد ليلة كتب قصة داس أرتيل (Le Verdict)

لعلاقات تاعه

تمثال برونزي يشبه لكافكا نحته ياروسلاف رونا ف 2003 ، تخيله مل شبه لجديد للمدابزة (Beschreibung eines Kampfes) ، جاي ف كارطي دوسني ، قدام الكنيسة لسبانية پراڤ .

صحابه لقراب ليه هما ماكس برودو لفيلسوف فيليكس ويلتش و صهيوني هوغو بيرغمان و لي يعزف فلبيانو اوسكار باوم.

كافكا كان عنده كومپلاكس فل علاقات مع نسا ، عام 1912 ، تلاقي   في دار ماكس برود مع لبرلينية فيليس بارو (1887_1960) ، كانت تمثل شركة ديكتافون . في مدة خمس سنين ورا بعضاها ، بدات لعلاقة تتطور بين كافكا وفيليس . يجتمعو خطرة على خطرة، من كوتي تاع كافكا ، كان داير لأولوية للكتابة ولحب لأفلطون(الأدب) ، منبعد عرف بلي  محال يكون عنده حياة زوجية مع فيليس، سيغتو هي تاني كانت تميل للعزلة وكانت تبلع على روحها فل بيرو ، وهاذ لشي خلا علاقة تاعهم تحبس في عام 1917 ،

في 1919 كافكا خطب جولي ووريزك (دي) (1891-1944) ، سكريتارا من پراڨ، بصح باباه مبغاش لعلاقة تاعهم . وكملت في نفس سنة - مما نعرفه ، بمبادرة جولي، بصح هاذ شي خلى كافكا يزيد يكره باباه وخلاه يجي ضدو في لبروجي تاع الكومارس ، وكتب ميساچ لباباه بصح مرسلهولوش .

في العشرينات لولا 1920 ،صرا علاقة صغيرة بصح كانت متينة بزاف بين كافكا والجورناليست ولكتابةالأناركي التشيكي ميلينا جيسينسكا (1896-1944). من بين قاع نسا لي كانو في حياتو بصح كان عندو أمور خلاف - بلاك ميلينا فهماتو ذا الكاتب لي يتحسس بزاف ، مالقري مكانوش يتلاقاو بزاف بصح خلاتو يبعد على الخوف . بصح مع تالي مريحش لذا لارتيست.

في عام 1923 راح ل برلين وحد لوقت . في بالو باه يركز مليح فالكتيبا ،بعيد على اهلو و فهد لوقت تلاقا ب دورا ديامانت (1898-1952) و لي هي شيخة فلاكراش نتاع ذراري عندها 25سنة من فاميلية يهودية ارثوذكسية بولندية .ولات بورلا صحبت كافكا في برلين و كان عندها دفعة صحيحة فالشي الّي يهمو بالتلمود .و عاش معاها فرحانين فحياتهم كيما مكانش حاسب يصرالو و مع بعضياتهم ولاو يخمو يهاجرو ل فلسطين و هو صهيوني نيشان تعلم لعبرية منبعدا شاف الكره فعينين اليهود و الالمان (اليهود يكرهو لالمان )..ايا كافكا خلا روحو يضرب على نزعة انسانية ليبرالية .

صحته

لقبرتاع فرانز كافكا ، في پراڤ ، ف لمقابرا ليهوديا لجديدا

فعام 1917 ، بدا يكح دْم نْهار ورا نْهار أيّا ومْرض بسُّل. هذا خلاه يشك بهبال فرسايل تاوعه لفيليس ، أيّا ودار لمرض تاعه سبة باش يبطل لْخطبة تاعه. بصح حالته كل كاتب كيما عقبة قدام حياة فاميلايال نورمال . و لي كانت غادي تولي بروبلام كبير مع فيليس لي حابسة في راسها شوية و ناشطة بزاف .

كافكا لي بانت عليه القلق تاع المرض وبدا يتوسوس منه ، عانى كيما يحسبو ضروك ، ملقنطة تاع الفراش، و لافوبي تاع الناس , و يبان عليه فاني شي صوالح يقولو بلي بسبة التعب ، كيما شقيقا ، و الفشلة ، و المسران و الحب المقيح . مكانش يدير ثيقة فل طب تاع داك لوقت ، و يبغي يحارب لمرض تاعه بدوا تاع برا ، كان يمشي بريجيم نباتي و يشرب حليب البقرة . كان يبروفيتي ملي فاكونس تاعه باش يروح لسبيطار ، و دايمن ما يعطيله مول الشي فاكونس باش يروحلها ، في عام 1922 لكاتب راح باش يدي لروترات بكري ، على جال مرضه.

وضعية تاع كافكا تحسنت بقوة بعد مرواح تاعه لبارلين ، وكتب ملجديد بزاف ، بصح شتا 1923_1924 في برلين السومة تاع السلعة زادت فيه بزاف و زادت كملت على صحتو لمكملة . السلعة لي يكونصوميها قليلة ولازم يجيبها من براغ ؛ لوجمو لي فيه مفيهش حمان باش يبرا . مين جا صاحبو برود باش يرقب عليه في مارس 1924 ، زادت كملت الحالة تاع كافكا لدرجة وين وصل داه معاه ل پراڨ . في افريل، وشخصولو حالتو وصابو فيه سل فل الڨرجومة .

مور هاذ شي مغاديش يديها كافكا لوقت طويل بسكو معندناش دواء يقاوم هاذ لمرض .وصل لوحد درجة وين ولا ذا لكتاب ميطيقش ياكل .وذي لحالة داية شوية لجريجور في ميطامورفوز و الكاركاتار اللول في قصته لقصيرة لفنان الجيعان (Hungerkünstler). فلشهور توالا ، عاونو طبيب تاعو وصاحبو جان روبرت كلوبستوك (1899-1972)، لي دار كفاكا ف سونتخ ماتلياري بصح الحاجة الوحيدة لي تعاونو هيا دي كالمو .

كافكا أپري دخلوه سونتر تاع كيرلينج ، جاي حذا فيينا ، مات وهو عند 40 سنة هكا ، في 3 جوان 1924 ، شك كبير مات بسباب السل ولى سوئ تغذية ، دورا ديامانت كانت حداه ، داو جثة تاعه لل پراڨ ، دفنوه عام 11 جوان 1924 ، في مقبرة يهودية جديدة في منطقة جيكوف (پراڨ_شتراشنيتز)

خدمته تاع لكتيبة

كافكا داير داير بلي لكتابة حاجة ضرورية ياسر ، بل نسبة ليه هي نشاط للجسم وروح ،ف برية ل صاحبه أوسكار بولاك ، في يناير 1904 ، على حساب هدرته :

« ليق يكون لكتاب كل فاس لي يقسم لبحر متجمد لي في داخلنا ، هذا ما نأمن ».

كيما يقول تانيك :

« يلا كان ىكتاب لي نقراوه ميفطناش بظربة للراس واش لفايدة ».

بلنسبة لكافكا ، لازم علينا نكتبو شغل رانا في طريڨ مظلمة ، بلا ما نعرفو كيفاش راح تتطور الشخصيات منبعد.

لخدمة لفنيا

باجات مخطوطا تاع كافكا بكلمات بالعبريا ولالمانيا ، 1922.

كفاكا يكتب بلالمانيا ، بصح يرسل وحد رسالا ت لمدامتو ميلينا جيسينسكا مكتوبين بالتشيكية.

كافكا بارطجا وحد شوية تاع ليزيستوار ڨصيرة في حياتو ، وزيد بزيادة لاميطامورفوز (Die Verwandlung) و لحكم ، و بتالي حاجة صغيرة بزاف مل خدمة تاعو . وحد نصوص لي مبارطاجيها هي قاع بارتي مل خدمة لي طال فيها مكملتش ومنشرهاش مين مات ، كما لخياطة , مڨطع مل رواية لولى الماريكان ، و ڨدام القانون (Vor dem Gesetz)، مڨطع مل رواية زاوجا ، لمحاكمة (Der Prozess). وبقات رواية ثالثة وتاليا مكملهاش ومنشرهاش في حياتو لي هيا القلعة (داس شلوس).

ماكس برود في پراڤ ، 1914.

قبل الموت تاعه ، كافكا قال لصاحبه ماكس برود بالكتبة لازم عليه و بسيف يحرڨ ڨاع لمخطوطات تاعه.

«هنايا ، عزيزي ماكس ، هي دعوتي التالية : ڨاع لي تصيبوه في ما غادي نخليه مورايا ( زعما فبيبليوتاك تاعي ، في خزنتي تاع لكسوا ، في بيرويا ، في الدار ولا في بلاصة وحداخڨا) ، قاع ما عندي من كراريس تاع لي نوت ولمخطوطات والبرپاتڢالبريفي و لا لا .... ,غاديڨ ينحرقو بلا مينقراو ، بزيادة لڨاع لكتيتابات و لي نوت تاعي لي راهي عندك ؛و للخرين ، غادي تسقسيهم . يلا كانت كاينة بريات مبغاوش يرجعوهالك ، لازم علينا عل لأقل نديرو عهد باش نحرڨوها . ليك من ڨلبي ».

— فرانز كافكا.

ڤاع و هاك، ماكس برود قرر باش ميحتارمش رغبات تاليا تاع كافكا ، برود يعرف غايا خدمة كافكا و يقدرها بزاف و كان ديجا قال لصاحبه شحال من خطرة غادي دير لي عليك و تعيا باش تبقى خدمة للجيل لي جاي . قعدو شوية حتى بدات لهدرة على "وصية" برود اوف كافكا ( هي ميساج قصير ) مزال معرفنا ايلا كان كافكا يحوس يخصر ڤاع خدمته لي منشرهاش( برطجاها) ، و منجهة وحدوخرا لكاتب بروحه هو لي خصر ولا خلي صحبته درة تحرڤ مخطوطات بزاف ، كيما كاين فاني قصص و مسرحية وحدة ، وكان قادر يحرڤ لي بقاو بصح مدرهاش.

أشّي لي يتْعلّق بلْحيلات نتاع كافكا لي مكانتش عند بْرود قْبل لحرب، ولْجستابو دَارْ عاهد باش يرضِّي رغبات تَّالية نتاع لكتاتبي، فلْبدية نتاع 1933،بعْد ما هتلر كان مَسْيطر على سُّلْطة، من جهة باش يقضو على عشرين صحيفة وخمسَ وتْلاثين صحيفة. بْراوات فسُّكنة تاع دورا لي جاية في بارلين. ملڨري ڨاع ملّي كان يصراو تدخلات لسّفارة تْشيكية في برلين بصّح ملقاوش هذيك لْمخطوطات وزيد ثاني هدوك لْقِطع لِّي دَّاوهم نَّازييس مزالت مْودرة حتى لضروك.

پلاكة تذكارية تاع كافكا في برود في ڢيينا (النمسا).

برود يدبَّر راسه، على خاطر هو كان كونتر لتَّعليمات نتاع صاحبه، لِّي نْشر معظم لْخدمات تَّاوعه مور مين مات، أيَّا ونْشر روايات نْتاع كافكا لْعظيمة لمدة عندها بزااف، بصَّح مكانش قادر باش يْلايمْ وينشر لْخدمات تاوعه لِّي بْقاو، وسورتو هذوك لْمذكرات وبزااف بريات ، قبل ما تتفجر لْحرب لْعالمية زَّاوجة. فْهذاك لْيل لي نَّازييون حْتلُّو بْراڨ في مارس 1933،أيَّا قْدر باش يهرب لْفلسطين بلْمخطوطات نْتاع كافكا لِّي كانتْ عندو وكان هو كاسبها . باش يقدر ثمَّاك ينْشرْ لْخدمة تاع صاحبه درجة درجة .

تمثال يفكر هم كافكا ، في بلاصت زيادة تاعه ،لاكور فرانز كافكا.

لكاتب ألكسندر فيالات هو لي عرف بقيمة كافكا لبيبليك تاع فرنسا . بعدما كتشف لشاطو في عام 1925 ، و قال غادي نترجم لمحاكمة ولاميطامورفوز،و لبرية لميلين بلفرنسي . برطجا بزاف مقالات مهمة على لكاتب في براغ داروها قاع في مجلد واحد اسمو : مون كافكا (10/18 ، منبعد لبريات شابة 2010) . ترجماته كانت مع كلود ديفيد، وثقوها في طبعة لابلياد لخدمة لنشرها عام 1976. من عام 2018، جان بيير لوفيفر ، استاذ لادب للماني و مترجم للماني ترجم كافكا في كتاب جديد من لا بليياد .

على حساب طبعة لنجليزية للشاطو ( لشاطو ، كتب شوكن، 1998) ربح مالكولم باسلي في عام 1961 ف لم قاع مخطوطات كافكا في بيبليوتاك تاع بودليان في جاميعة أكسفورد. و تشرا نص لول تاع لمحكمة في وقت وحدوخر باش يبيعه برا و خلا عنده حتى لضروك فلرشيف لادب للماني في مارباخ.

باسلي بعدما جاب قاع مخطوطات كافكا أسس مجتمعا( مع غيرهارد نيومان و جوست شيلميت و يورجن بورن من قاع لخرين ) باش يرجع روايات كيما كانو ، نشر س.فيشر فيرلاغ روايات لي عاودهم. كان باسلي تالي لي خرجهم لداس شلوس( لشاطو ) عام 1982 و دار فيرشلون ( لمحكمة) عام 1990 . كان جوزت شلميت هو لمخرج تالي لدار فرشلون ( اسم كافكا ماكس برود اسم مريكاني) عام 1983 . هذي طبعات لمهمة كاين فلنترنت اسمها بروجي كافكا . بعد ما مات فريفاو قاع خدمته و شا نتاقد و شكر

,كافكا ضروك هو كاتب طليعي مهم .

لبريا تاع كافكا لباباه

ڨاع لِّي كتْبه كافكا كان يعكس مشاعر لْمجتمع فلبدية نتاع لْقرن لْعشرين .شخصيات تاّوعه تتطور فعالم يْكون فيه لْعلاقات ولْعلاقات لي تحكمهم مشي مفهومة ليهم ،مين يبغو يسلموهم ،عاجْزين ،للقِوى مشي معروفة ،كشغل راهم ينومو ولاّ يتخايلو ،لحياة لغز معندهش لْحل ،حاجة مْودرة منعرفوش مخرج تاعها منين وشاهو شي لّي راه يقارعلنا لهيها.

كافكا يقرا نفسية نتاع شخصيات تاوعه كي يواجه مواقف مشي نورمال ،ميعرفو لا منين دخلت ولا خرجت ،ولْعلاقة تاعهم بلّي دايرين بيهم. كافكا يْعالج لْمواضيع نتاع لْوحدة ولْأحلام ولْمخاوف ولْعقيدات .شخصية مودرة ،ويْخاف ،مايفهمش كل شي بلّي دايرين بيه . لْجو لْخاص بروايات نتاع كافكا ولْقصص تاوعه لقصار باش تْبان صفة "كافكان" ،ولّي تمعني لشي تافه ومشي منطقي ويْخوَّفْ ومشي مفهوم.

بصَّح من ڨااع لْخدما نْتاع كافكا، يظهر بلِّي كاين انعكاس نتاع دْراهم ومنير عْلى لْأسرة ولْمجتمع ولْحرب لي يديرها كل واحد ضد نفسو إيلا كان كان باغي يلقى بلاصته فيه.

ملڨري هو يْهودي، بصَّح كافكا يخلِّي بلاصة ناقْصة ولا ميخليش أصلا للصهيونية فخدمته، ملڨري هاذ لجهة تاع سياسةكان حاضر فيها بزااف بين ليكيفه فدّين كيما هو في أوروپا لوسطانية فلْبدية تاع لْقرن لْعشرين. معندهش بزااف ملي مات، كْتبْ لكتاتبي فيليكس ويلتش، لّي كان يتلاقاه فحياته كااملا، فصَّحيفة Jüdisches Selbstwehr Volksblatt بلِّي كافكا كان صهيوني لمدة بزااف طويلة.، حتى ولوكان مكانوش يعرفو بيه وداريين بيه.

كافكا ف فرنسا.

تنشرت خدمة كافكا كومبلي للخطرا لولا ف فرانسا 1962 مور كلود تشو، لي خرج دايرة لكتاب لغالي ، في كتاب خرجه و زربعه مارثي روبرت . يرجع شكر لكبير في هذ لخدمة لي بالفرنسي ل أن كافكا تشهر بلترجمة في لبلدان لخرى ، و كثر وحدة لغة رومنسية.

لأدبي الكريتيكي

تمثال نص لكاتب پراڤ الناطق بلالمانية ، وهو خدمة تاع دايفيد سارني ف 2014 ، وفيه 42 بلاكة متحركة لاصقة بدويرة ، و جاي فوق (لاڤار لكبيرة) تاع ميطرو نارودني تريدا في پراڤ .

ليكريتيان حاولو باش يديرو لخدمة تاع كافكا فتيارات تاع الادب كما لحداثة و الواقعية سحرية . لحاجة لي منتاملوهاش لي نلقاوهم فل خدمة تاعو (هما سمات نموذجية لما ستتناوله الوجودية لاحقًا )، فضل للمهمة تاع شخص . لي كريتيان حسبوا كاين تأثير للماركسية ، سرتو فل مواقف نقدية على للبيروقراطية .ومزالو لخرين، كما مايكل لوي يشوفو ذا لموقف للبيروقراطية ماثر اناركيا [25]. وبالمثل ، وليهودية تأثير فرويد مطعون تاني .توماس مان وماكس برود شافو فلخدمة تاع كافكا بحثًا ميتافيزيقيًا عن الله.

في لمحاكمة ، نلقاو نلقاو لاڤريتي فموضوع الكذب بصح ملازمش نفهمو كافكا بفهامة مشي صحيحة . ومين يقولو لي وصاونا على شخصة لمهمة ، جوزيف ك ،"بلي سلطات تبغي الكذب ، لبغات كما راه فل قانون" . بصح ملازمش يفهمو هاكا ليق يفهمو لخطاأ بلمعاني تاع ليهود ، زعما كاين مونك مل كوتي لمادي فل بشري . لاڢريتي ان ذو شخصيات مديرةنجيين في حياتهم بسكو متعلقة بذا شي ،ولبيت تاع لخطأ هوا غير باش يخلي لبنادم يتحرك ، ويدمره باش يعرف على راه كاين . مل جهة وحدوخرا "لقانون لي بغيينو قاع ناس " كما لقانون لي فل محاكمة، بلاك يبين لكمال للراجل ويطيڨ يدوموندي ويشوف لعكس "دروك راه يشوف لعكس فظلمة،وميطيقش يخبي من جهة لقانون".

فيما يخص سوجيات تاع لغتراب ولظطهاد مهمة فلخدمة تاع كافكا . وصلت وين بدا شونتجاج مجديد . بزاف م نقاد حسبو لخدمة تاع كافكا مشي غير كان يكتب وحدو ومعزول مي كان كتتاب مليح وقاري مليح ، وميطيقوش يختازلوه فليڨروپ . و مع تالي لميساج لباباه (لي مزال مرسولوش) وحد ناس يحسبوه هوا لمفتاح لخدمة تاعو ؛ وتما عبر عن باباه.

ضروك ، التركيز راه بشكل كببر على حقيقة انو كافكا وصحابو، ( كيما رانا نشوفو في ملاحظات تالية) ، ضحكوا على قراية قصص تاوعه لعبثية . وصف فيستديك كيفاش ضحك لمؤلف ومارسمان مين كانو يقراو لفصل لول من لمحاكمة (پروسي) ، ويقولو أيضا انو لكاتب ضحك بصوت عالي مين قرا هذاك لفصل لصحابو . في ڨاع لي كا . تلقى كاين بزاف من لفكاهة ليهودية ، لي كاينة تانيك في قصص لحاخام بعا شيم طوف ، كيما جمعها مارتن بوبر ، وهي روايات اي حبها كافكا ، كاين لبعض يعتقد ان كافكا مكانش علاباله كيفاش كانت قصص تاوعه بلي تتنبأ بلواقع وكيفاش ولينا منقدروش نزيدو نضحكو .

في نقاشات مع كافكا ، بقلم غوستاف جانوش (دي) ، تبين ليماچ تاع واحد كان علاباله بل عواڤب لكل كلمة، وزيد عليها كان راد باله و داي حذرو في ستخدام لكلمات ، وبهذا ، عفايس لمستقبل مكانوش غراب ليه ،في هاذ لكتاب ، كافكا يتنبأ بتدمير ألمانيا . قبل عشرين عام من لحرب لعالمية زاوجة .

هداك ميليان كونديرا دار طريقة سيرياليستية تاع كافكا تاع الزعاقة و اعتبر هد العفسة هي الساس لي عليه لاباز لي يخلي لكتاب و لمخرجين باه يكتبو كما فيديريكو فيليني, ڨابرييل ڨارسيا, كارلوس فونتس و سلمان رشدي.

ڨابرييل ڨارسيا ماكيز قال بلي مور ما قرا الكتاب تاع لاميطامورفوز عرف بلي" ينجم يكتب بعفسة وحد اخرى". لي دار أثر في الادب الهولندي من بين لكتاب لخرين كيما فرديناند بورديفيك وويليام براكمان وويليام فرديك هيرمانس.

سوچي تاع لاناسيوناليتي

جنسية فرانز كافكا نمساوية ، تزاد في پراڨ ومات في تشيكوسلوفاكيا ، لوفات پراڨ كانت نهار لول مدينة تابعة للنمسا_ولمجر هي لي جعلاته يكون معروف ككاتب نمساوي أون جينيغال ، سكان بوهيميا لي يهدرو بلالمانية فداك الوقت كانو يحسو نفوسهم إما نمساويين ولى ألمانيين ( على حساب ثقافة تاع كل منطقة) ، كافكا مكانش يبين نفسو أنو نمساوي في لا ماچوريتي تاع حياته ،وهذا شي شكل حل للي تراڢاي تاوعه بلغة لفرنسية.

كتوباتو

لتواريخ لمذكورة هي تواريخ النشر.مكانش لي حدد لي تاكست بطريقة سپيسيفيك في ڨاع لمجالات ، لولى ڨاع في عام 1909.

Die Verwandlung ( لاميطامورفوز)، رسما تبينيا لـ تاجانا هوبتمان .

• 1912: (Betrachtung) ، عام 1913 ،بصح تپارطاچا في نهاية تاع 1912, 99 صفحة. لايپزيڨ ، (تعاود تصدر عام 1915)
• 1913: الحكم (Das Urteil) ، لايبزيغ ، كورت وولف ، 29 ص. (عاودو صدروه في عامي 1916 و 1920).
• 1913: الخياط (Der Heizer de Ein Fragment) ، لايبزيغ ، كورت وولف ، 47 ص. (عاودو صدروه في 1916 و 1917-1918).
• 1915: لميتامورفوز "لموسخ"(Die Verwandlung) ، كورت وولف ، 73 ص. (تعاود تصدر في عامي 1915 و 1918).
• 1919: كولوني تاع لعقاب (In der Strafkolonie) ، كورت وولف ، 71 ص.
• 1919: طبيب الريف (Ein Landarzt. Kleine Erzählungen) ، كورت وولف ، 189 ص.
• 1922: ذرڨاز (مع لاسوفرونس تاع امرة صغيرة وجوزيفي شونتوز ، وشعب.

كتوباته لي تنشرت بعدما مات :

• 1925: لبروسي (Der Prozeß)
• 1926: شاطو (Das Schloß)
• 1927: ماريكان (Amerika) ، (مالڨري تنشر روطار ، بصح تكتب قبل (لبروسي ، ولشاطو)
• 1931: لملجأ (Der Bau)
• 1937: جورنال آنتيم (أول تصديرة فرنسية: 1945) [29]
• 1945: Paraboles "پارابول" (مجموعة من بزاف نصوص قصيرة ترجمها جان كاريف ،)
• 1944: صور لشنواة (تسعة نصوص ، باريس ، سيغيرس ، ترجمها جان كاريف).
• 2009: كراس إينكتاڢو (in_actavo) ,(1916-1918)
• 2010: مثال Zürau

لنقل لسينيمائي و تيليفيزيوني

• 1969: شاطو، فيلم لرودولف نويلت مع ماكسيميليان شيل وكوردولا ترانتو
• پروسي ، تنظمة بواسطة أورسون ويلز [30] عام 1962، مع انتوني بيركنز .
• ڢيلا في نيويورك، تبث فيلم فرنساوي لي بينوا جاكوت عام 1982 مع آن لوري ميوري ونيكولاس بيبي
• لميتامورفوز "لموسخ" فيلم تيلفزيوني فرنساوي لجان دانيال فيرهاغي ، تبث عام 1983.
• لشاطو ، فيلم تلفزيوني فرنساوي من إخراج جان كيرشبرون ، تبث عام 1984 مع دانيال ميسجيش في دور جوزيف ك
• أماريكا لي راپور دو كلاس ،

(Klassenverhätnisse) كتبه جان ماري شترواب ودانييل هيليت، عام 1984

• كافكا ، فيلم من إخراج ستيفن سودربيرغ ، لي وين جيريمي آيرونز لعب دور كافكا ، يجمع بين حياة كافكا ولعمل تاعه في قالب يشبه سيرة تاعو . في هذا لفيلم ، كافكا يدير أونكات على ختفاء واحد من صحابو ، وبهدي طريقة يولي ممثل مام في روايات تاوعه لخاصة ( لقلعة ، و لپروسي )

• فيلم كافكا ، (لحياة رايعة ) ، فيلم قصير فاز بلتروفي تاع أوسكار عام 1993 ، من إخراج بيتر كابلدي و بطولة ريتشارد إي جرانت في دور كافكا . هدا الفيلم يمزج بين فيلم لميتامورفوز مع لحياة رياعة (Its a wonderful life) تاع فرانك كابرا
• فيلم لميتامورفوز تاع فرانز كافكا ( the metamorphosis LF franz Kafka) ، فيلم قصير خرج عام 1993 لكارلوس اتانيس .
• پروسي ، هدا تاني خرج عام 1993 ، بطولة كايل ماكلاشلان في دور جوزيف ك . وانتوني هوبكنز في أداء شباب ككاهن . فيلم يتبع الأصلي بطريقة بدقة . سيناريو من تأليف هارولد بينتر .
• زاموك (شاطو) فيلم روسي من إخراج أليكسي بالابانوف عام 1994.
• شاطو ( فيلم، عام 1997) ، فيلم تيليفزيوني من إخراج مايكل هانيكي مع أولريش موهي وسوزان لوثار
• فيلم (menshenkörper), فيلم قصير ،عام 2004، من تأليف توبياس فريمورڨن . هذا لفيلم هو تفسير مجاني وموداغن لقصة طبيب ريف .
• ڢواياج لأيطاليا ،عام 2006 ،فيلم قصير لكريستوف كلافيرت. هذا لفيلم هو إقتباس من لجزئ تاع يوميات كافكا

لاداپتاسيو على لي بوند ديسيني

دافيد زين مايرويتز و روبرت كرامب ، كاكا ،( طرجمه لماركاني جان بيير ميرسيه) ، آرلس، آكتيس سود ، 2006، كول . ريال جوبدوت ، ماريكان ، ولى مديسپاري ، حساب رواية لي تحمل نفس لإسم ، إيديسيو تاع پراستاك ،2013 فيه 184 صفحة هورن پيريرد و إيريك كوربايرن ، لميتامورفوز، حساب رواية لي تحمل نفس الإسم ، 2009

لي نوت

هذا لاغتيكل داوه من ويكيبيديا لهولندية "فرانز كافكا

شوف تاني

بيبليوتاك

• ماكس برود, فرانز كافكا,السوفونيرات والكواعط ، باري ، غاليمار ، 1945 ( طبعا اللولا ب لغة لالمانيا ، تحت تيتر فرانز كافكا. السيفي ، براغ ، 1937).
• أندريه غورز ، كافكا وبروبلام التكبر ، 1945 ، كور لقاه ف 2009 في كريستوف فوريل ، أندريه غورز ، لمفكرتاع لقرن لحداعش ولعشرين .
• مارثي روبرت ، كافكا ، باريس ، غاليمارد ، 1960.
• كلاوس واجنباخ ، فرانز كافكا ، لعوام لولا ، باري ، ميركيور دو فرانس ، 1967.
• جيل دولوز وفيليكس غوتاري ، كافكا ، لادب زاوج ، باري ، مينويت ، 1975.
• غوستاف جانوش ، هدرةمع فرانز كافكا ، باري ، موريس نادو ، 1978.
• موريس بلانشو ، من كافكا ل كافكا ، باري ، غاليمارد ، 1981 ، لونصومبل . "لي زيدي" (اس ب ن 2-07-035453-9).
• جان مونتالبيرتي ، "كافكا ل براغواز" ، مقازين ليتيرار ، لنيميرو 198 ، سبتومبر 1983.قرا اونلاين لارشيف
• كلاوس واجنباخ ، كافكا ، باريي ، بلفوند ، 1983.
• لقرن تاع كافكا ، جماعي ، ياشا ديفيد وجان بيير موريل (دير.) ، باري ، سونتر جورج بومبيدو ، 1984.
• ارنو فيلاني كافكا: فتح واقف ، باريي، بيلين ، 1984.
• مارث روبرت ، وحدا كيما فرانز كافكا ، باري، كالمان ليفي ، 1985.
• جان ميشيل ري ، واحد لبنادم يرقص ، سميات تاع كافكا ، ليل ، لمطبعا تاع جاميعة ليل ، 1985.
• كلود ديفيد ، فرانز كافكا ، باريي ، فايارد ، 1988.
• إرنست باول ، فرانز كافكا ولا كابوس تاع لعقل ، باريي ، لو سيويل ، 1988 ، ترجما ديال ميشيل تشيون لماريكانيا و جان جيلوينو (ا س ب ن 2-02-025732-7).
• سرج تشامشنوف ، مفتاح اوفيسيال لـ شاطو تاع ل ك، كتاب لفنان ، 1989 ، 2006 ، 2009.

ريجين روبن ، كافكا ، باريي ، بلفوند ، كول. "دوسيات بالفوند" ، 1989 (ا س ب ن 2-7144-2320-5).

• بيير ميرتنز ، كاتب كافكا "مزير " لارشيف [PDF] ، بروكسل ،لاكاديمي لملكيا تاع لغة لفرنسيسيا و لاداب ف لابالجيك ، 1996.
• كلود تيبوت ،لاميطامورفوز فرانز كافكا ، باريي ، غاليمار ، كول. " لكتشافات تاع غاليمار / لدب" (نيميرو 305) ، 1996.
• جين بيير موريل ، شرع تاع فرانز كافكا ، باريي ، غاليمار ، كول. بيبليوتاك 1998.

لمراسلات

• فرانز كافكا ، مرسلات (1902-1924) ، تراد. من لالمانيا(النمسا) ولمقدما من مارث روبرت ، باري ، غاليمارد ، 1965.
• فرانز كافكا ، كيفاش منربوش الدراري . بريات على لعايلة و غيرها م لفعايل لوحشيين ، باريي ، اديسيون لورما ، 2020.

ليقونة

• فلافيو كوستانتيني ، فرانز كافكا ، اون لاين لارشيف.

اغتيكلات عندها علاقة

• لادب تاع لغة لالمانيا.
• متحف فرانز كافكا ، براغ.
• جو فيديو تاع فرانز كافكا ،جو فيديو تخيلوها من خدمته.
• لغابا لي في فيها الظلما (2017) ، رويا تاع نيكول كراوس.

روابط برانية

• دخلات لل قوامس ولا لموسوعات لعاما : موسوعا تاع براكيوس لارشيف · السيفي لالماني لارشيف · لموسوعا ليطاليا لارشيفموسوعا تاع دي أجوستيني لارشيف · موسوعا تاع إيطو لارشيف · لموسوعا لبريطانيكا لارشيف · لموسوعا ليونيفيرسالتيا لارشيف · لموسوعا تريكانيا لارشيف · غران لنسيكلوبيديا كاتالانا لارشيف · لنسيكلوبديا هرفاتسكا لارشيف · قاموس السيفي نمساوي 1815-1950 لارشيف ·حانوت لموسوعا نرويجيا لارشيف ·لموسوعا لمونديال ليتوانيالارشيف.
• السورس تاع لفنون الشابا :ديلارج لارشيف. (بالإنڭليزية) جاميعة شيكاغو تاع لفنلارشيف. لفنانين تاع لموند فلانترنيتا لارشيف.